[8-12°C, Periods of rain] ~ Day 5 ~前文提要, 晨早起身去咗玩《自助洗衣》Coin Laundry初體驗... 洗完衫摺好晒入旅行喼, 已經夠晒鐘!!! 急忙拖住旅行喼行返出去Skytrain Lansdowne Station... 超低能嘅係, 與親友會合之後, 佢竟然帶返我地入去洗衣店對面的餐廳食Lunch, OMG!!! 如果問定佢餐廳係邊, 我地同個旅行喼就唔洗行咁多冤枉路啦~~~
好彩我地一到埗就買了「speakout7eleven寬頻及話音儲值咭」保持Online Mode, 係最後一個moment whatsapp咗, 至少唔使真係行到去Skytrain Lansdowne Station...去到Lansdowne Centre就可以回頭去Future Shop門口等...
去到Future Shop門口, 親友非常熱情, 作狀飛身撲出熊抱, 幸好我亦不是省油的燈, 浸過吓過江洋水, 我又玩慢動作坐跑飛身撲出熊抱, 而家諗起都好笑... 想當年我可以雙手舉高佢上天花轉身打圈, 今時今日, 佢如果加速撲埋來, 我真係唔知會被反彈咗去邊, 又一次證明歲月無情, 哈哈~
又行返入Alexandra Road, 一路傾一路行, 竟然行返去Alexandra Road尾段, 剛才《自助洗衣》Coin Laundry初體驗對面?!! OMG!!! 又運大桔啦!!!
Easy Kleen Laundromat 是8571 Alexandra Road, 鹿園是8580 Alexandra Road... 正正對面街... 有一件事好奇怪, Richmond的地址只會用路名同Number, 唔會提商場名, 真係好唔習慣...
鹿園魚湯米線 (Deer Garden Signatures)位於2樓, 要搭Lift上... 很奇怪, 地下有好大的停車場, 樓上都係停車場, 係咪真係咁多人泊車呀?!! (後來再來旁邊的韓國餐廳食晚飯, 原來Weekend成條Alexandra Road都好難搵位)
快餐店格局, 快餐店服務, 其實我有少少抗拒比Tips... 不過我地算好彩, 撞啱有卡位坐...
咖喱牛脷飯 CA$9.5 (約HK$65)
-- 親友極極極力推介的咖喱牛脷飯!!! 佢食到乾乾淨淨之後再叫多一客打包返屋企慢慢再嘆過...
咖喱牛腩飯 CA$9.5 (約HK$65)
-- Honey的咖喱牛腩飯, 咖喱汁香濃稠密, 牛腩軟腍, 好味...
包飲品, 凍飲+CA$1, 特飲+CA$2... 我要多多(Calpis), 親友要珍珠奶茶...
燒牛脷 CA$6.25 (約HK$45)
-- 極品!!! 超級好味的燒牛脷!!! 講明先, 我最憎食牛脷同豬脷, 但親友極極極力推介, 我好勉強地食咗1片... 一放入口... 嘩!!! 好好味呀)))))) 燒得好香, 好軟腍... 跟手我又再食多1片... 又再食多1片... 呵呵呵... (而家寫Blog諗返起都口水狂流)
鹿園魚湯百搭麵 CA$8.5 (約HK$60)
-- 親友推介我嘗試鹿園的「名物」魚湯米線... 湯底+2個餸+粉麵+飲品...
不含味精MSG的湯底有11款, 包括6款魚湯, 1款清湯, 5款辣湯... 我選了蕃茄南瓜魚湯...
餸有34款之多, 利害!!! 我選了脆皮腸及手打墨魚丸...
粉麵有9款, 都幾想試韓式水晶粉, 不過我決定要切合店名"鹿園魚湯米線", 我選了米線...
有得Tick走青, 我睇溜眼...
講真, 我覺得配料一般般, 個湯底的確唔錯, 但我討厭佢有菇... 魚湯米線勁大碗... 我食咗好耐先食完, 親友露出驚訝表情, 佢話點解我咁食得, 佢地一家幾口從來食唔晒... (心諗 : 唔好玩啦, 你一家幾口都係我Double/Triple Size, 點會食唔晒呀)
食飽飽, 埋完單3個人係門口玩自拍, 即刻Whatsapp返香港, 打卡完成!!!
今日約咗Honey的朋友, 佢地好好人, 再車我地去多一次漁人碼頭 (Steveston Village Fisherman's Wharf), 其實佢地住係漁人碼頭附近, 要特登揸車出來接我地再返入去一D都唔順路, 辛苦晒, 好多謝好多謝你地!!!
Urbanspoon的Link :-
http://www.urbanspoon.com/r/14/1620236/restaurant/Vancouver/Richmond-Central/Deer-Garden-Signatures-Richmond
是次每人消費約 HK$ N/A 元
味道： 4 環境： 3 服務： 3 衛生： 3 抵食： 3
###
地址 : #2015-8580 Alexandra Road, Richmond, BC V6X4B3
電話 : (604) 278-9229
加國「喜行大溫」2014 の 總匯 http://www.kenmerry.com/2015/01/Vancouver-Canada.html
沒有留言:
張貼留言