[兒童適宜] 安全套DIY : 保護自己, 要有一套

31 December 2014, Wednesday

Happy New Year!!!

除夕倒數中... 聖誕Hea咗4日Hea到個人好攰, 收早食個Tea當Dinner就返歸係梳化瞓個教叉下電... 突然... 無聊的劣根性起, 我決定要趁住2014最後幾小時為Blog友們做D o野... 

~~~ 入正題 ~~~

今時今日行出街真係好危險, 除了善惡難分的喪屍通街橫行之外, 有時候... 比人偷咗o野你都可能懵然不知...

打個比喻, 我地每人都有唔止1張的八達通, 內置非接觸式智能咭 (Contactless Smart Card)晶片,如果係街度, 有人用強力天線的讀寫器, 遠距離改寫你張八達通的數據, 你不知不覺間已經被提款!!! 當然, 八達通的設計係有加密(保安)功能去防盜的...

常言道, 天下間沒有打不開的鎖, 黑手會否侵襲你就要視乎你鎖住的東東有幾值錢, 開鎖的成本有幾高, 涉及Cost–benefit analysis (CBA)的研究...

科技日新月異, 我的手提電話都內置NFC (Near Field Communication 近場通訊)功能, 可以讀寫我張八達通, 最可怕嘅係坐係屋企都可以狂嘟淘寶付款...

有時行過扭蛋機叢都驚驚地, 驚有小朋友亂按D制, 可能按著八達通等過數, 我唔知行過咁啱手袋掃過就過咗數...

又有時, 有2張八達通功能的信用卡或提款卡同時放係銀包時, 係完全嘟唔到的...

尋日有報章報導香港保安局計劃在2018至2022年間推行一次性全港市民換領身份證計劃, 新一代智能身份證將會引入無線傳輸技術, 並儲存更高解像度的照片, 以及支援容貌及指紋識別技術, 可以用作指紋核實以外的生物特徵識別... WoW... 好驚驚呀!!! 如果壞人利用高科技無聲無色都偷到我咁多個人資料咪好無保障?!! 

咁又唔使咁驚, 道高一尺, 魔高一丈, 就等我地發揮C9仔精神, 誓以低科技對抗高科技, 好好保護我地自己同所愛的人...

廣告口號 : 保護自己, 要有一套!!!

一分鐘預防資料被盜...

材料 : 錫紙 (來自拉姑廚房)


用鍚紙摺摺摺, 包住原有的八達通套...


搞掂!!! 放八達通卡又得, 放2018年新身份證又得, 得咗!!! 我用手提電話的八達通App測試過, 嘟唔到, Good Good~~~


保安就係咁Easy!!!