今日都係Free Free Free...Honey開埋聽日同後日嘅會我地就可以返香港啦...
瞓到飽自然醒, 去邊度好呢...
Honey提議去光華商場隔離新開的電子產品商場... 又唔知叫咩名, 叫人點Search Google Map呀... 咁唯有Search光華商場啦...
光華商場係台北好出名的老牌電腦商場, 即係好似香港深水埗嘅黃金商場(人稱高登嘅Golden Computer Arcade)...
咦... 原來同「華山1914文化創意產業園區」同一個捷運站出口, 咁Easy啦...
國立台北科技大學... 好型呀!!! 成間樹屋咁呀!!!
右邊嘅係光華數位新天地(光華商場), 左邊流線形嘅係Syntrend三創生活園區--Honey口中嘅新光華商場...
Syntrend地下大堂嘅「SQ12 十二立方」好型呀!!! 空間大到無朋友...
每層都有不同主題, 有部分樓層有餐廳, 地庫有Food Court... 好方便, 行到攰可以食個Tea再行過... 部分樓層全層裝修中, 好似係for餐廳、Startup同Maker的...
1F 未來生活
2F 數位潮流
3F 觸動影像 CLICK
4F 創意匯流
5F 流行影音
6F 動漫基地
7F 子親娛樂
12F 多元展演
地方大, 相機的試機區亦做得非常認真... 2樓仲有3D Printer不停示範打印...
再向上行, 有扭蛋區, 模型區, 文具店, 手作店, 一應供全, 一家大細一齊來, 各行各路, 一定不會叫悶...
行到腳軟, 樓上有間餐廳好唔錯, 可惜好近裝修中的樓層, 沙塵滾滾, 快閃為妙...
三創生活園區 SynTrend
地址：台北市 中正區 市民大道三段2號
電話：+886 0809-093-300
網址：www.syntrend.com.tw
見有人行去搭Lift我又跟住搭, 原來有地庫仲係Food Court... 去八卦下先...
行咗好大個圈, 揀咗誕生於一九四六年的「元祖」摩登燒--波天久屋台... (大錯特錯的決定)
見入面裝修幾企理所以揀佢...
咇咇咇咇... 夠鐘派飯...
蕃茄&起司摩登燒 NT$240
-- 完熟蕃茄的特製紅醬、芝士、豬培根配大阪燒炒麵... 蕃茄迷表示唔好味, 仲要凍嘅, 炒麵喎, 唔係應該熱辣辣嘅咩?!!
豬肉蛋包鐵板燒麵 NT$220
-- 又係凍嘅, 鐵板炒雪糕?!! 味道亦唔好...
特製醬燒味章魚燒 NT$100
-- 章魚燒迷表示好難食... 又凍又腍, 餡料同粉漿都無味... 好失望...
我倆食完1小時, 2人一齊肚痛, 極速趕返酒店辦大事, 痾水, 瀉咗4-5次, 都唔知係尋日西門町豪大大+老天祿定係今日呢個鐵板炒麵出事, 雙方嘅嫌疑都好大...
味道：★☆☆☆☆
環境：★★★☆☆
服務：★★★☆☆
衛生：★★☆☆☆
抵食：★★☆☆☆
波天久屋台 Botejyu
地址：台北市 中正區 市民大道三段2號B2
電話：02-2327-9810
網 址：www.botejyu.com.tw
因為咳, 唔敢飲汽水, 係Food Court的台式飲品店「鮮芋仙 Meet Fresh」買熱飲, 取食物時先發現買錯咗糖水, 病懵咗...
芋圓4號 NT$60
-- 綿密鬆軟的芋頭+QQ軟彈的珍珠+香甜起沙的紅豆, 好味到無朋友... 份量好似阿媽迫仔女飲湯個湯碗咁大, 價錢比起早幾日係9份老街只係貴NT$10, 份量卻是1倍... 好正呀, 有機會一定要再來食...
味道：★★★★☆
環境：★★★☆☆
服務：★★★☆☆
衛生：★★★★☆
抵食：★★★★★
鮮芋仙-MeetFresh 台式甜品專家
地址：台北市 中正區 市民大道三段2號B2
電話：+886 2 2395-9588
網址：www.meetfresh.com.tw
返酒店辦咗幾次大事... 腳軟軟, 未回氣, 有人提議去健身室... 吓?!! 有無咁勤力呀?!! 去緊旅行喎而家!!! 平時係香港比咗幾年年費都唔見你去喎...
Gym房係Basement, 麻雀雖小, 五臟俱全...
Hea踩... 電視播緊Cast Away, 悶悶地, 好過無, 冷飯菜汁都比我撈埋...
做完Gym又出去搵食...
係酒店附近的街道穿插, 行行下見到紅豆餅, 醒起台灣的朋友不約而同都提及我地酒店附近的「晴光紅豆餅 」好出名... WoW... 咁都比我誤打誤撞撞到,一定要試啦!!! (實情係... 去錯地方買錯食錯)
綜合口味 8個 NT$50
-- 餡料有10種口味可供選擇, 我選了紅豆、巧克力、抹茶、拿鐵咖啡... 現場即做, 不乏客人輪候, 所以我都等了10分鐘以上... 步行不需10分鐘便回到酒店, 即刻打開來吃... 嗯... 好難食!!! 口感係幾鬆軟, 外型又可愛, 但味道不成...
食完呢個餅之後1日, 穿梭於酒店左邊的橫街, 終於見到真正的「晴光紅豆餅」, 排晒長龍呀陰公!!! 嗚哇... 咁近都發現唔到你, 我好無用呀!!! (去九份果晚有經過, 但留意唔到)
味道：★★☆☆☆
環境：★★☆☆☆
服務：★★★☆☆
衛生：★★☆☆☆
抵食：★★★★★
古都梅花燒~鮮奶雞蛋糕
地址：台北市 中山區 雙城街13巷
電話：
網址：gudu-good.com
買完古都梅花燒回酒店途中, 見到好有特色的Fusion豆漿店, 被佢吸引咗埋去...
部豆漿機個樣好勁咁... 仲強調7個重點：淨水+去澀+熬渣+勻順+濃萃+鮮封+原材...
八度濃漿 1000c.c. NT$70
-- 價錢好抵, 可以揀無糖或低糖, 店員好緊張話無防腐劑, 叫我要快D飲... 回到酒店即刻試下, 果然係好豆漿!!! 豆味濃郁, 口感圓潤, 下次再來一定要Encore!!!
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★★
八度濃漿
地址：台北市 中山區 雙城街13巷5號
電話：+886 2 2592-2007
網址：www.soyoung.tw
呠呠... 呠呠... 呠呠... Little Gentlemen, 請問你考咗車牌未呀?!!
報導感人事件一則...
話說今朝乘搭捷運前往光華商場, 係民權西路站入閘, 突然有5個人無聲無色衝向扶手電梯, 原來有婆婆係扶手電梯跌倒, 平時入閘都唔多覺有途人, 今日呢5個英雄邊度飛出來o架?!! 仲要表現咁鎮定, 行動咁快速, 比著我只會尖叫咗先, 然後再去救人就遲了... 呢一刻, 我真係感動到起雞皮疙瘩...
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言