【台北】松山文創。拉拉熊的甜蜜時光特展

2 January 2016, Saturday

未出發, 先興奮!!!

係香港見到台北搞Rilakkuma(懶懶熊)展覽, 仲要係「海外首場、全球最大的拉拉熊展覽」, 嘩嘩嘩, 興奮到爆燈!!!!!! (利申 : 我同2個姨甥女都係Rilakkuma長年忠實粉絲)

來到台北, 有乜可能唔去潮聖先?!!

日日都可以去, 偏偏... 係正3日連假先出去同人迫, 2名瘋子!!! (天氣預報話之後一星期都落雨, 呼籲民眾要爭取好天氣出外逛逛)

台北大巨蛋原來就黐住松山文創園區, 施工都差不多完成, 而家又話要拆... 工地範圍好大, 搞到出咗捷運站要繞好大個圈...

第1次來松山文創園區(Songshan Cultural and Creative Park)... 建於1937年, 前身為台灣日治時期「台灣總督府專賣局松山菸草工場」, 1998年停止生產, 2001年由台北市政府指定為第99處市定古蹟, 並於2010年正式轉型定名「松山文創園區」。
 

園區內同時舉辦多個大型展覽...


睇展覽前去誠品B2食咗個快Lunch...


展覽館前有工程做緊, 超超超超超勁揮發性膠水味, 全個園區都聞到, 仲要排隊入場等咁耐聞咁耐, 差點要CALL白車, 離晒譜!!!


食飽飽即刻衝去排隊買飛...





排隊進場...

 
好大隻Rilakkuma呀!!! Rilakkuma呀!!! Rilakkuma呀!!! (瘋狂尖叫的同時, 仍然謹守秩序)
 

10週年回顧... 全都是我熟悉的...



場內超超超多人, 影張相都排好耐, 到自己果陣又唔可以影得耐, 唔好諗住可以慢慢試光圈或者打唔打燈, 平日來的話應該可以任影影到你唔影...





 














注意 : 職員只會維持秩序, 唔會幫你影合照, 而且表情好冷漠, 甚至令人不安, 同療癒系的Rilakkuma完全相反...

開始進入商店MODE...



我要買!!! 我要買!!! 我要買!!! 

搵咗成年, 終於比我搵到可以放到500蚊港紙的日式花布散紙包, 唔係唔買吓化?!! 好貴呀, 要成100蚊港幣, 唉, 但正所謂千金難買心頭好, 好難得先遇上, 再肉痛都要比佢啦... 個口罩反而平, 但原來唔好用的, 無立體剪裁之餘, 仲要好多毛線整到成塊面好痕, 最最最慘係透氣度低, 拉緊少少之後我唔夠1小時見暈咗10次以上...


睇完展覽太陽都已經落山... 行咗去國父紀念館站2號出口果邊果幾條食街搵食...
 
~~~ 拉拉熊的甜蜜時光特展小檔案 ~~~

展覽期間：2015/12/26（六）～2016/3/20（日）
展覽時間：10：00～18：00（17：30停止售票及入場；除夕休館）
展覽地點：松山文創園區 5號倉庫
展覽地址：11072台北市信義區光復南路133號
服務專線：02-8643-3955（週一至週五09:00-18:00）

粉絲專頁：www.facebook.com/RilakkumaEvent2015