【台北】UNCLES 魷魚大叔：感染瘋韓。JUNK糕FOOD

2 January 2016, Saturday

欣賞完拉拉熊的甜蜜時光特展, 返回國父紀念館站的途中, 萌生搵食念頭... 一直往前走一直往前走, 竟然來到之前專程來搵食的地區...

國父紀念館站2號出口有幾條食街, 各國特色菜都有, 由街頭行到街尾, 再由街尾行到街頭, 好多餐廳都好吸引... 日式烤肉, 吃到飽蟹火鍋... 可惜我咳緊, 無緣...

行行下, 有間韓國餐廳門外超多人... 睇睇餐牌, 有辣炒年糕呀!!! 我想食!!! 我想食!!!

可惜... 無訂位的話, 幫唔到你... 其實好多吉枱, 但都被人訂了6:30PM, 只剩45分鐘... Honey遊說店員我地食得好快... 結果... 又轉到第2個店員來交涉... 佢被我地的Blink Blink 眼打動, 有得食, 好o野...


UNCLES 魷魚大叔 的裝修也實在太Man了... 我地即時地盤佬上身...






全場唯一的High Table... 我地就係坐呢張... 如果唔係行拉拉熊的甜蜜時光特展行到腿軟, 我會選擇站著吃...


想呼喚店員?!! 看我的... Blink Blink 神仙棒!!!


攝石虎爭取出場成功... 我Blink, 我Blink,我Blink Blink Blink...

餐牌其實選擇不多, 大家都選辣炒年糕+芝士, 拿著剪刀剪芝士來吃好像很好玩, 但芝士太膩, 而且好辣, 乾炒的會無咁辣...

乾式火焰辣炒年糕 NT$290
-- 店員說是辛辣麵的2倍辣度, 初時有點擔心, 但食落真係無想像中咁辣, 因為佢係甜辣... 材料只有年糕、鴿蛋、高麗菜, 連魚板都無, 好寡... 而且2個人食咁多蛋, 好擔心膽固醇的問題... 年糕柔韌... 整盤東西, 如果沒有了甜辣醬, 我不想吃...




辣味雞翅 NT$270
-- 炸得有點Over, 皮好硬... 還好內裡還有肉汁, 調味亦剛好, 但勁勁勁熱氣...


麒麟黑生啤酒 NT$150

芭樂汁 NT$65
-- 石榴味係香, 但過甜, 倒瀉幾次糖水咁...

聖誕節的感冒還未好嗎?!! 還是我真的感染瘋韓?!! 明明平時碰也不想碰的JUNK FOOD, 卻因為佢蓋上的韓流的閃閃舞衣, 就當成是有Heart的媽媽菜?!!

真有點好奇, 網絡鋪天蓋地的推薦花都開好了(炸魷魚)同埋招牌火焰起司年糕, 係咪真係咁正呀?!!

味道：★★★☆☆
環境：★★★★☆
服務：★★★★☆
衛生：★★★★☆
抵食：★★★☆☆

UNCLES 魷魚大叔
地址：台北市 大安區 光復南路260巷31號
電話：+886 2 8771-8097
網址：