今日無約人!!! 今日無約人!!! 今日無約人!!!終於可以瞓飽飽仲要唔使睇鐘做人喇... Hea住Travel才是真正的享受人生嘛...
將「食飽就瞓, 瞓飽就食」視為人生的座右銘... 咁... Lunch食咩好呢?!!
早幾日(飽受殘酷風雨虐待至不成人形1日遊果日)搵地方食晚餐時, 除咗對「紗汀娜好食 (Sabrina House)」比較有好感之外, 都留意到「圈子 Jessie wa」的評價不錯, 但見佢主打Brunch, 決定當日唔試住, 留作日後瞓到黃朝百晏先再去食早午餐...
命運中的邂逅... 就在今天...
每天都出入捷運民權西路站9號出口, 必定路過這店子, 原來佢竟然就係主打Brunch(早午餐)的「圈子 Jessie wa」?!! 我對眼真係咁大嗎?!! 眼大睇過龍至此?!!
每日路過都會駐足欣賞的室外小空間...
進店後, 店員安排我地到樓上坐... 環境都幾舒適, 簡約風加點Raw的味道... 正值上班族的午飯時間, 店內滿佈客人, 也不會感到太喧鬧...
餐牌內有太多選擇, 好難決擇... 店員過來問了好幾次, 仍然未能下單... 最後下定決心, 原來要落樓下落單付款...
(左) 夕陽煎茶 NT$85 / (右) 俄羅斯紅茶 NT$85
-- 日本烏龍茶甘甜滲出紅醋栗果香, 舒坦身心... 店員妹妹貼心指導如何泡茶, 泡一會至自己喜歡的濃度後便將茶包夾出來, 放在小碟子上...
義大利茄汁海鮮燉飯 NT$210
-- 濃稠的醬汁混合了白酒及茄醬再灑上大量九層塔, 香濃中帶微酸, 開胃惹味, 好味到無朋友... 材料有蝦、花枝、蛤蜊, 非常豐富... 推介...
普羅旺斯雞腿佐青醬焗烤飯 NT$230
-- 醬汁包括白酒、白汁、香草汁, 材料有杏包菇、鴻喜菇、香菇、雞腿排, Honey食得好開心, 我咳緊, 唔敢黐食, 以免傳染佢...
呢度嘅千層草莓鬆餅好似好正, 可惜... 咳到肺癆咁, 比人ban咗... 鳴鳴鳴鳴... 好想食甜品呀...
店員妹妹工作太落力, 自助餐具區形同虛設...
Signature Table一直有客人坐, 不敢拍照, 我離開時剛好客人又離開, 店員妹妹在執枱, 我示意想影相, 其實只係怕佢唔高興我影到佢, 點知店員妹妹竟然叫我等一陣, 幫我抺乾淨晒張枱, 仲要拍齊枱椅比我影, 好窩心 ...
(話說回港之後幾日, 去美酒嘉年華, 我只係影自己剛付款的食物Close-up, 個廚房佬--我估佢唔係正式廚師--居然呼喝我"影咩相呀?!! 有咩好影呀?!! 走啦"... 果段時間係VIP Invitation Only, 未開放比公眾, 全店只有我1人在買食物, 無阻礙佢做生意, 仲要比5百蚊無錢找我好努力去借散紙買, 我都叫好合作啦, 佢都咁嘅態度, 一下子落差太大, 有點接受不了)
店員妹妹年輕可人, 工作用心, 對客人又貼心, 鄰枱姨姨不斷追問店員妹妹有無男朋友, 好似想搵新抱仔咁...
埋單NT$665, 比尋晚鼎泰豐貴NT$55, 即十幾蚊港幣.. 今日呢餐無論服務、食物、 環境都好好好多...
味道：★★★★☆
環境：★★★★☆
服務：★★★★★
衛生：★★★★☆
抵食：★★★★☆
圈子 Jessie wa
地址：台北市 中山區 民權西路11號
電話：+886 2 2599-1510
網址：
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言