為咗一杯咖啡, 你可以去到幾盡?!!
千里迢迢從台北來到宜蘭, 即日來回, 為的... 只是一杯咖啡!!!
咳... 正確D來講, 係半日來回... 午飯同晚飯都係台北食, 下午茶係宜蘭飲... 很瘋狂吧... 嘩咔咔咔...
好不容易找到入口(接天宮紅色牌樓), 面對崎嶇山路與迎面而來的對頭車, 數月前考車牌肥佬的我, 不敢想像自己能有成功駕車上此山的一天... 好恐怖呀!!!
♫ 又越過高山又越過谷 ♫
成功到達宜蘭頭城城堡咖啡館!!! Yo Ho!!!
On the way來緊咖啡堡的時候, Honey係FB見到我地第一餐台北飯局的飯腳剛PO咗頭城城堡咖啡的相片, 吓... 唔係咁有緣呀嘛?!! 經深入調查後先知道佢地已經嘆完咖啡, 正在返回台北途中...
♫ 風 帶著微笑輕吹 天空裡雲偶遇 ♫
好, 第1時間衝上城堡頂端拯救被困的公主... (嘿... 姪女無來, 可以省卻這部分)
城堡頂端可360度鳥瞰頭城全景... 更可遠眺龜山島(活火山)...
我部相機尋日飽受狂風暴雨摧殘之下, 今日極不聽話, 連環開機關機都未必影到1張相... 醉人景緻擺在眼前, 未能用相機一一帶走, 欲哭無淚... (好想撼頭埋牆)
時候不早, 太陽開始下山, 要快點品嚐咖啡了... 縱然有2層高, 再加上室外座位, 仍然一位難求...
好不容易搵到座位, 枱面很污糟, 除了即棄餐具之外, 又奶精又糖漿, 卻沒職員來清潔, 眼見其他顧客都是自行清潔, 我唯有硬著頭皮用濕紙巾抺枱... (2星期前我雙手手掌出了過千粒水泡, 還未完全康復)
台灣朋友到樓下買咖啡... 回來時帶著這個"咇咇機", 當咖啡Ready時就會閃燈+震動... (舊年係沖繩Shopping Mall Food Court見過, 今年係香港Times Square Food Court都有喇)
冰花式摩卡 Iced Cafe Mocha / 義式蕃茄起士培果 Italian Tomato Cheese Bagel
Bagel味道不俗, 口感偏硬實, 如果焗暖D軟D會好食D... 咖啡... 咪星爸爸糖漿咖啡咁囉...
諗起N年前嘅廣告... 「我唔係想食你煮嘅麵，而係想見多你幾面」...
套用到呢一個Moment... 我唔係想飲你煲嘅啡，而係想見識你個堡...
(如有雷同, 實屬巧合)
正所謂上山容易落山難... 日光日白時上山已經咁難, 夜幕低垂時下山簡直難以想像...
我地要趕返台北食晚飯啦~~~ Bye~~~
味道：★★★☆☆
環境：★★★★★
服務：★★☆☆☆
衛生：★★☆☆☆
抵食：★★★☆☆
伯朗頭城城堡咖啡一館 Mr. Brown Cafe
地址：宜蘭縣 頭城鎮 外澳里8鄰石空路95號
電話：+886 3 969-9226
網址：www.mrbrown.com.tw
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言