Ken & Merry 為食男女，遊走世界!!!: 加國「喜行」の《皇帝蟹宴》怡園粉麵茶餐廳 (Excelsior Restaurant)

2015年1月2日星期五

加國「喜行」の《皇帝蟹宴》怡園粉麵茶餐廳 (Excelsior Restaurant)

25 April 2014, Friday

[6-13°C, Mix of sun and cloud] ~ Day 10 ~

每年的2月到4月係皇帝蟹豐收的季節, 肉質特別鮮嫩肥美, 連MasterChef都將之形容為King Food!!! 去到溫哥華一定要食的, 問10個人有9個會答亞拉斯卡皇帝蟹(Alaskan king crab), 如果無食過就返來香港, 唔好同人講你去過...

從洛磯山脈回程到溫哥華的旅遊巴上, 導遊話而家的亞拉斯卡皇帝蟹(Alaskan king crab)被某強國炒到貴晒, 仲幫我Check埋時價, 貴得令人咋舌, 早幾年係十幾蚊加紙1磅, 而家係三十蚊加紙1磅... 我好抵死地答 : "幾貴都唔緊要啦, 今晚有人地請, 哈哈"...

導遊推薦最美味的食法係花鵰蛋白蒸... 嘩嘩嘩... 聽見都流口水...

怡園曾於2009年以亞拉斯卡皇帝蟹三食菜式獲得《食評人大獎》首本名菜, 於中國食肆大獎 2012之其他食客心水之選大獎獎項之「最佳亞拉斯卡皇帝蟹」...

不過獎項嘅o野真係唔好盡信, 正所謂認真便輸了...

7:00PM 左右力仔來酒店接我地, So sweet... 其實係酒店坐2個站Sky Train都過到去嘅...

對面馬路就係Richmond Centre...

第1餐係溫哥華食的餐廳... 今晚又再來了... 只是由不同的朋友帶來... (聽說回港後數月已改名, 未知是否易手)

加國「喜行」Day 1の《飄忽不定》怡園粉麵茶餐廳 (Excelsior Restaurant)
http://www.kenmerry.com/2014/05/excelsior-restaurant.html

來到加拿大要食亞拉斯卡皇帝蟹是常識吧~ 呢隻好似係8磅以上...

我有提出花鵰蛋白蒸蟹腳, 個職員當聽唔到... 1蟹4食, 啱晒我呢種心多多的人...

薑蔥蒸「亞拉斯卡皇帝蟹」腳
-- 真係好好好味呀!!! 因為配料夠清, 突出了蟹的鮮味, 真係好想自己1個人食晒成碟呀...

蒜蓉蒸「亞拉斯卡皇帝蟹」腳
-- 真係好好好味呀!!! 蒜蓉好香, 亦能突出蟹的鮮味, 真係好想自己1個人食晒成碟呀...

除了以上2味, 其他開始唔掂...

避風塘炒「亞拉斯卡皇帝蟹」身
-- 賣相有點嚇人, 味道可以的, 都幾香辣...

葡汁「亞拉斯卡皇帝蟹」蓋焗飯
-- 甜甜的帶椰香, 味道是可以的, 只是有無「亞拉斯卡皇帝蟹」都好似唔影響個飯...

請問你是什麼東東?!! 哈哈, 我已經忘記得一乾二淨...

其他小菜味道不過不失, 卻已比第1晚好多多聲...

要訂的雞...

好苦的苦瓜, 全場只有Honey 1個人食...

蝦仁炒蛋...

扒時蔬...

浸豆苗...

服務不過不失, 得1個姐姐走來走去, 但快手的...

全店爆滿, 食物上菜速度極慢...

價錢沒有問, 朋友請的...

神奇的事發生, 剛與洛磯山脈4天團的團友分開了唔夠2個鐘, 咁都撞得返, 仲要坐隔離枱, 好有緣呀!!! 仲來了1個世紀大合照...

其中1位團友大Honey十年, 與Honey讀同1間大學同1個Faculty, 佢超興奮, 攬實Honey笑到四萬咁口... 我覺得來到Richmond的香港人, 只要知道你都係香港人, 就算再嚴肅的人都會變得十分友善, 大家毫無戒心, 唔會考慮呢個地球係有壞人存在的問題... 之後又捉多1個唔同Faculty的師姐出來合照... (呢位師姐來到溫哥華後仲讀埋UBC)