Ken & Merry 為食男女，遊走世界!!!: [試食邀請] 丼丼屋食堂 Dondonya Shokudo : 「期間限定」鍋物自由選 X 新作丼物

28 January 2015, Wednesday

3年前係太古城開業的丼丼屋食堂, 當時質數的確麻麻地, 可能係我地唔識欣賞啦~

去年推出了十勝帶廣名物豚丼後, Honey喜歡到不得了, 經常嚷著要去食, 更試過專程去外賣回家慢慢嘆...

唔想排隊, 最好就6點半前來到啦... 講緊閒日喎...

丼丼屋食堂最近推出了期間限定の「新作丼物・前菜選」, 包括2款丼物及2款前菜 -- 牛肉壽喜丼、照燒豬柳丼、鐵板和風炸雞伴炒野菜及日式薯仔煮牛肉... 供應期至2015年3月10日...

牛肉壽喜丼 $82
-- 特選美國穀飼牛肩胛肉, 脂肪分佈均勻細緻, 肉質鮮嫩多汁, 牛味十足, 配以甜甜的壽喜醬汁, 仲有我至愛的洋蔥及豆腐, 好味哦~

除了期間限定の「新作丼物・前菜選」, 丼丼屋食堂更推出了全新冬季限定の「鍋物自由選」, 可以自由配搭肉類、湯底、飯麵... 加上野菜盛合, 完全符合健康飲食金字塔的要求...

月見壽喜黑毛和牛鍋 $148
-- 肉類呢... 我選了日本產黑毛和牛... 湯底呢... 就緊係女性欣物--日本直送骨膠原球... 食事呢... 我首選Q彈的讚岐烏冬...