天氣反覆無常, 加上舟車勞頓+體力勞動, 近兩星期病咗好多日, 聖誕節仲要去睇專科醫生慶祝一番, 這兩個星期食咗好多日Sogo Food Court的韓國人參雞粥... 我知... 中醫係話感冒唔可以食雞, 會補咗落D菌度, 但係我真係無得揀, 都未見過有食店賣綿綿白粥, 而且睇韓國旅遊節目, 佢地國家的中醫係話病緊要食人參雞粥先有元氣對付病菌... 眾說紛紜...今天突然胃口來了, 病好了嘛?!!
其實呢幾日都係1餐當3餐, 今日都唔例外...
3:30PM係下午茶時間, 亦係我地食早午晚餐嘅時候...
第一次路過smith&hsu時, 係比佢度大大大木門+Raw到爆的石屎吸引住, 仲有內裡座無虛席的賓墟場面... 今日都唔例行, 行慢一步, 樓下已滿座, 好彩樓上仲有少量座位...
入口是售賣茶葉、茶具的展示區... 茶具都很美, 藝術氣息沒法擋...
樓下用餐區, 7:00PM離開時才有機會影, 進店時坐滿人不敢舉起相機拍照... (身旁仲有1枱客)
樓上用餐區... 除了找不到店員落單要落樓下落單, 仲有要等好耐好耐好耐先有店員上來可以比我地捉住佢Refill Hot Water之外, 其實樓上比樓下好坐, 樓下車水馬龍, 樓上有種瞬間與世隔絕的清靜力量, 傾心事一流...
一坐下店員就送上48瓶精緻的茶葉Sample比大家用鼻索下, 以便選出心頭好... (之後店員就消失了)
要嗅齊咁多瓶有點不可能, 我地都係睇下邊D比較特色D平時少D接觸到的茶葉先打開蓋來嗅... 好不容易選出 #80 Fruit Blend Turkish Apple 同 #101 Herbal Infusion Magic Juice...
進入店內到下單已用了20分鐘... 再隔30分鐘, 店員送上餐具...
16:30PM 入座1小時, 終於有得食, 好彩入來時唔係認真好餓... (扣除我自己慢吞吞的20分鐘優柔寡斷, 下單後等了40分鐘)
* 注意 : English Afternoon Tea Set食物係未齊的, 手造曲奇仲焗緊...
smith&hsu 英式花園午茶組 (2-4人套餐) NT$1280
-- 英式酥餅4個、英國德文郡奶油、英國經典果醬、茶凍、蛋糕、手工餅乾、小三明治(燻鴨、牛肉、燻鮭)及任選2款$200或$220壺茶... 超強大的陣容!!! 5星級酒店的質數, 中環「蛇竇」翠華茶餐廳的價錢, 識得揀, 一定係揀佢...
餐牌有圖文並戌詳解如何完美享用起源自英國德文郡(Devon)的Cream Tea...
1. 將Scone對半切開
2. 抺上Clotted Cream
3. 塗抹果醬
由於未食早餐的關係, 同埋Scone凍咗會變硬無咁好食, 所以我一開波就食Scone, 事前無諗過, 呢度嘅Scone竟然仲好食過香港半島酒店的Scone... 鬆, 軟, 外皮帶少少脆, 內裡帶少少濕氣, 牛油的濃香... 嘩!!! 瞬間令我愛上Scone!!! (其實Scone我一向麻麻地, 覺得乾爭爭又硬又難吞)
覆盤子蛋黃醬與梅子醬更是畫龍點睛... 微酸的帶果香很解膩...
17:00PM 三層下午茶來了半小時, 茶才緩緩送上... (已入座90分鐘, 已下單70分鐘)
我的 #80香戀土耳其蘋果果茶有蘋果塊、蘋果纖維、黑刺莓葉、檸檬酸... 茶是非常非常的香, 混配得宜, 非常Balance, 味道是淡香, 顏色較淺... 呷下讓人感到很Relax...
Honey的 #101魔法茱麗葉花草茶有橙皮、黑醋栗葉、黑刺莓葉、接骨木果、接骨木花、蘋果塊、柳橙、石南... 味道比我的較濃, 顏色也較深, 香氣不相伯仲...
幹掉底層輪到頂層, 三明治都做得相當不錯... 煙三文魚三明治不會太腥... 燻鴨三明治用上黑醋, 香醇微酸, 合我口味... 牛肉三明治用上白醋也不俗, 很清新...
17:15PM 千呼萬喚始出來... 比D掌聲... 手作餅乾!!! (啪啪啪啪) (已下單90分鐘)
好熱, 未食得住... 食埋中層的茶凍同自選Cake先... 茶凍味道好複雜, 講唔出咩味, 有莓, 有玫瑰, 哈哈, 好似食緊Hand Cream咁...
自選蛋糕選了重乳酪蛋糕、鹽味焦糖咖啡慕斯... 2款都賣剩最後1件, 一定有其吸引之處... 我的鹽味焦糖咖啡慕斯超好味, 4重Layer 4重口感 4重味道, 有滑有脆, 有甜有鹹, 正!!!
手作餅乾放涼後, 酥脆香, 好味...
食完都唔走, 繼續Refill熱水, 繼續坐坐坐, 反正不趕時間, 好似同世界的時間軸脫了軌一樣, 這就是「慢活」吧... 我一向是心急人, 估唔到自己今日可以一次都無催促過D店員, 只有默默、默默、默默等待... 是脫胎換骨嗎?!!
19:00PM 終於離開了, 入座3個半小時, 下單都3小時了... 一頓HK$320的下午茶, 每人HK$160, 係香港, 不被店員趕走就可以上新聞了...
以後約朋友飲o野傾計好大機會會o黎返呢度, 超推薦!!!
靜靜雞同大家講, 唔叫咁大Set Afternoon Tea, 叫幾件小吃食下仲平呀!!!
味道：★★★★★
環境：★★★★★
服務：★★★☆☆
衛生：★★★★★
抵食：★★★★☆
smith&hsu
地址：台北市 士林區 中山北路6段177號1 & 2F
電話：+886 2 2838-1828
網址：www.smithandhsu.com
沒有留言:
張貼留言