Ken & Merry 為食男女，遊走世界!!!: 【台北】度小月：10年前過門而不入是正確的決定

15 December 2015, Tuesday

仲記得10年前來台北睇展覽的時候, 出發前睇旅遊書有考慮過度小月, 路過時見到好多人排緊隊, 就放棄了...

10年後的今天, 碰巧Honey的朋友也在台北, 便相約一起吃晚飯... (係, 又係佢的朋友, Honey真是相識滿天下)

大家都無Idea去邊度食, Honey見到另一個朋友PO了度小月的相片上FB, OK, 不如就去度小月延續10年前的未了緣吧...

做人真係唔好太感情用事, 去度小月這個決定絕對是錯的...

Honey上eztable網站訂位, 最快都要1個月後先有位, wow, 咁巴閉... 唯有試下Walk-in...

5:30PM去到未有人龍出現... 被安排到樓上坐...

店員推薦我地食NT$2000的4人套餐, 大家最後決定散叫...

胡亂點了好多東西, 價錢不算便宜, 份量好細, 店員以極高速度全部上桌, 枱子小小的根本放不下, 唯有趕緊快快食...

擔仔麵 NT$50
擔仔米粉 NT$50
現烤台灣烏魚子(2串) NT$100
-- 看到烏魚子的賣相, 心都涼了一截!!! 吃進口鹹味是有的, 香味卻不多, 鮮味就別提吧... 期望已一下子跌進谷底... 再吃一口擔仔麵, 這真是名物嗎?!! 湯底和滷肉都沒什麼味道... 中伏!!! 好彩落單時我好強調先叫一碗, 好味先再Order多一碗, 先無咁傷...

和風龍鬚菜 NT$100
現烤紹興香腸 NT$100
滷海帶 NT$60
-- 龍鬚菜的菜青味去除了不少, 口感也不太硬, 還不錯的... 滷海帶有點腥, 試一條已足夠... 烤香腸倒是很有水準, 皮脆脆的帶點微甜, 肉帶點酒香, 一夾再夾...

三杯雞腿肉 NT$320
-- 雞腿呀雞腿, Where are you going?!! 鍋內超過65%都是薑呀!!! 雞腿肉好似只有3小塊... 調味是OK的...

脆皮大腸 NT$200
-- 勇敢地試了一口, 好膻, 怕怕...

山藥雞湯 NT$250
-- 味道清清的, 味道還可以, 山藥份量倒是很多...

清炒大豆苗 NT$320
-- 好味, 沒有青味, 入口爽嫩...

甜品只有3款選擇... 對喉嚨痛的我來說, 是沒選擇, 因為更怕食凍糕腸胃會作反...

脆皮芋丸(4粒) NT$60
桂圓凍 NT$40
-- 朋友說桂圓凍好清香, 我地真係無福消受... 芋丸脆皮好硬, 芋餡味道只是一般, 店員放低脆皮芋丸果刻, 我真係有點倒胃口, 賣相像極... (一片綠葉插在XX下)