Ken & Merry 為食男女，遊走世界!!!: 沖繩「婚紗攝影」2014の≪庭院深深≫琉球茶房あしびうなぁ

15 September 2014, Monday

尋日影婚紗相辛勞咗1日, 縱然全日只食過1餐, 仲要食唔夠一半已被Girdle紮到透唔到氣, 有得睇無得食, 但今日幾大都瞓晏D, 瞓到10am先起身, 蝕咗酒店個Free Breakfast亦在所不惜...

無車牌, 唔去得遠, 只能近近地去D沖繩都市單軌電車 (Okinawa City Monorail)去到的地方...

今日去食Lunch嘅餐廳好靚o架, 好多國家的旅遊節目都有介紹過, 一邊望住個好靚的日本庭院, 一邊品嚐美食, 真係諗起都興奮...

瞓飽後悠悠閒去おもろまち駅(Omoromachi Station)搭3個站單軌電車到儀保駅(Gibo Station)...

儀保駅內的拼貼畫... 每1個站都唔同的...

根據Google Map指示, 出站後大約行7分鐘就到餐廳... 唔行錯路的話...

在橫街小巷中穿梭, 狗吠聲不斷, 慌失失下欣賞了多棟各有特色的獨立屋, 終於來到大街, 見到呢棟2層高的建築物, 停下來拍照...

隔壁有間餐廳... 好多客人出出入入... 呢一刻, 我仲未意識到呢間就係我地要搵的餐廳... 再向前行...

一路向前行... 沖繩縣立藝術大學...

繼續向前行... 咦... 幣... 點解已經行到o黎首里城嘅?!! 睇返Google Map, 原來行到過晒龍!!!

返轉頭, 入咗剛才影相間餐廳旁的小巷... 入到去真係好唔對路... 穿來穿去, 好幸運地有位蘭花園的伯伯問我地想去邊, 佢好勁, 日文就緊啦, 英文韓文中文都識講, 好誇張呀!!! 佢好好人, 帶返我地出去餐廳門口... 哈哈, 其實我都唔明自己點解可以錯得咁交關... 間餐廳明明擺在眼前, 係都唔肯面對...

餐廳入口已經好Green...

尋日5點食完1餐"早午晚"餐後, 夜晚係酒店只係食咗燕麥條頂肚... 到而家都仲未識餓, 好神奇...

餐廳入面好多人排緊隊, 係無冷氣喪標15分鐘汗的情況下, 終於有位, 居然會覺得好彩?!!未必有點奇怪...

更幸運的是, 被安排到美不勝收的日式庭院旁用膳, OMG!!! 同電視節目見到的一樣咁靚, 好興奮呀!!!

瘋狂地拍照是常識吧~~~ 忘了帶自拍神棍, 留咗係酒店, 失敗...

大汁疊細汗, 店員遞上Welcome Drink -- 冰凍綠茶... 正到吖... 如遇甘露!!!

落單的男孩懂英語的, 好利害呀!!! 更利害的是, 樣子長得有點像Johnny事務所偶像組合「嵐」的隊長大野智 (Ohno Satoshi), 好可愛呀~~~

日式庭院唔只得個樣, 即使烈日當空, 氣溫超過攝氏30幾度, 偶有微風吹拂, 依然感覺涼快, 非常奧妙...

一場到來, 不可不試餐廳推介的8款島料理...

自家制烏賊墨汁日式炒麵 650円 (單品)
-- 墨魚爽口彈牙, 好好味, 墨汁麵拌蔥油及豆芽, 味道無特別...

香燉豬腳 850円 (套餐)
-- 豬腳軟腍到好似食緊Jelly咁, 好甘香, 好好味... 跟餐的沖繩炒飯好香口, 菠蘿好甜, 套餐仲有魚生、麵豉湯同醃蘿蔔, 相當豐富...

Calpico Juice 300円
-- 哈哈... 好1張硬銷Calpico的廣告照... 冰凍的活乳酸飲料, 酸咪咪的, 醒神醒胃...

見到Honey吃得津津有味, 對環境及食物均讚不絕口, 我真係要抺一把大汗... 幾驚佢唔滿意我搵嘅呢間餐廳... Pass了2餐, 總算放下少少心頭大石, 希望往後果幾間餐廳佢都一樣咁滿意啦~~~

埋單2千円都唔使, 抵到爛呀!!!

餐廳相關網址 : -
http://tabelog.com/okinawa/A4701/A470102/47000315/

是次每人消費約 JPY$ 950 元 (約HK$70)
味道： 4 環境： 5 服務： 4 衛生： 4 抵食：4
###
地址 : 沖縄県那覇市首里当蔵町2-13
電話 : 098-884-0035

食飽飽, 行幾分鐘去返首里城 (Shuri Castle), 由於上一次跟團時已參觀過收費的區域, 今次只於免費的區域逛一陣...

重溫收費的區域 : http://www.kenmerry.com/2010/09/102010-day-5.html

圓覺寺 Enkaku-ji Temple...