【台北】101跨年煙火！做人同睇煙火都一樣要「看風駛利」

31 December 2015, Thursday

年紀大, 機械壞...

要我係邊街度「挨」到零晨仲要唔知幾點先有得瞓, 仿佛已是不可能的事...

誰說不可能?!! 要贏人, 先要贏自己!!! 311都挨得過, 有咩係我做唔到嘅!!!

去101睇跨年煙火?!! 唉... 好眼瞓呀... 咁多人, 點迫到入去呀... 睇到都走唔到啦...

千萬個藉口, 輕易就被台灣人的熱情粉碎!!! 台灣朋友知我地想去又唔敢去, 竟然一早揸架車去101附近幫我地踩線, 嘩, 人地影晒幾個捷運出口可以影到的101大小Send過來, 唔去好似對人唔住喎...



機會係留比有準備的人...

食過午飯, 我地就出去實地考察一次... 例如邊個捷運站同邊個出口...


留意下通告...


出站後的路面情況... (倒數完要極速逃回捷運站內)


我來踩完線就打算返去瞓個晏教再來, 估唔到有人2:30PM就已經霸定好位Set定腳架, 好神心呀!!! (天橋上靠右邊的人, 看到嗎?!!)


大家睇唔睇到我眼裡面果2團火?!! (有人病到Short咗, 唔使理佢)


行到101世貿站2號出口有個石屎大平地, 仲正, 但今晚來到應該無位, 見D人已經開定摺櫈Set緊腳架, 而且今晚捷運唔停呢個站, 睇完有排都走唔甩...


踩完線就返去眠一眠先... (最後掛住睇電視同打機同上網, 就係咁, 晏教都無瞓過, 歇到10點鬆再出發)

下午時1件T-Shirt加1件厚羽絨外套都好似涼浸浸咁, 比新聞嚇一嚇(12度), 加多1件外套係羽絨外套內先出發... (嘩, 人多果時熱到呢)



11:00PM左右去到信義安和捷運站出口, 已經人山人海... 接近最後15分鐘, 巴士停了, 人群湧出馬路中央等倒數...




攝石虎又要出下鏡... (企足1小時, 不停用手機/相機試不同拍攝模式, 揀定心水Mode倒數時不容有失)


11:59PM 10... 9... 8... 7... 6... (聽講附近有2百幾萬人, 一齊倒數時氣氛相當好)


Happy New Year!!!!!! 新年快樂!!!!!!



初時氣氛High爆, 直至101慢慢消失於PM2.5之中, 現場人士越來越寂靜...


攝石虎再度登場...


旁邊有位大嬸應該年年都有來睇, 不停話以前都唔會咁樣, 講咗幾十次...

其實踩完線後出發前新聞有講吹北風, 象山同松山方向會好D, 但我地人生路不熟,無諗過風向真係咁大影響, 所以無理會新聞... 現在想起來真的有點傻... 不聽新聞言, 吃虧在眼前...

Honey更精闢, 無啦啦爆句：做人同睇煙火都一樣要「看風駛利」, 笑屎我...

1:00AM 走得快，好世界！唔使1個鐘已經返歸睇埋電視直播, 妹神壓軸, Yeah!!!


2016的第一天, 突然唔願瞓, 居然睇重播睇到3點幾先瞓, Crazy!!! (聽日仲要去北投地熱谷, 都唔知起唔起到身)


Happy 2016, 祝大家新年進步, 身體健康!!! Good bye and good night!!!