住在天母區的朋友這個星期到國外出差了, 一直好擔心我地係台北會無啖好食... 直至見到Honey的FB日日出食玩PO, 佢先放下心頭大石... 辛苦你了, 害你擔心, 不好意思哦 :p等了又等... 朋友終於返到來台北喇!!! 又要帶我地出去食好o野啦~~~ Yo Ho~~~
今次終於衝出天母區, 出城搵食... 呵呵呵... 今日有得食鐵板料理...
從酒店坐捷運淡水線3個站就到台北車站, 再轉板南線坐多4個站就到捷運忠孝敦化站, 係出口7一出已經係餐廳所在位置... 好方便...
餐廳位於1樓, 中央擺放了鋼琴, 雅致新穎的裝潢, 有別於一般鐵板料理的冷冰冰硬蹦蹦的感覺...
已經好多年無Upload餐廳的餐牌, 但呢度選擇眾多, 懶得打字, 大家自己慢慢睇, 哈哈... 午餐包括9道菜, 以主菜來區分價錢... (吃晚餐會比較貴, 午餐卻非常物有所值)
Are you ready?!! 大廚出馬...
欣賞大廚手藝的同時, 精緻的開胃菜亦像藝術品般呈上... 微酸的玫瑰蔓越莓醋是絕佳的開胃飲品...
法式手工麵包 配 法式松露南瓜湯
-- 鬆軟的包包, 蘸熱辣辣的南瓜濃湯來吃, 好幸福哦...
水果優格沙拉
-- 找亮點... 當然是分子料理芒果太陽蛋啦!!! 要用叉拮開佢?!! 好殘忍呀!!! 大大舊的生果, 新鮮度爆燈, 混和芒果汁同原味乳酪一齊食... 好好味!!! 好好味!!! 好好味!!!
檸檬柚子Sorbet
-- 我的主菜進入大直路, (我好想擁有的STAUB)整鍋放在我的面前, 要人不停吞口水, 好殘忍呀!!! 係呢個重要關頭, 仲要送上又酸又冰的檸檬柚子Sorbet, 我個胃100%打開...
法國塔吉鍋海鮮套餐 NT$1380+10%
-- 澳洲明蝦+冰鮮鮑魚+北海道干貝+海蛤貝物+佐普羅旺斯蕃茄海鮮醬=海洋の盛宴... 我的主菜最先上, 禮貌上要等埋其他朋友都有主菜時先一齊開始食, 但係大廚見我咁耐都唔開動引擎, 開聲提醒我「海鮮要趁熱食」... 呵呵呵呵... 咁我唔客氣啦~ yum yum... 我覺得好幸福呀!!! 全部都好新鮮, 單獨吃的話, 最好味係帶子, 同蕃茄醬最夾的是蝦...
櫻花蝦明太子炒飯
-- 嘩!!! 金黃的飯粒, 粒粒分明, 加上大堆頭的櫻花蝦, 炒得好香好乾身好好味呀!!!
有幾好食? 「看圖講故事」時間...
Honey的巴黎鐵板套餐/諾曼第蘋果松阪豬 NT$1030+10%
-- 嚐了一口, 紮實的口感, 恰到好處的調味, 好味...
當大家吃罷主菜, 正等待甜品及飲品的來臨, 服務員卻安排我地到另一個區域就坐... 原來入口旁的Cafe區係專為飯後暢談而設, 超貼心呀!!! 剛進來的時候都不知道, 無影相呀!!! 而家坐滿人, 驚其他客人被拍會不高興, 唔敢補影...
棉花糖冰淇淋 / 法式焦糖布蕾
-- 我的雪糕上面蓋了厚厚的雲層, 好可愛呀!!! 大家都十分驚喜... 但要有儀態地幹掉它都花了我好多時間, 好擔心雪糕會溶掉... 雪糕細滑香濃, 好好味, 好開心呀!!! 說實在, 今餐99%都好滿意, 但馬卡龍痴表示馬卡龍實在...
Honey的法式焦糖布蕾味道不知如何, 但碟上用糖漿畫的花已教人如癡如醉...
覆盆子沙瓦 / 季節果汁
-- 來到台北, 不知何故, 一見到Berries類飲品就好想飲... Honey的奇異果汁好Green呀!!!
值得一讚, 離開時身上一點油煙味都無... 啪啪啪啪 (掌聲)
環境、服務、食物都非常好, 價錢可能有人會質疑HK$3xx的午餐值得嗎?!! 如果你係香港搵到同樣質數的, 記得第一時間通知我...
味道：★★★★★
環境：★★★★★
服務：★★★★★
衛生：★★★★★
抵食：★★★★★
墨賞新鐵板料理 Mosun
地址：台北市 大安區 忠孝東路4段155號2樓
電話：+886 2 2731-9966
網址：www.mosun.com.tw
~ 題外話 ~
餐牌明明有熱飲供應的, 有人偏偏要飲凍飲, 仲食埋雪糕, 結果...
尋日明明無再咳, 食完呢餐, 困擾多天的氣管敏感重見天日... 咳咳咳咳... 咳咳咳咳... 咳咳咳咳...
食住抗生素去台北, 係台北12日咳足11日, 返到香港繼續咳, 直至星期日走咗去行幾個鐘頭山, 終於好返晒... 嗚嗚嗚嗚... 典解我咁命苦... 就係因為咳, 呢12日好多o野都有得睇無得食呀, 陰公...
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言