【台北】銀座日本料理：「伯母」晚餐

30 December 2015, Wednesday

今晚約了台灣朋友吃晚飯, 預祝一下2016年的來臨... (其實係約佢食聖誕大餐, 不過我同佢都病咗, 只好延期至今天)

朋友原本想帶我地去食古早味台菜, 點知一問之下, 竟然係做冬果日中伏的阿美飯店, 我地即時嚇到耍手擰頭... 之後朋友話有間德國菜幾好, 我地又話Christmas Eve果晚先食過... 其實我地2個都真係幾麻煩, 嘩哈哈哈~~~

之後朋友話天母有間唔錯的日本餐廳, 我之前去食忠誠牛肉麵有路過的... 我知係邊!!! (但係... 事後先知佢原來未去過的, 噢, 天呀!!!)




由於無訂位, 只可以坐樓下門口背貼收銀櫃的位置, 係零距離, 相當狹迫, 台灣朋友用廣東話講笑話幫佢收銀, 店員聽得明, 仲搭棚話要幫佢聽埋電話... 呢一刻, 我仍然保持良好的心情, 迫一點沒關係, 有好o野食就得啦~~~

「伯母」晚餐是什麼?!! 應該只有香港/廣東人會知謎底吧... 廣東話發音「伯母」同「百無」係100%相同的!!! Yeah, 比D掌聲廣東話!!!

餐牌內大部份的東西都是沒有的, 根本沒什麼可以吃得飽, 店員說想吃東西是要預訂店長料理, 價錢我也記不清楚, 大概每位千多元新台幣吧, 始終我的國語是「零雞包」...

要知道內心那股「吃到嘴邊卻又吃不到」的怨念會有多強大嗎?!! 今天一定是食不滋味的, 大家只好看價錢/份量/賣相, 味道好不好是很個人的, 始終同一個味道是會有人喜歡亦會有人不喜歡的...

漬蘿蔔酸酸咪咪帶柚子清香都幾好味...

 

朋友Order了暖清酒, 價錢我不太清楚, 雖然最後是我埋單的...


炒牛蒡絲 (豬) NT$220
-- 好味, 甜甜地有肉香...


南瓜豆腐 NT$100/個
-- 皮不脆的, 沒有什麼味道, 淡淡的, 豆腐亦不太滑...


鰻魚手卷 NT$120/個
-- 蠻OK的, 至少不難吃...


蝦天婦羅 NT$280
-- 沒有太大印象, 不難吃, 只是沒味道淡淡的...



招牌壽司 NT$300
-- NT$150/半份, 隱約記得呢度係1份... 完完全全不知道招牌在那, 只是吃到Mayonnaise蛋黃醬跟白飯, 花枝跟蟹肉私奔喇...



若雞唐揚 NT$
-- 而家睇返影咗嘅餐牌, 竟然是沒價錢的, 天呀!!! 餐牌圖片是炸雞, 為何會變了4隻炸雞中翼?!! 心裡已經想翻枱, 吃進口更是任何一間茶餐廳都比佢好味, 還能說什麼, 我對住佢真係笑唔出...


完全無食過咩咁, 都唔想再加單, 亦唔到你加單, 呢樣又無, 嗰樣又無... 返歸~~~

附送柿餅+紅豆甜湯竟然是全晚最好味的, Unbelievable!!! (甜品怪講嘅)




3個人埋單NT$1980, 給我的感覺是... 食咗幾舊飯!!! 一點也不便宜的米飯!!! 大家要搞清楚, 係香港的Standard你可能覺得呢個價要啦, 但呢度係台灣, 呢個價錢, 可以食得好好的...

高高興興的去, 失失落落的走...

味道：★★★☆☆
環境：★★★☆☆
服務：★★★☆☆
衛生：★★★★☆
抵食：★★☆☆☆

銀座日本料理
地址：台北市 士林區 德行東路101號
電話：+886 2 2832-6501
網址：