再度向台北進發...上星期二開始咳咗3日, 咳到痰都有血絲, 3晚都無瞓過, 早餐咬2啖麵包想嘔... 今日出發去台北, 上星期五仲唔急急腳去睇醫生咩... 要食5日抗生素, 醫生話驚唔食2日後會發燒... 咁... 即係係台北頭2日都要食藥?!! 唉... 我仲有得揀咩?!!
第1次出發前2天先開始執行李, 食藥食到迷迷濛濛, 都唔知有無執溜...
抱病出發...
受颱風影響, 6AM仲落緊大雨, 好彩7AM出門時停雨了... 免費機場接送已用完, 下次試下U爸先...
晨早流流, 機場Traveller's Lounge已爆滿, 想搵個位都難...
食物味道真係麻麻地, 呢幾次都係食魚蛋河, 無咩其他選擇...
第1次坐BR(長榮航空)...
曬到呢...
飯盒超級難食, 食咗2啖放棄...
坐細機(3-3)起飛好震... 好耐無坐窗口位, 上到雲層上當然要影下...
今次坐長榮落機係Terminal 2出閘, 係Seaside已有unlimited data card買, 但通話竟要用app, 仲要我地部Tab個O/S太舊安裝唔到, 最後取消唔買, 浪費了不少時間...
Landside超多人, 旅行團多, 寸步難行, 買data card的人龍超長, 又浪費了不少時間...
司機哥哥推薦的老董牛肉麵... 鄰近雙連捷運站, 是台北的旗艦店...
店外貼滿響噹噹的得獎紀錄...
2006年台北牛肉麵節傳統組冠軍
2007年台北市國際牛肉麵節人氣與銷售雙冠王
2008年台灣首富郭台銘婚宴菜單中最受歡迎菜單
1:30PM 店內人潮不多...
蕃茄牛肉麵 NT$150
-- Honey食一啖就話超好味... 比咗粒牛肉我食, 真係好軟腍, 又入味...
清燉牛肉細粉 NT$150
-- 清燉牛肉都好軟腍, 清湯味濃, 配冬粉好夾, 好味...
豆沙窩餅 NT$60
-- 圓形的豆沙窩餅, 仲要佈滿芝麻, 我係第1次食... 表皮有點硬, 紅豆蓉特多, 好味...
非基改豆漿 NT$25
-- 豆味濃, 有點過甜, 都幾好飲...
推薦!!!
味道：★★★★☆
環境：★★★☆☆
服務：★★★☆☆
衛生：★★★★☆
抵食：★★★★☆
老董牛肉麵
地址：台北市 大同區 民生西路35號
電話：+886 2 2521-6381
網址：www.olddon.com.tw
呢幾次來台北, 食咗好多好東西, 戒心下降, 晚上即中伏...
司機哥哥送我地返酒店前, 在附近繞了幾圈, 好等我地了解一下... 在車見到欣葉(10年前來台吃過, 應該是其他分店), Honey話要舊地重遊...
樓下無reception帶位, 有位大哥(不知什麼人物)大叫樓上的人下來接客...
上到2樓, 只安排坐在樓梯口的位置, 餐廳內是什麼模樣都不知道... 樓梯口區域少於10張枱, 眼見全部人客都是日本人...
餐具簡陋得像快餐店... 但店員的服務還是不錯的, 雖然不常見人...
三杯中卷(小) NT$450
-- 賣相不俗, 味道卻只有辣!!! 沒有三杯應有的甜味及酒香, 不難吃, 只是沒有亮點, 像失去靈魂...
鹽水土雞(小) NT$340
-- 沒味的雞, 不難吃, 吞-able... 一點靈魂也沒有...
正宗菜脯蛋 NT$185
-- 接近人生中食過最差的菜脯蛋, 菜脯腍到爛咁, 蛋無蛋味, 亳無蛋香...
地瓜粥
-- 餐牌上沒有, 看發票原來是2人份, 地瓜無味, 唔甜, 食到無晒心機...
臨尾送上甜品糖不甩... 呢道係2人份, 賣相敷衍... 花生好似濕水咁, 無香味, 少甜... 不送也罷...
用餐期間, 眼見一團又一團的日本旅客魚貫進場... 仲有日本導遊坐得地隔壁枱食碟頭飯... OMG... 原來呢度專門接待旅行團, 怪唔得食物質數咁差啦!!! 又唔係話難食到會吐出來, 總之就係無質數啦...
中伏啦!!! 中伏啦!!! 中伏啦!!! 中伏啦!!! 中伏啦!!!
味道：★☆☆☆☆
環境：★★★☆☆
服務：★★★☆☆
衛生：★★★☆☆
抵食：★☆☆☆☆
欣葉台菜雙城會館 SHIN YEH
地址：台北市 中山區 雙城街21-2號
電話：+886 2 2592-5966
晚飯後逛超市, 買了台灣出產的巨蜂提子試試... 約廿幾蚊港紙... 多汁, 有點酸, 不及日本的好吃, 作飯後果仍不錯...
回酒店期間, 路過24H雙城美食街, 沒有幫襯, 走了1圈便打道回府...
今次住得比較耐, 所以選了Service Apartment, 近捷運民權西路站, 稍後再作詳細報導...
** 此篇Blog是在台北旅遊期間寫的, 這是第一次外遊時在酒店寫Blog, 希望可以減輕回港後積聚的Blog **
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言