尋日影婚紗相辛勞咗1日, 今朝瞓飽飽Mark大眼就食咗一餐異常滿足的≪庭院深深≫琉球茶房あしびうなぁ... 做吓樣逛咗一陣首里城外圍, 又再去搵食... 食咗無耐咋喎, 又食?!! 有冇再過份D呀?!! 嘩咔咔咔...
再次出動羅庚睇風水(WiFi蛋+Google Map), 真係話咁快就到!!! 行到蝸牛咁慢, 幾分鐘都唔使...
呢間餐廳能夠拎到Honey的Approval Code, 當然有其獨特之處... 重中之中係可以自己動手體驗「琉球茶道」, 沖繩の傳統ぶくぶく茶!!! 其次係可以影相...
「可以影相」都係賣點?!! 唔係呀嘛?!! 我可以答你, 絕對係!!! 位於國際通壺屋1-28-3的ぶくぶく, 真係唔比影相!!! 泡泡仲要係連茶上, 唔係自己動手發打...
好, Let's Go!!! 大家一齊入嘉例山房體驗沖繩具古老特色的ぶくぶく茶!!!
餐廳入口擺滿了別具沖繩特色的藝術品供客人選購... 想靜靜地享受「琉球茶道」, 請移玉步往閣樓雅座...
接近下午4時, 未有任何客人, 我地可以盡情拍照, 太開心...
閣樓裝潢雅致, 麻雀雖小五臟俱全, 傢具比例上件頭頗大, 卻一點也不侷促, 好有老家的感覺... (老人家總喜歡將大中小擺設堆積如山地展現人前, 連一點讓人喘息的空間也會覺得是浪費)
想呼吸新鮮空氣的朋友, 可以選擇無冷氣的露台雅座... 怕悶的朋友, 可以選擇挑戰自己的智慧, 把玩一下店主悉心安排的小玩意...
服務員姨姨只得自己1個, 要比少少耐性等候... 店內的餐牌別出心裁, 將十多款茶名雕刻在原木上, 很美... 還有多國語言, Tourist Friendly... 茶餐一律800円...
Tourist Friendly呢個Terms唔係隨口講的, 店內的說明書有多國語言, 日文英文中文韓文, 真係好齊全... 由入門口到落單到如何飲用泡泡茶到埋單講Bye Bye, 整個過程都翻譯好晒, 未免太強!!!服務員姨姨還會說一點英語, 例如我猶豫月桃茶是否桃茶時, 服務員姨姨答我Not Peach, 哈哈, 的確有點Suprise...
服務員姨姨先奉上用來發打泡泡的液體, 記緊, 絕對不可飲用!!!
沖繩古老傳統特色ぶくぶく茶有好多種叫法... BuKuBuKuCha、泡泡茶、福福茶... 18世紀初, Bukubukucha被稱為琉球茶道, 從戰前的明治已在那霸盛行, 是古代歷史上的茶, 在戰後40年一度絕跡, 來到嘉例山房可以體驗既傳統又獨特的歷史, 認識重新普及的Bukubukucha...
據說Bukubukucha冒泡是因為使用了沖繩的水是硬水, 是一種罕見的茶, 泡沫纏綿, 喝氣泡如軟冰淇淋...
Bukubukucha的制法看似簡單但頗費時... 混合茶和用烤白米飯煮出來的熱水, 重點是要用硬水... 以竹拂快速發打, 發出噼噼啪啪的聲音, Bukubukucha福福茶便會冒起泡沫,冒起的泡沫不會消失, 用竹拂撥起泡沫, 放在其他預先準備好的飲用茶/咖啡上, 灑上花生碎即成...
Tea Set是1人1份的, 800円包括生果及佐茶糕點, 還有大大碗花生碎...
Honey點了熱的葯草茶(混合13種葯草), 我點了凍的茉莉花茶... 氣泡喝起來有點玄米茶的香氣, 花生碎香味十足, 泡沫細膩柔滑... 冰凍的茉莉花茶清香怡神又解渴, 真想一啖飲晒... 以黑糖制作的糕點口感軟軟糯糯, 淡淡滲出黑糖的甘香甜味, 沒有搶去泡泡茶的風頭... 飲的時候泡泡會沾到鼻子及面頰, 有點傻氣...
我發打得比較慢, 不夠泡泡... 服務員姨姨示範一次何謂強勢泡泡...
嘩!!!!!! 好高呀!!! 有無倒塌危機o架?!!
等我同小虎搶吓鏡先... 哈哈...
及後陸續有其他客人慕名前來, 氣氛開始熱鬧起來...
我地好認真地慢慢慢慢慢慢品嚐, 足足逗留了接近1個小時, 抵玩...
餐廳相關網址 : -
http://tabelog.com/okinawa/A4701/A470102/47000295
是次每人消費約 JPY$ 800 元 (約HK$60)
味道： 4 環境： 5 服務： 4 衛生： 4 抵食：4
###
地址 : 沖縄県那覇市首里池端町9
電話 : 098-885-5017
沖繩「婚紗攝影」2014 の 總匯 http://www.kenmerry.com/2014/11/Okinawa.html
沒有留言:
張貼留言