前文提要 : 係奧海城III期Berliner German Bar and Restaurant食完德國腸, 轉場食甜品...大角咀食街有2間精品甜品店... black n white 同埋貴族甜品... 去到搵唔到black n white, 返到屋企上Openrice搵搵先知執鬼咗, 好彩仲有間貴族...
貴族甜品2年前寫過Blog, 懶得再影相...
來個舊相重溫先... 哈哈... 觀看舊文請前往http://www.kenmerry.com/2012/11/noble.html
回到現在...
成條街拍滿車, 好幸運地, 有架車係正我地前面咪錶位駛走...
坐低見到有Buffet食, 百幾蚊任食, 好似好抵,可惜我減緊肥, 而且食完德國腸都飽飽地, Dessert Buffet就留返下次先啦~
星空 $33
-- 西米、芒果、龍眼、金柚、芒果汁底... 打頭陣, 不獲好評, 皆因太平凡, 味道仍未見突破... (抺汗-ing)
宇治金時 $35
-- 日本宇治茶、日本紅豆、白玉、單球雪糕、雪花冰... 好評中... 綠茶雪糕好甘甜, 日本紅豆香軟, Q彈白玉, 日本宇治茶令平淡的雪花冰添上甘味...
傾城之戀 $30
-- 香蕉、朱古力布甸、雪糕... 標榜採用Valrhona制成... 朱古力雪糕味道較布甸濃, 布甸滑嘟嘟, 朱古力味不足夠, 但仍不錯... 笨拿拿, 樂賣飛佛...
白雪黃金卷 $35
-- 芒果腸粉依然美味, 用蒟蒻加椰肉做的白雪雪腸粉皮依然滑溜, 小心係叉上"o雪"一聲溜走... 加大碼芒果餡又香又甜又好吃... 腸粉上的芒果冰冰就淡了少少... 粒西瓜忘記佢吧喇~
整體水準不太平均... 都食得過... (只要一同天后甜品比較, 即刻又抵食又好味)
食完唔可以傾計啦, 要急急腳咁走, 趕住係咪錶跳之前返去駛走架車...
是次每人消費約 $35 元
味道： 3 環境： 4 服務： 4 衛生： 4 抵食： 4
###
地址 : 大角咀埃華街98號地下
電話 : 2787 1638
沒有留言:
張貼留言