與Honey的朋友吃過大安區的誇啦啦鐵板料理後, 朋友要忙著回天母Sogo血拼啦~~~ Sogo天母店週年慶大減價最後一天!!! (聽講佢地當日戰績相當彪炳, 刷卡刷過片甲不留, 哈哈)我地亦到天母會合新相識的台灣朋友, 原來佢都係天母幫!!! 會合後, 佢車咗我地去世界某個角落去認識新的台灣朋友... (我話晒都係台灣Newbie, 唔係坐公車的話, 我真係唔知自己身在何方嘅呢)
我只知離開了台北市, 去了新店區, 然後綿延的山路, 要通過守衛室的封鎖線, 擺低証件, 才能繼續上山...
多得剛才午餐的雪糕及凍飲, 我在車上氣管敏感發作, 咳到肺癆咁, 嚇到新朋友都要停車攞水比我飲... (超級失禮, 但我控制唔到, 救命)
一直聽聞台灣人熱情好客, 今天終於見識到了... 放2個來自他鄉的陌生人進屋, 滔滔不絕的暢談了一整個下午, 只是幾個小時, 我和Honey的國語又進步了... (我係由0分跳到0.1分, 哈哈哈)
主人家的別墅真的好美, 依山而建, 坐擁180度山巒美景, 自家種植花卉蔬果,每個角落都是充滿回憶的珍貴紀念品... 好溫馨的家...
晚上大家一起到Club House食晚飯... 無聊的我, 開了Google Map+Location Service, 哦?!! 地圖上只有OK便利店?!! Club House無顯示... (寫Blog時跟著地圖上的街道名Search一下, 原來我去咗咁遠啦)
主人家實在太客氣, 我地加起來只有7個人, 卻叫了一整桌的合菜, 恐怕有12人也吃不完...
前菜竟然有熱辣辣煲仔飯個Friend--薄切臘腸潤腸?!! 非常獨特的構思吖, 係香港都習慣撈飯食... No Big Deal, 反正單吃我也喜歡...
大大舊筍撈BB醬食?!! 仲要灑軟雪糕個Friend--七彩朱古力條係上面?!! Fusion得好緊要喎... 不過都OK好食吖...
貴妃雞滷得唔錯, 清得o黎又幾入味...
酸汁大蝦個汁好惹味呀, 望落以為係茄汁, 但加咗大量蒜頭蔥花, 味道係偏向越南泰國的style, 好醒胃, 蝦肉又紮實, 我食咗3大隻...
高山上都有蒸魚食?!! 仲要新鮮滑溜?!! How come?!!
賣飛佛!!!!!! 客家黃酒煮雞!!! 已經好多年無食過啦, 童年回憶返晒來... 主人家仲擔心味道太濃我會唔習慣, 實情係我讀幼稚園時已經食緊味道濃10倍的... (小時候Grandma是自己釀黃酒的)
全枱食得最多果個應該係我, 鬼鬼祟祟Refill了5-6次...
茄汁炆牛腩... 個樣... 好辣下喎... 考慮良久, 淺嚐了一小口... 嗯... OK喎, 唔辣喎真係, 酸酸地好開胃... 牛腩炆得好腍呀... 好味...
好清甜的絲瓜... 貝類是鮑魚的親戚, 鮮味爽口... 又是我狂吃的時候...
西蘭花海參... 海參同西蘭花都有點硬...
或者你會問... 碟碟你都狂食?!! 真定假呀?!!
生炒糯米飯我自問消化唔到, 只敢吃1個Tablespoon的份量...
好努力好努力好努力咁食, 食到條腸都快要爆開了, 仍然食剩好多, 要辛苦主人家包回家繼續努力了...
作為居民時常光顧的家常菜飯堂, 偏清淡卻不失味道, 恰如其分... 眼見現場只有幾枱客, 唔Expect山上的Club House有如此水準...
台灣《蘋果》話言承旭都買咗呢區的別墅, 唔知有無機會係度撞到佢呢?!!
後記：回到台北之後, 去咗天母Sogo感受一下週年慶大減價最後1小時的魔力... 之後又再去台灣朋友的家參觀, 繼續邊飲紅酒邊談天說地... (我肺癆怪上身當然係飲室溫蒸餾水)
也許台灣人的生活, 就是離不開好客... 我呢幾日多多少少都感受到...
味道：★★★☆☆
環境：★★★☆☆
服務：★★★☆☆
衛生：★★★☆☆
抵食：★★★☆☆
大台北華城俱樂部
地址：新北市 新店區 華城一路18號附近
電話：
網址：
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言