Butterfield's : 半島情意結

1 April 2015, Wednesday

Honey早前請咗朋友兩夫婦食飯, 佢地又好客氣咁話要請返我地食飯...

呵呵呵呵... 有減緊肥人士表示完全不介意呢... 你地最好繼續玩請食飯遊戲...  嗱, 唔係我唔努力減肥呀, 我都係被迫要食嘅咋~~~

Honey的朋友揀咗位於太古坊的私人會所Butterfield's, 除了太古坊的租戶可入會成為會員外, AE黑卡都好似可以入去食飯, 入面有中餐西餐酒吧, 聽講酒吧幾靚, 經常有人來接受訪問, 不過酒吧係2樓, 中菜廳係1樓, 今次無緣參觀...

Ladies & Gentlement, Boys & Girls, Please Turn Off Your Mobile Phones!!!!!!


無帶相機, 又唔用得手提電話, 唯有坐定定乖乖得食飯... 隔離枱客人似係好耐唔見來聚舊, 搵服務員幫佢地拍合照... 咦... 用手提電話影喎... 嘻嘻... 咁我又Mute咗部機影吓相先...

中菜部裝潢古色古香, 陳設中西合璧, 加上彩繪玻璃窗, 透出濃濃的老上海風情... 枱與枱之間的距離好寬闊, 空間感十足, 絕不侷促...





今晚見到PXXW包咗Function Rooms幫頂頭大佬搞Farewell Party, 好不熱鬧... 雖然係咁, 服務一點都不遜色, 服務員好有禮貌又貼心, 亦難怪, 聽講Butterfield's係由半島酒店管理的... 你話我崇"半島"都係咁話... 嘻嘻...

主人家發板Order了 Peral Set Menu ($320/位, 2位起)... 先多謝一下主人家做東, 盛情難卻, 我唔客氣啦~~~ 引擎開動!!! (轟隆轟隆)

川汁蝦鍋鈀伴日式雞縱菌豆腐
-- 主人家好細心地幫我將雞縱菌轉咗茄子, 難得廚房又肯轉, 好Surprise吖... 川汁蝦鍋鈀賣相吸引, 川汁蝦甜中帶微辣卻不嗆喉, 辣味過去香味留在口中良久, Yummy Yummy... 鍋鈀鬆脆不油膩, 伴著彈牙的蝦肉吃口感更豐富...


肘子笙肘燉菜膽湯
-- 到上第3道菜先醒先忘記影相, 100%自己食先, 哈哈... 相機食先? No Way!!! 湯底清澈, 湯頭清甜, 我同Honey呢對無飯(煲)夫婦如遇甘露...

花菰扣原隻非鮑
-- 一啖啪咗佢, 我覺得咁樣食鮑魚先夠霸氣, 哈哈...鮑汁味道濃郁, 鮑鮑扣得軟腍有彈性, 中央位置有點腥... 鮑魚都係阿一好...


松露鱈魚蒸豆腐
-- 鱈魚好味好味好好味, 魚肉滑溜, 魚油甚豐, 松露的香氣強烈, 滑滑豆腐富豆香, 清淡健康而不乏味...


濃湯蒜子浸津膽
-- 津膽非常清甜, 軟腍得不用咀嚼, 超勁多的瑤柱鮮味十足, 蒜子爆得香口惹味, 食肉獸一路食一路點頭...


夏果素珍炒飯
-- 飯炒得好乾身均勻, 粒粒分明, 調味恰到好處, 加入了紅糙米及香菇, 好養生呀~~~


合時糖水
-- 以滋潤的糖水作結尾, Very Nice...


朋友太太話樓上西餐廳Weekend有Dinner Buffet食, 2百幾蚊/位, 好抵食, 佢地經常來食, 下次可以一齊去試下... 哦... 好吖... (心聲 : 嘩!!!!!! 嘩!!!!!! 嘩!!!!!! 好呀!!!!!!)+(心心眼)

Honey講開我地之前都有考慮過入Butterfield's做Gym, 不過諗清楚, 連屋企樓下個Gym都懶去, 應該入咗會都唔會去, 所以最後打消念頭...

跟手朋友太太話而家有隻會籍$800/月, 只可以4PM後來Dining, 每個月食滿$800可以Offset會費... 咦... 好抵喎... 請朋友來食飯飲o野2次都夠啦, 呢度環境真係見得吓人... 有得諗... 有得諗...

是次每人消費約 $350 元
味道： 4 環境： 5 服務： 5 衛生： 4 抵食：3
###
地址 : 鰂魚涌英皇道979號太古坊多盛大廈2-4樓
電話 : 2968 5555