來自台灣的人氣喫茶店咖啡弄在銅鑼灣開業接近2年, 仍然保持長長的人龍, 我唔係第1次來, 但係係第1次排隊成功, 終於食到, Yeah!!!哼... 樓下果間煙幕雪糕店, 仲賴話社會運動影響佢無生意喎, 又唔見人地咖啡弄無人食?!!
有圖有真相...
今日人龍唔算長, So Lucky... 我試過日頭排到落街出咗大廈轉埋彎, 排咗1個鐘見勢色唔對走人... 又試過夜晚來人龍長今日少少, 但已停止派籌...
排15分鐘鬆少少就入得啦... 睇下今日報紙有咩頭條先, Yo~
店內查實唔多枱... 坐中間的8人大枱係要搭枱的... 好彩我地有梳化位坐...
優格野莓冰沙 $52... 多美的賣相...
冰鮮果茶 $58
-- WoW... 好大壺呀!!! 味道柑柑甜甜, 又飲到橙味, 酸酸的, 好開胃...
乾杯!!! 一飲而盡!!! 數下壺入面有咩材料先...
草莓冰淇淋鬆餅 $58
-- MUST MUST MUST TRY!!! 鬆餅厚到呢, 火喉好均勻喎, 鬆鬆軟軟, 好好味呀, 蘸埋吉士醬同草莓醬就更更更加好味... 熱呼呼的, 仲出緊煙, 加點草莓雪糕一齊食, 人間極品...
限時1.5小時... 好味, 價錢又唔順, 一定要再來...
是次每人消費約 $95 元
味道： 5 環境： 4 服務： 4 衛生： 4 抵食： 5
###
地址 : 銅鑼灣邊寧頓街9-11號登龍閣1樓B1-B3室
電話 : 2493 3033
去咖啡弄食咁少o野嘅?!! 非也!!!
我同力仔一早去咗西灣河食Lunch啦... 不過我地今日好黑黑黑仔呀!!! OMG!!!
去梓桐堂餐牌無咗我最愛的海鮮炒飯都算啦, 咁叫其他炒飯啦, 都要叫錯個好難食的"炒蛋""菜飯", 宮崎黑豚肉擔擔麵又係以前咁好食, 一心諗住帶力仔來食好o野o架嘛, 激死!!!
行去太安樓搵CNN都有介紹的鴻記極品雞蛋仔, 又矇下矇下搵唔到...
徒步行去筲箕灣東大街, 低調高手大街小食同印尼沙爹屋都無開, OH NO))))) 有無咁黑仔呀?!!
好彩最後食到咖啡弄, 唔係真係Hurt爆!!!
沒有留言:
張貼留言