特別日子給特別的你... Jamie's Italian進駐香港的第1間分店正式開業2星期, 急不及待來朝聖?!! 其實呢... 我唔係佢粉絲, 只係來湊熱鬧...我多年前第1次見到Jamie Oliver係《大城小廚》內教煮餸覺得好恐怖, 生熟食物一齊處理, 處理食物時呢呢啡啡咁又唔洗手, 加埋棚煙屎牙, 我幫佢改咗個名叫嗱喳仔, 聽講佢之所以竄紅就係因為唔姿整夠隨心才深得民心... 多年後再睇佢的節目, 已經變咗1個佬, 但棚煙屎牙好像處理了, 處理食物時好似無咁呢呢啡啡, 但生熟食物仍然間中一齊處理, 可能烹飪節目的制成品唔會比人食所以無問題...
見到人氣博客宅女話5:30PM到達都要排1.5小時, 咁唯有再早一點去... 4:00PM唔知又要排幾耐呢...
4:00PM進入Times Square對面的金朝陽中心, 點知... 原來呢邊係1期, 2期要行去後面登龍街入... 入到去登龍街金朝陽中心2期, 又係唔入得!!! 原來要係路面入, 大廈入口旁的車行旁的Jamie's Italian專用入口先入到餐廳...
Openrice地址寫2樓, 其實1樓都係Jamie's Italian的, 放置了Products及Receptionist...客人排隊時望見Products唔知會唔會大破慳囊大手入貨呢?!!
4:00PM 唔使排隊, 直上餐廳, Yeah!!!
餐廳有多款用餐區, 酒吧半圓梳化木枱椅, 各色其色... 環境有點幽暗, 現在可是下午4時, 落地玻璃外仍見到日光的...
我地坐係開放式廚房前, 有點油煙, 不是太理想... 看著熱騰騰的食物從廚房跑出來, 眼睛很是忙碌...
非常極之巧合地, 坐在緊貼的隔壁枱竟然是飲食Bloggers 熊媽 ilovedisneyland 及 味將 Dog Gor, 真係約都無咁橋...
跟外國一樣, 每張枱分了Server, 不過呢, 阿Server問咗我地2次落得單未, 我地都未決定到, 到我地落單時, 佢又唔見咗, 變咗另1個女仔幫我地落單, 但同Local做法無分別, 又點解要分Server呢?!!
時間尚早, 剛吃罷米芝蓮一星午餐, 今餐就當吃一餐下午茶吧, 不會選太Heavy的Main Courses或飯麵...
(前) Amalfi Lemon & Basil Iced Tea $35
-- 義大利阿瑪菲海岸(Amalfi Coast)的Lemon很出名, 但... 加了Basil也不覺得有什麼特別, 都是1杯普通的凍檸茶, 只是外表較特別...
(後) Draught Beer Young Master Classic $65 400ml
-- 香港個體戶生產的生啤酒, 麥味重, 味道清新, 感覺很fresh... 杯上的工夫腿Logo很有型...
Arancini Margherita $70
-- 外脆內軟的炸飯球, 是意大利的代表作之一, 切開酥脆外層, 熱氣騰騰, 吃時要小心, 軟糯的蕃茄水牛奶酪燴意大利飯很Creamy, 蘸點辣蕃茄醬, 酸辣交錯, 頗開胃~ 那棵小辣椒, 見Honey整條放入口咬得好開心, 我咬了3mm, 辣度尚可接受, 但整條來真的不敢...
Burger Italiano $135
-- 超巨型的漢堡包, 炭燒牛肉漢堡、融化的Fontina cheese、蕃茄沙沙、意大利辣香腸Schiacciata Piccante、醃菜、辣椒、脆炸洋蔥... 我連麥記巨無霸(人生只吃過1次)都唔可以由面至底全個一啖咬開, 呢個意大利漢堡包更加搞唔掂, 唯有分開上下層來食, 結果下半層有Sweet Tomato Salsa醬酸May May幾好味, 上半層就好乾爭爭... 炭燒牛肉漢堡不夠Juicy但味道也太差...
Tutti Frutti Lemon Meringue Pie $65
-- 檸檬枇上的烤蛋白霜味道十足BBQ常客燒棉花糖, 有驚喜, 我鍾意... 檸檬枇不太酸, 合我口味, 好怕酸到盲開眼的檸檬枇, 喜歡酸的朋友可以蘸伴碟的義大利檸檬酒Limoncello添酸, 伴碟的開心果薄脆糖才是亮點, 如果當佢係茶記雞脾薯條旁的青瓜片而唔食, 咁你就走寶了!!! 香甜脆集一身, 可惜只有小小的一粒, 不夠喉...
見別人的頭盤是將木條放在2個罐頭上, 好特別... 又見到別人叫燒羊架, 賣相好吸引, 睇到流口水... 是我不懂得Order吧...
今餐味道是可以的, 不過呢... 如果要我攝氏卅十幾度企係個地盤對面條街排幾粒鐘, 唔值得囉...
5:15PM Server趕住收工, 未食完就一定要埋咗張單先, 離譜到隔離枱未Order已經要埋單, 結果Server迫個女仔落單Order咗1個頭盤然後碌埋卡佢個朋友都未到... 我地無睇清楚張單就碌咗卡, 後來發現自己好大鄉里, 竟然無比Tips!!!!!! 原來張單有得Tick比10% or 12.5% or 15% or No Tips, 我地以為無Tick就會自動收10%, 點知原來無Tick係無收10% Service Charge, Oh No!!! 覺得自己好樣衰, 我地有考慮過叫返個Server過來比返Tips佢, 但既然佢咁趕住收工, 都係算吧喇, 無謂阻人收工啦...
準備離開之際, 有位外籍女員工問我覺得食物點, 最鐘意邊一樣食物, 我答Lemon Tart上的Cream好似BBQ Marshmallow, 佢好似聽到一頭冒水, 唯有答佢Average...
是次每人消費約 HK$ 185 元
味道： 4 環境： 4 服務： 4 衛生： 4 抵食：4
###
地址 : 銅鑼灣登龍街1號金朝陽中心2期 Midtown 2 樓
電話 : 3958 2222
我呢邊都會趕住收工要埋人咗張單先架.
回覆刪除其實我地食到尾聲o架啦, 我地就無所謂, 係見隔離枱個女仔朋友都未到, 一樣野都未食, 迫人即時落單即時埋單有D不近人情~
刪除我上星期五都去試咗，講真呢．．．我覺得無乜特別！ :p
回覆刪除個日朋友五點多去等位，登記咗之後叫佢約七點半返去，這安排都OK!
另聽聞如果碌卡比埋 Tick, Tick會大圍分，如果 Tick 俾 cash, 咁就係服務你果個袋 XD
如果登記咗可以去行陣街先返來咁都OK嘅...
刪除哦? Cash自己袋? 早知叫佢返轉頭比廿草佢啦, 不過佢真係堅趕住收工囉 XD
估無到佢呢間裝潢甘中華 feel~ 呵呵
回覆刪除有些朋友試過都話味道普通，無咩特别之余服務亦麻麻，都係靠個哚,,, 仲要排成個鐘，唔值甘話。
Well，等我遲 d 去新加坡間分店試下先 :P
新加坡應該會好好多 (嘿, 隔離飯香) :p
刪除舊年我去網友Stella 姐介紹個間在灣仔的家常便飯吃午飯，剛好斜對面有間一蘭拉麵，門外好多人排隊，我問個位靚女服務員，要排幾耐，佢話個鐘左右，吓食碗拉麵排咁耐，我就唔排。
回覆刪除墨爾本的一條街Lygon st. 有小意大利的別稱，據說墨爾本的意大利餐是除了意大利本土之外最好的。睇你介紹的呢間只不過是普通貨色，絕對唔值得排咁耐，之不過香港人喜歡排隊，以前見過買樓都有排隊黨。
哈, 最新鮮滾熱辣的排隊黨新聞係Sammi演唱會加場排頭33位的排隊黨都係南亞裔~ 一蘭拉麵我無去過, 唔想攝氏卅十幾度係街排隊吸汽車廢氣 :p
刪除如果有機會再來墨爾本, 好想去Lygon st. 見識吓 :)
拉姑你好,
回覆刪除SeeWide特搜網是一個全新互動生活分享平台，集齊各地遊山玩水好去處及講玩、講食、講扮靚、講生活，讓大家分享不同的生活體驗。
你的網誌十分切合我們網站主題，內容及相片也很有質素，請問可否讓我們轉載網誌內的相片及內容？(會注明出處及不作改動)
我們的目的，是盡力網羅優質的相片及內容，建立一個包含豐富生活資訊的玩樂休閒分享平台，讓一眾志同道合的網友可更輕易獲得寶貴的參考資料。現階段，SeeWide 已擁有超過十萬篇生活攻略，瀏覽量亦超過數十萬。
希望你能成為我們平台的一份子，助我們更有效地集結各樣不同的好玩好食生活資訊！
另外，我們亦設有「稿費」制度，透過發表文章所累積的本地瀏覽量，即可兌換稿費！
而我們亦可以你的名義，將稿費捐到香港宣明會，或你指定的慈善機構
詳情可參閱：http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com