朋友, 你有無Check過自己今年有無犯太歲?!!年卅(今年得年廿九)有無用碌柚葉沖涼?!!
我2樣都無!!! (明顯唔Care)
今日出事後先見到小學班長Share的Facebook資訊... 我地今年犯太歲!!! 初二咋今日... 即係猴年第二日咋... 使唔使咁快應驗呀?!! (明顯馬後炮)
故事嘅開始係咁嘅...
阿天氣報告話, 今日好好好天喎... 唔出街去遊山玩水真係對唔住自己囉~~~
Honey好想上陽明山, 但我地無車牌, 坐Taxi上去的話, 我真係好擔心上到山落唔到山...
咁我反建議再去淡水, 因為坐MRT已去到, 而且上次落雨都睇唔到日落... 就係咁, 鏡頭一轉, 已經去到淡水捷運站旁的巴士總站排緊隊等紅26...
排隊的人超多, 架巴士又細, 第1架車走後, 隊伍只向前移咗少少... 到第2架車, 我排到隊頭第1位時, 眼見上車都無位坐, 決定唔上車, 之後後面有D人決定上車有D人決定等下一架...
有一大堆人湧上車, 有2男2女年輕人剛來到, 又學人湧上車, 湧唔到, 就企係隊頭(即係我前面)插隊, 我當然第一時間插佢地, 用有限的國語話完佢地, 對方唔理, 再用英文話, 對方當你耳邊風, 仲背向住我, 1個跟1個Form成1條直線, 企正係我身前插隊, 扮晒佢地先係隊頭...
正當我想發難時, 排我後面位「淡水阿嬤」伸手拉住我, 用英文同我講叫我要保持內心Happy, 咁先唔會受環境影響, 仲有一大堆理論... 難得有台灣人主動同我講英文, 仲要係出自一位「阿嬤」口中, 我真的有點好奇, 所以繼續傾了一陣子...
「淡水阿嬤」絕非池中物, 講得一口流利英語, 對香港的事也有留意到, 佢話"Taiwan still have hope, Hong Kong no hope, no sunshine"... 講到呢到, 我地只可以不斷低頭點頭, 真想"哇"一聲哭出來!!!
果4個打尖友, 19分鐘不敢發一言, 不敢轉身, 明顯心虛... 去到紅毛城就落車, 咁近好心就行過去, 廿幾歳人咁近仲要打尖, 比人鬧仲要唔認當自己啱晒, 不禁要套用《綜藝玩很大》經常用的一個詞語--「癈咖」在他們身上...
去到漁人碼頭尾2個站, 搞錯咗無落車, 去到總站(福容大飯店旁)先落, 錯有錯著, 原來總站先係Post Card的Shoot Point!!!
太陽開始落山, 海邊又大風, LaLa聲去買杯熱飲暖下手先...
順便買點小吃, 打算食完繼續欣賞日落...
排隊期間, 有個怪大叔拍我手臂問我炸雞排幾錢, 我答唔知... 之後佢捉住另1個剛買完的女仔問, 對方隊張單比佢睇NT$60, 佢大叫咁貴o架!!!
我心裡暗忖 : 吓?!! HK$15咋喎, 大塊過個頭的雞排, 比市區平啦已經~~~
之後佢又拍我手臂... "大姐, 幫我看一下, 我去攞錢買"... 他的背包是Hello Kitty幼童Size耶!!!
佢果句"大姐", 令我的心好寒呀!!!!!! 喂, 點睇我D皮膚都比你後生20-30年啦, 雖然我從小都不是白滑果種, 但佢係乾黃呀!!! Roar))))))
再者, 佢剛才決定來排隊時無帶錢係身就來排隊的嗎?!! (那個粉紅Hello Kitty背包已不是重點)
他的舉動, 已經引起排我前面一家三口的注目禮... (最後他帶著NT$100笑著回來)
輪到我落單時, 店員問我要咩, 我在櫃枱上的餐牌指住花枝丸&炸地瓜, 但店員又再轉身忙其他的, 我默默等待的時候, 怪大叔忘恩負義地大聲罵我, 大概是「人地問你要咩, 做咩仲唔答人」之類... 店員看不過眼, 大聲罵個怪大叔, 大家一直對罵了一陣子, 唔識講國語的我, 無法參與其中...
排隊買完, 仲要等拎, 點知, 等咗好耐都仲未有, Honey幫我等住先, 好讓我可以上橋上面影張夕陽無限好的照片...
花了20分鐘在豪大大...
好吃的炸花枝丸...
鹹C人無命賠的炸地瓜...
再回到橋上, 太陽已經不見了...
仲想影張「花枝丸與鹹蛋黃」的合照... Too Late...
淡水情人橋...
慘劇... 即將發生...
臨走前, 想食埋九份芋圓... 好可惜, 碗紅豆沙完全無紅豆味的, 芋圓亦不好吃, 很後悔...
影完呢張相, 突然後頸肩被熱湯倒頭淋, 直接落肉, 不是隔住衣服果種... 沿頸肩一直流到背部, 燙得我大聲慘叫, 然後再被淋多一次, 今次連頭髮都淋濕, 我再次發出慘叫聲, 相信我的慘叫聲已經震攝全場...
Honey彈起身罵"搞錯呀", 之後不停幫我抺身...
個女人, 完全無Say過Sorry, 亦無關心過我的傷勢, 只係一味大聲話人突然站起來...
連在廚房內忙著舀的女湯店員, 都大聲叫出來, 問咗2次問我有無事, 要唔要去佢果便用水洗一下...
個女人, 講來講去都話人突然站起來, 我火都來, Roar佢"我沒有站起來, 我為什麼要站起來", "燙呀"... (當時我懂得講的國語就只有這2句, 初3晚Whatsapp朋友訴說時, 佢地話理得佢聽唔聽得明, 用廣東話爆咗佢先啦... 呢下我真係笑咗, 至理名言, 點解我當時諗唔通)
個女人先話係坐我身後個男人站起來... 唔係話我... 我拎個頭去啤一啤那個男的, 對方即時道歉, 之後先解釋話起身時唔知身後有人...
我無言了... 人家都道歉了, 還能對他做什麼?!! 佢倆見勢即時散水...
我無怪那個男的, 因為佢識得道歉...
但那個女人的態度先令人最Angry, 一直無道歉, 由始而終將所有責任推落人地身上, 一句慰問都無, 坐低時仲要話佢自己隻手都紅咗啦~~~ (就憑呢4部曲, 我敢大膽斷定, 佢係強國人!!!)
喂, 你係人唔係呀?!! 碗熱湯係你嘅, 又係由你親手倒落我頸肩背, 雖然係意外, 但唔好講到唔關你事咁!!!
你隻手可以洗手, 又可以敷冰呀!!! 唔好計碗湯咁熱我D皮膚會被燙傷, 我衫都濕晒, 頭又濕埋, 外面攝氏十度, 唔病就有鬼啦~~~ Roar))))))))
就係箭咀指住果個女人...
去到巴士站, 場面猶如一大堆難民硬迫上一架到站前已滿到爆的巴士咁, 僅有的3架的士都被搶光, UBER 沒有 Available 的車... 冷風亦開始加強... 有無再悲慘D呀?!!
行返去總站, 幾百人排緊隊, 的士就算亮"空車"都唔接客, 感到絕望時, 突然一架857 (淡海 > 板橋) 吉車來到, 現場只有數人上車, 雖然唔知去邊, 一心只諗住出到市區先諗辦法再轉的士, 就照上車, 點知原來857都經淡水老街同捷運淡水站!!! 我地仲有位坐呀!!! Honey話 : 都唔黑得晒啦~~~
去到捷運淡水站又入唔到閘, 話我今日出閘無拍卡... 明顯係當時人流太多部出閘機Overload啦...
上咗MRT先睇到小學班長係Facebook Share話我地今年犯太歲!!! 頭先成碗熱湯倒頭淋, 咩太歲都化咗啦, 唔使去洗牙抽血啦...
最神奇嘅係, 我皮膚超級過敏, 正常比碗糖水咁淋法, 一早「搲痕」搲到流晒血啦... 正如標題「淡水糖水淡如水」所講, 我竟然完全無痕, 仲可以去食埋豬排飯先返宿舍, 我都覺得自己耐力又昇華咗...
寧可信其有, 入超市入D柚子沖涼液&柚子茶先, 由內至外清除霉氣... (支綠茶都好險, 下晝排巴士入淡水碼頭時買的, 比硬幣+無拎Invoice, 入到家樂福時先醒起, 勁驚比人CHECK到當我地偷o野, 今日黑到咁, 驚係正常啩)
呢盒Ointment係前年去加拿大的養蜂場買的, 一路都無開過, 個盒標示Special Use : Very useful for burns... 終於覺得自己當日無亂買o野...
之後2日頸肩背的皮仍然隱隱作痛, Poor me...
沒有留言:
張貼留言