CAFÉ LANDMARK : 扮明星飲下午茶

30 December 2014, Tuesday

同力仔兩公婆去大班樓洗完塵, Honey就要去開工啦~~~

我地3人行繼續搵食... 可惜問咗幾間酒店High Tea都Full Booking, 唉... 乜得香港人咁得閒呢, 平日都咁多人去High Tea...

未諗到下一個落腳店, 慢慢散步去LC拎花盅(用信用卡積分換), 點知職員話要預先打電話留貨, 仲要出示信用卡, 2樣都無, 走...

講開順路先拎, 力仔先醒起佢訂做了2對鞋, 我地又慢慢散步去拎... 原來中環都仲有舊式鞋舖幫人做鞋, 價錢都唔貴, 圓頭無踭款式啱晒我心水, 去沖繩前週圍搵都搵唔到...

行下行下, 行到Landmark, 我同力仔講起以前細個睇八卦雜誌, D明星好鍾意去Landmark入面間Cafe飲下午茶, 拉姑成日都比人影到... 哈哈, 講緊係霆峰媽咪, 唔係Kenmerry...

嘻嘻... 大家都好好奇, 一於走去睇下有無位... 咦?!! 點解我地嘅好奇心要事隔咁多年先發作嘅?!!


排隊Walk-in, 等咗一陣就有位, 正!!!


正值聖誕檔期, Landmark的聖誕擺設年年都好大型, 今年主題係係法國過聖誕節...


我地坐呢個卡位真係好正, 對到正...



話實呢度無遮無掩, D明星來得真係擺明想比人影到囉... 謎底終於解開...

我地呢... 係大班樓已經食到好飽... 來飲茶純為吹水, 飽肚的就食唔落, 見到隔離枱High Tea Set $300的食物賣相勁唔吸引, 決定叫件Cake來擺下陣...

蛋糕伴侶$88 (連咖啡/茶)... 件件都咁精緻, 好難揀呀!!!


結果... 揀咗好耐好耐... 終於...




3款都好好味, 唔係得個樣...

明明好飽, 點解... 不要問, 只要吃... 估唔到... 食落又幾好味喎, 材料豐富又夠新鮮... 食埋佢今晚真係唔使食飯...


環境同情調都好適合吹水, 我地吹到天都黑埋都無被人趕走, 以黃金地段的時間來計, 呢餐其實都算抵嘅...

食物有質數, 是高級酒店以外的不俗選擇...

是次每人消費約 $100 元
味道： 4 環境： 4 服務： 3 衛生： 3 抵食： 2
###
地址 : 中環德輔道中12-16號置地廣場中庭1樓107-108號舖
電話 : 2526 4200