沖繩「婚紗攝影」2014の≪滿腹滿Fun≫ I will be BACK!!!!

17 September 2014, Wednesday

在沖繩的最後1日!!! 好唔捨得... 我唔想走呀)))))) 嗚哇~~~

呢5日過得異常滿足, 日日都食到好好味的餐廳, 對於已經地獄式減肥3個半月的我來講, 簡直係由地獄跳到天堂!!! (聽日重新收監 -- 減肥地獄)

更難得嘅係... Honey每一餐都食得好滿意, 半點微言都無, 仲搶食添呀, 沖繩真係好適合我地, 希望下次再來時可以自駕遊啦~~~

今日無咩特別行程, 要趕係9:30AM前食酒店Lobby個Free Breakfast Buffet, 要趕係11:00AM前Check-out退房否則逐小時計錢, Check-out後將行李寄存係酒店Lobby, 步行至酒店附近的Naha Main Place...

Naha Main Place 是大型綜合購物設施, 樓高2層, 佔地逾 3 萬平方公尺, 在 2002 年開幕, 有多間餐廳、超級市場、電器用品店及戲院... 最令我地樂而忘返的... 當然是超市啦~~~

店名             那覇メインプレイス
TEL              098-951-3300
営業時間     9:00～24:00
住所             〒900-0006   那覇市おもろまち4-4-9 
網址             http://www.san-a.co.jp/store/mainplace/


第1個戰場... 藥房!!!【必買】池田模範堂麵包超人蚊咬止痕癢貼布

小小的舖位, 已夠我地有排逛... 順利找到貓兄強烈推薦的超可愛麵包超人蚊咬止癢貼, 好開心呀, Yeah!!! 1盒有38粒, 連埋稅都只係455円, 價錢便宜兼美觀實用, 送禮一流, 好開心見到收到呢份禮物的朋友們都笑逐顏開...

每片皆有麵包超人圖案, 兒童被蚊蟲刺後, 貼於患處, 抑制痕癢, 殺菌, 清涼感覺, 成人也可使用! 詳細資料可瀏覽官網 http://www.ikedamohando.co.jp/products/anpanman/muhi_patch_a.html

悄悄話... 其實我想再掃多D, 不過驚引起當地人反感, 只好忍手...

第2個戰場... 超市!!!【必買】雷神朱古力

呢間超市真係勁多o野賣, 重點係有2排專賣沖繩手信, 價錢抵過國際通好多... 唔係因為買咗卡樂B薯片比巴打... (驚塞得太好硬o野會整碎薯片)... 我一定瘋狂入多1倍貨!!!


出發前上網做了Research, 雷神朱古力係台灣Blog友口中的手信No. 1, 我搵咗好多排貨架都見唔到, 放棄, 行去收銀處之際, 就堆積如山咁放在眼前!!! 30円1件, 我買了原箱1盒20件, 計落先HK$45, 好鬼抵呀, 朋友們收到不知幾開心, 好後悔無買多2盒... 巴打, 你的薯片好累事呀!!!



旅遊網站口中的手信No. 1, 沖繩辣椒油!!! 有原粒辣椒仔浮浮沈沈, 樣子可愛, 加入了香料及泡盛, 風味獨特... 177円, 圍起HK$13, 抵玩, 只係玻璃瓶身太重又易碎, 只買了1樽給自己, 巴打絲打都無情講, 呵呵~~~


另類發現... 沖繩產柑桔Calpis (譯音 : 可爾必思, 是乳酸菌飲料), 551円, 圍起HK$40有2包, 1包可沖4杯, 抵玩, 只係太重又大盒, 又係只買1盒, 今次割愛同好友黃毛仔分享下啦, 呵呵~~~


第3個戰場... 100円店!!!

物品Kawaii指數遠高於香港, 不過旅行篋根本無位剩, 就算有位都係超市掃多D啦, 所以... 只好輕描淡寫一下...


第4個戰場... Food Court!!!

Honey開始作病, 無胃口, 只好到美食廣場, 買少少食物填一填個胃... 


選了めん家 那覇メインプレイス店... 貪其有油揚烏冬, 清清地份量又少, 啱Honey食... 其實樓上樓下都好多靚餐廳好吸引o架... 嗚哇~~~
http://tabelog.com/okinawa/A4701/A470103/47012516/

Food Court非常先進, 用震蛋通知食客取食物, 不用叫咪, 清靜好多...

我的輕食餐... 承為604円(含稅), HK$45... 嘿... 又話輕食, 真係比佢個名呃晒... 菇飯好香, 連唔食菇的我都覺得好味... 沖繩湯麵麻麻地, 我唔鍾意呢隻麵種, 無計... 沖繩特色甜品黑糖紅豆薏米, 好好好味, 我好鍾意, 今朝酒店早餐Buffet都有, 我狂食...


Honey的油揚烏冬, 承為410円(含稅), HK$30... 口感柔軟中帶韌勁, 味道是不錯的清, 哈哈... 咁無味都可以難食的, 但佢唔難食...


抽住一大袋戰利品返酒店, Lobby當眾開篋玩俄羅斯方塊... 嗯... 咁似...


叮叮叮叮... 又到沖繩都市單軌電車 (Okinawa City Monorail)時間... Next Station is 那覇空港駅!!!


這說... 單軌電車係直接接駁國内線Terminal, 國際線Terminal係直達唔到, 國際線同國内線Terminal中間係露天停車場, 係無瓦遮頭, 正所謂好天曬落雨淋... 第1日到步就已經感受得到...

今日... 比我發現國際線Terminal同國内線Terminal之間原來係有Free Shuttle Bus的... 剛好有1架停係面前, 唔使等, 又試下先... WoW... 開車時都得我地2個, 包車呀...


國際線Terminal係新落成的, 同我上次來的老倒Terminal截然不同... 同香港唔同, 呢度要過咗X光機貼埋封條先去到登機櫃位...


入面有DFS, 仲有數間餐廳及商店...


到達登機閘口, 給我發現了...



最後衝刺... Blue Seal No.1 Ube雪糕!!! 單球 350円, 貴國際通50円咋!!! 參薯, 香芋也!!! 好好味呀!!! 好開心呀!!! 嘩哈哈哈...


原定4:40PM起飛, 班機Delay咗25分鐘!!! 差不多到原定起飛時間先見到香港來的旅客落機, 攪咗一陣先比我地登機, 仲要分幾架巴士仔送人去飛機旁邊, 都幾費時, 幸好大好心機無被影響, Blue Seal 雪糕好大功勞...


飛機餐非常... 絕頂... 難食!!!


回港後第2天, 要到尖沙咀還衫... 順便去福臨門嘆一盅兩件, 呵呵~


之後去銅鑼灣還埋WiFi蛋, 大功告成!!! 返歸抖抖...

不如... 講下我今次係沖繩買咗咩呀... 呵呵呵呵~~~


[必買] 卡樂B薯條!!!


[必買] 雪塩!!!


[必買] Lu Lu Lun 面膜!!!


[必買] 金楚糕!!! 左邊的炸蝦脆脆係無心插柳, 非常辣, 非常受歡迎...


買到到喉唔到肺, 我要再去再去再去!!!

~~~ 題外話 ~~~

今次我地終於洗脫污名, 向黑仔達說不!!!

話說, 出發前天氣預報5天都是多雲或下雨, 來到沖繩後, 5天都藍天白雲, 反而香港掛上罕有的8號風球... 我係沖繩都忍唔住要Cap圖... 颱風海鷗成有紀錄以來「最遠8號波」...


世事總是喜愛接二連三... 一風未平, 一風又起... 離開沖繩後, 沖繩打風不特止, 仲要地震, 仲要有紀錄以來第1次測到5級以上... 我地走遲2日又入我地數o架啦班花生友...



沖繩「婚紗攝影」2014 の 總匯 http://www.kenmerry.com/2014/11/Okinawa.html