[開箱文] 初試100%韓國直送的香港人網購平台MyDress.com

22 May 2015, Friday

我舊年6-9月成功減咗15磅之前，好少可以係香港買到衫，多數都係網上訂Nissen，貪佢有大尺碼，質料又有返咁上下。就算成功減磅，仍然係大骨架加少肥，而且香港的衫貴唔在講，近年顏色及款式都努力切合某國人口味，我真的買唔落手，買咗都唔敢著出街。

訂Gmarket？韓文我真係搞佢唔掂，而且Gmarket質料只係好淘寶少少。

淘寶訂衫？印象中無試過，因為好多朋友都已經身先士卒，身心荷包均受傷，全部傷者強烈反對我作出嘗試。

近期多咗一個100%韓國直送的網購平台MyDress.com http://www.mydress.com，新張期內免運費，日本同台灣品牌就好似要運費，Honey的朋友送咗d Coupons比佢太太試下，哈哈，我變相攞正免死金牌掃貨。


款式都幾靚幾優雅，但多數得中細碼或Free Size，好努力先搵咗２件心頭好又有機會啱我著的，我仍未開始第２階段地獄式減肥，有點擔心穿不下。 

訂單註明－韓國女裝需由韓國直接發貨，發貨期為5至12個工作天。

估唔到星期日訂，星期四就送到公司。


袋中有袋。


包裝方面好企理，好滿意。



TOMNRABBIT 淑女無袖緊身修身連身裙 (韓國女裝)
顏色：深藍 Dark Blue
尺碼：Free

折開膠袋時有點擔心，腰間橡筋位勁窄，心裡打定輸數，點知奇蹟出現，竟然穿得落，勁呀！
條裙質料好滑，蝴蝶結布條更滑。款式大方得體，優雅得來又唔暴露，可以著去較Causal的酒會，３百幾蚊，物有所值。

STYLEBERRY 時尚魅力韓版配色七分打底褲 (韓國女裝)
顏色：炭色 Charcoal
尺碼：Free

家中無呢款褲，係外面搵過，特賣場都要２百幾，而家網購１百幾，近乎買一送一，質料仲好滑，物有所值。
都係一樣啦，折開膠袋時都好擔心穿唔落，估唔到又Fit到喎，呵呵！
 ２件加埋5百幾，我揀呢２件都係免費速遞，扣咗Honey朋友送的Coupons，我自己補幾十蚊就有２件質料中上的新衫，好抵呀！