今日好幸福地瞓到黃朝百晏, 食埋個美味的早午餐... 跟住去邊好呢?!! Honey建議去誠品旗艦店朝聖...
咁多間誠品, 邊間先係旗艦店呀?!! 上網Search下先... 原來係誠品信義旗艦店!!!
地址：臺北市 信義區 松高路11號
電話：+886 2 8789-3388
網址：www.eslite.com
草草行完整棟大廈, 已經用了2小時, 下次再來可能要預一整天...
4點幾... 近近地就去一轉西門町吧... 去西門紅樓影張相是指定動作吧...
指定動作還包括到老天祿滷味買鴨舌...
買了滷水鴨舌、鴨腎、雞脾、雞翼、豆腐, 在附近找到椅子坐下享用, 滷味卻是冰凍的, 我不禁倒抽一口涼氣... 叫人點食呀?!! Roar))))))
帶返酒店叮熱來當晚餐食, 味道還不錯, 好彩今次係租Service Apartment啫...
味道：★★★☆☆
環境：★★☆☆☆
服務：★★☆☆☆
衛生：★★☆☆☆
抵食：★★★★☆
老天祿滷味
地址：台北市 萬華區 武昌街二段55號
電話：+886 2 2361-5588
網址：www.lautianlu.com.tw
老天祿有得睇無得食, 繼續逛...
好多間苦瓜汁專門店, 揀邊間好呢?!! 行到其中一個門口, U Turn, 就係檸檬屋, 就呢間啦...
有人真係肺癆, 唔係講假, 大熱天時帶晒頸巾... 條頸巾同套衫完全唔襯都硬住頭皮帶出街, 可想而知佢有幾嚴重...
檸檬屋鮮搾白苦瓜汁, 加蜂蜜好好味哦...
味道：★★★☆☆
環境：★★☆☆☆
服務：★★☆☆☆
衛生：★★☆☆☆
抵食：★★★★☆
檸檬屋
地址：台北市 萬華區 漢中街21號
電話：+886 2 2383-2228
網址：
最後任務... 士林名氣小吃--豪大大雞排!!! 成團韓國學生輪住買, 要等好耐... 見到有個著住同款校服嘅男學生就企係女學生後面隨地吐痰, 有無搞錯呀?!! 我好想嘔呀!!!
甜不辣 NT$50
-- 買雞排時, 店員極力推銷甜不辣 , 見英文係Tempura, 價錢又唔係貴, 就試下啦... 嘩!!! 難食到呢!!! 好似食緊炸粉醬咁, 又唔甜, 又唔辣, 又唔鹹, 少少味都無, 唔知自己食緊咩, 對不起, 我要掉落垃圾桶, 我都唔想浪費食物, 奈何...
豪大大雞排 NT$70
-- 果然名不虛傳, 雞排仲大過手掌, 炸皮香脆惹味, 頭幾啖食得好滋味, 食多2啖開始膩, 2人合力食了3份2已開始後勁不繼, 我要搣走塊炸皮齋食肉先可以勉強KO...
豪大大的食物實在太油膩, 食唔完都滯晒, 想唔打道回府都唔得... 今日Hea遊台北的行程到此為止...
今日算係我第一次係台灣掃街... 明天就出事了... 痾水!!! 痾咗最少4-5次... 不過我聽日食咗唔熱的炒麵之後就要趕返酒店辦大事, 都唔知係邊間有問題...
味道：★★★☆☆
環境：★★☆☆☆
服務：★★☆☆☆
衛生：★★☆☆☆
抵食：★★★☆☆
豪大大雞排
地址：台北市 萬華區 武昌街二段45號
電話：
網址：http://www.hotstar.com.tw
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言