沖繩「婚紗攝影」2014の≪試食王道≫国際通り商店街 Kokusai doori

15 September 2014, Monday 

今日真係超級大滿足!!! 由1點到6點, 短短5小時, 食足3餐!!! WaHaHaHa... 唔好比佢停!!!

1PM 午餐     ≪庭院深深≫琉球茶房 http://www.kenmerry.com/2014/10/2014.html
4PM 下午茶 ≪泡泡福茶≫ 嘉例山房 http://www.kenmerry.com/2014/10/BuKuBuKu.html
5PM 晚餐     ≪三大拉麵≫ 琉球新麺 通堂 http://www.kenmerry.com/2014/10/ryukyu-shinmen-tondou.html

Next Station is... 国際通り商店街!!!


飽到個肚就快爆開... 回到單軌電車儀保駅 (Gibo Station)...


月台可以遠眺到首里城... 原來我地剛才行咗咁遠...


坐7個站去到県庁前駅 (Kencho-mae Station)...


直達沖繩最最最熱鬧的一條街... 國際通!!!



每間商店的霓虹光管招牌都是精心打制, 好Kawaii呀!!!




喂, 仁兄, 做咩咁頹呀?!! 呢條街大把試食, 就算無錢係身, 逐間手信店樣樣手信試一粒都試到你反肚, 堪稱沖繩≪試食王道≫, 比美澳門≪不勞而獲手信街≫, 置身其中, 我真係好興奮呀, 好似細蚊仔入咗用糖果餅乾做的屋仔入面咁, 樣樣都要食吓, 明明頭先係首里城已經飽到上喉嚨掟!!!!!! 唔好再苦瓜乾喇, 做人積極D, 快D去掃舖啦~~~


興奮還興奮... 無忘記黃毛仔的Order, 沖繩限定 Lu Lu Lun面膜!!!

黃色 : 山桔仔檸檬香透亮保濕面膜
紅色 : 苦瓜櫻桃維他命C緊致美白面膜

我掃咗4盒... 每盒5包... 每包7片... 嘩!!! 即係幾多片呀?!! Crazy度不敢想像!!! 因為黃毛仔20年都無託過我幫佢買貨, 佢自己都年年去日本, 上個月先去完大板掃 Lu Lu Lun面膜... 轉頭就叫我幫手, 肯定好好用啦咁, 我又點可以執輸呀?!! HaHa, non-Logical Thinking...

辦妥正經事, 放下心頭大石, 可以放心繼續試食... (errr... 其實都有一路食一路買, 我都唔係咁Cheap嘅, wakakaka, 買到手都斷, 收斂一下, 明天再來)

Must Eat 目標人物 -- 卡樂B+ (Calbee Plus) 被捉個正著!!! 呵呵呵... 開咗2年咋, 上次來沖繩都仲未開業的...


嘩嘩嘩!!! 卡樂B薯片, 好迫呀!!!


沖繩限定卡樂B薯片, 買咗1包返酒店食, 最後怕熱氣, 無食到, 帶咗返來香港... (到今日都仲未開來食)


MUST TRY ITEM!!! 沖繩店限定即炸紅芋 (290円)!!! 真係超超超超超好味呀!!! 好粉嫩, 好香甜, 好熱辣辣, 好食到唔停得口, 好幸福呀!!! 嘩嘩嘩... Honey搶食呀!!! 又話好飽嘅?!!



抽住幾大袋戰利品行緊去單軌電車牧志站 (Makishi Station)... 惡魔又再向我招手!!! OMG!!! 放過我吧!!! Let Me Go, Please!!!



失控的婦人... 掏荷包中...


Blue Seal 期間限定 Blue Wave雪糕 (單球 300円)!!! 波子汽水味, Yummy!!!


行到好攰, 食完雪糕再坐一會, 好好多喇... 今次真係行到去單軌電車牧志駅 (Makishi Station)啦... 坐2個站返去おもろまち駅 (Omoromachi Station)...



今晚掛住上網, 1:30AM先瞓... 聽日仲有好重大的難關等緊我地去突破!!! 征服完明日的任務又要再返來國際通掃貨的!!! 太開心!!!

<< 待續 >>


沖繩「婚紗攝影」2014 の 總匯 http://www.kenmerry.com/2014/11/Okinawa.html