[台北] 告別呆叉電! Gogoro智能"電"單車「全球體驗中心」

13 May 2015, Wednesday

♫ 這世界這麼神奇　緣份遊戲 ♪
竟把我記起　也許天知我心意屬妳 ♪
愛得太癡　怎麼我不知？ ♪
(今天我知　今天我方知)　原妳也暗中喜歡了我  ♫

緣份真係好奇妙...

出發來台前同朋友飲茶吹水，佢提到台灣出咗一部全新概念的「電」單車，有別於一般要呆係停車場等叉電的電動車，電池是共用的，無電就去換電站換電，好神奇呀！

來到台北，都無話專程去搵，到咗行程最後1日，Lunch Meeting時同當地港人提起，佢竟然話食完Lunch可以行過去間舖睇吓，同餐廳只係隔幾個舖位！嘩？！有無咁巧合呀？！

Gogoro 第一個「全球體驗中心」今年3月尾先係臺北信義威秀揭幕，預計於今年夏天正式登場，初步會係台北市同新北市試行。


其實呢... 我好細膽，成世人都無諗過揸電單車，但係今日居然對佢一見鍾情，竟然想買返一部Gogoro電單車？！我是否瘋了？！

點解聽到我心思思？！

1) 零有害氣體排放
2) 鋁合金單體車架
3) 流線外型
4) 最高時速95KM/H
5) 瞬間加速 4.2秒 0-50KM/H
6) 80個感測器同步運作,從扭力輸出到故障警示全面連線
7) 10分鐘一次資料同步(紀錄旅程、監控系統、診斷車況)

儀表板顏色可以隨著時速或電量而改變，頭燈與尾燈的閃爍樣式可以用App選擇，甚至是面板都能自行調整，呢幾樣Fancy Features先最吸引我嘛... Spec果D我邊識喎... 哈哈...

透過Gogoro® App預約電池，搵到GoStation™ 電池交換站的位置，預訂可用電池，去到電池交換網路(例如：便利店)，6秒鐘完成換電過程，即刻行得，Unbelievable!!!




鋁合金單體車架...



個人化面板...


全部零件一眼睇晒...


6月才有定價，好緊張呀！唔知Honey肯唔肯買比我呢？！

唔買都坐下啦喂~~~


最正係... 持有普通重型機車駕照可以參與體驗活動，試騎出街。OH NO... 我無車牌呀！

係咪聽到心郁郁呢？！快D去佢網頁睇吓啦~~~

Gogoro 第一且唯一Smartscooter™ 智慧雙輪
www.gogoro.com/tw
我們是Gogoro，透過網路和科技的力量，打造Smartscooter™ 智慧雙輪以及GoStation® 電池交換站，改變能源使用的經驗，將全球大型都會逐步轉型為智慧城市。

部電大部分都係台灣制造，除了車燈、電池、同皮帶...

仲有一個天大的秘密... Gogoro CEO Horace Luke係o係香港出世o架 ！13歲先移居西雅圖，2006年轉戰亞洲成為HTC的Chief Innovation Officer... 有文為證...
https://note.taable.com/post/CF1/www.forbes.com/sites/aarontilley/2015/04/15/the-tesla-for-the-rest/


台北總匯 : http://www.kenmerry.com/search/label/└15台灣「尋找他鄉」