【台北】吵嚷三寶雨中一日遊

23 January 2016, Saturday

昨天吵嚷三寶大鬧宜蘭一日, 總算天公造美, 大部分行程順便完成, 當中有驚無險, 還得神落... (玩到夜市先開始落大雨, 都算係咁啦)


今天繼續吵吵嚷嚷, 轉移陣地, 留守台北...

原定的行程...

Option A > 松山文創區 > 誠品生活松菸文化園區 > 東區地下街 > 五分埔 >饒河街夜市

Option B > 松山文創區 > 誠品生活松菸文化園區  > 微風松高 > ATT 4 FUN > 幾米月亮公車 > 臨江街夜市

因為落大雨+天氣凍, 轉Plan C!!! 唔玩室外玩室內!!!



朝早兵分三路, 各行各路...

進擊兵：貓兄...
懶熊兵：KaKaMa & KaKa...
沉睡兵：拉姑...

松山文創的進擊的巨人展&拉拉熊的甜蜜時光特展, 2個展覽我都已經睇咗, 可以瞓晏D...

進擊兵&懶熊兵睇完展覽仲要逛埋誠品松菸店... 我成朝Hea下Hea下咁, 竟然都快過佢地去到集合地點... 微風松高!!!

尋日玩得太盡, 一早起身已經好鬼攰, 唔知佢地幾耐先行到來, 呢度食大餐嘅餐廳就大把, 想搵間Cafe坐低飲住杯o野等都難, 終於比我係搵到1間路邊攤有1個位... High Chair, 坐得唔舒服, 好過無... (後來發覺佢唔係路邊攤, 係生活藝術品店內的自家Cafe)

2:20PM 熱朱古力奶@FAVVI CAFE...


2:55PM LINE FRIENDS專門店...


吹到好大, 實際好細, 有點失望... 轉場到ATT4FUN...

3:30PM 下午茶@布丁狗咖啡館 POMPOMPURIN Cafe...


新開無耐, 好彩唔使排好耐, 10分鐘左右入得...


餐廳入口...


萌爆的布丁狗梳化...



布丁狗充斥整間餐廳...





我地坐係佢側邊, 不停被攝入鏡...



哈哈... 影人裙底的姨姨, 好變態, 教壞細路...


有D餐食完可以帶走布丁狗造型杯, 每日限定50名... 落單時問店員, 已經派完... 咁我唔叫貴餐啦~~~

【台灣限定】布丁狗抺茶布丁 NT$150
-- 散落的櫻花花瓣好浪漫唷... 無味的... 抺茶布丁... 不過不失吧... 加了黑糖糖漿會好一點... 畢竟... 是來吃環境吧...


帽子是朱古力夾心餅哦~~~


熱蜜桃茶 NT$80


KaKaMa同KaKa真利害... 剛係松菸誠品食過烏冬, 來到又吃意粉...


冰凍的雪糕甜品賣相吸引, 不過我仲咳緊, 唔敢試...



味道：★★☆☆☆
環境：★★★★☆
服務：★★★☆☆
衛生：★★★☆☆
抵食：★★☆☆☆

布丁狗餐廳pompompurin cafe
地址：台北市 信義區 松壽路12號5樓
電話：+886 2 7743-6800
網址：www.facebook.com/CRTWPPPC


試完新餐廳, 落地庫搵龍貓... 我第一次搭貓巴士咋!!!



行咗個圈, 樣樣都想買... (冷靜D, 冷靜D)

離開ATT4FUN, 要在雨中搶的士... 去買文具 (=_=)"... 

6:00PM 墊腳石圖書文化廣場 重南店


行咗2個幾鐘呀, 陰公... 我同貓兄後期索性坐係2樓等... 順便上網搵吓邊度有好o野食... 我地今次醒啦, 打個電話去餐廳問下有無位先, 免行冤枉路... 撞正假期, 稍為吸引的餐廳都已經Full House喇...

8:30PM KaKa同KaKaMa終於肯走...

之後KaKaMa發板行去火車站, 佢話果度好多o野食... 但佢又唔認路, 又唔睇地圖, 誤打誤撞就去到京站... 的確有好多餐廳...

On the way買了可愛吸水杯墊, 神奇度100%...


9:00PM MO-MO-Paradise


Full House, 要等位, 原本可任食1.5小時, 但我地9點鬆D先入去, 10點餐廳又關門, 幸好到了10點都無即時趕我地走... 我地都好識做, 好似10分鐘內走人, 連跟餐送的甜品都唔食喇... (天氣咁凍, 唔想食D冰落肚, 再加上已經鬼又飽)

任食... 假期晚上都係NT$479, 小童NT$240, 抵啦都...


蕃茄鮮蔬鍋+壽喜燒...


任食豬肉/牛肉... 每次唔同部位, 好壞參半, 來到先知好唔好, 無得揀...




任食蔬菜車... 要搵到人先有, 仲要每次一碟仔...



剩係呢碗飯已飽咗一半...


飲品要加錢, NT$80/位, 任飲... 識得飲, 一定係飲可爾必思(Calpis)...


味道不太差, 肉質一時時, 一半半, 蔬菜很不錯... 大胃王不妨考慮一下...


味道：★★★☆☆
環境：★★★★☆
服務：★★★★☆
衛生：★★★★☆
抵食：★★★★☆

Mo-Mo-Paradise 京站牧場
地址：台北市 大安區 承德路一段1號4樓(京站時尚廣場)
電話：+886 2 2550-0889
網址：www.mo-mo.com.tw


食飽飽, 坐的士返歸... 聽朝一早仲要去探懶蛋哥...