【台北】一道氏燉雞：重拾兒時的味道

20 January 2016, Wednesday

剛在華山文創的光點珈琲時光扮完偽文青, 轉過頭又行咗去東區搵食... 話遠唔遠, 話近都唔近, 步行大約30分鐘左右啦...

行咗幾條食街, 明明平時覺得間間餐廳都好吸引的, 卻因為落雨, 間間店都好似好冷清咁, 連平時覺得好有情調的半露天用餐區都變得極不吸引...

雨落得越來越大...

突然係我地面前出現咗一間好光猛的餐廳, 「韓國直營, 台灣總店」?!! Full House兼有人係店外等位中... 決定喇, 就呢間啦~~~ 不過... 要搭枱喎!!!!!!


呢2張相係9PM離開時影的... 相中的外籍男子同華籍男子剛才比我地早少少係餐廳門外等, 佢地唔使搭枱...


每人都有1條圍裙, 我地2個無用到...


餐牌獨沽一味... 燉雞!!! 傳統燉雞、養生燉雞、辣雞湯、起司燉雞... That's all~~~




店員知我唔食得辣, 佢話如果可以接受少少辣的話, 建議辣度選2度最好味... (辣度0-5, 0度仍有胡椒味)

傳統燉雞 (小) NT$600
-- 我同Honey食第一啖已經覺得好好味, 大家都不約而同記得細個時曾經有一段時間, D阿媽係好鍾意整呢隻味嘅薯仔炆雞... 呢度除咗薯仔同雞, 仲多咗年糕同粉絲, 韓式果隻... 調味料都落得好重手, 甜度極高, 似落咗好多醬油同糖... 不過好耐無食過呢隻味,  因為啱口味一時情不自禁KO晒, 清得乾乾淨淨, 2個人食完煲細嘅都相當之飽... 



無咩點食過的前菜...


韓國梨子汁 NT$60 / CASS啤酒 NT$120
-- 飲品選擇少, 被迫增加糖分攝取量...


價錢其實都OK抵, 份量又多, 味道又唔錯... 不知為何我的潛意識叫我不應該經常來食, 淺嚐OK... 唔通因為無甜品供應?!!


味道：★★★☆☆
環境：★★★☆☆
服務：★★★☆☆
衛生：★★★★☆
抵食：★★★★☆

一道氏燉雞 일도씨찜닭
地址：台北市 大安區 敦化南路一段187巷70號1樓
電話：+886 2 2773-3348
網址：