[2-9°C, Mostly Cloudy, Rain Showers] ~ Day 7 ~加國「喜行」的重中之重 -- 翠明假期「夏季洛磯山四天皇御之旅」 CANADIAN ROCKIES (SUMMER)!!! 如果無得去Rocky Mountains, Honey佢應該唔肯來加拿大...
昨天跟翠明假期「維多利亞1天遊」遊覽Victoria Harbour及寶翠花園 (The Butchart Gardens), Honey影了照過400張照片, 今天卻少於20張, 我昨天也影了500張照片, 今天則有100張實在太大落差~ 今日的行程係無行程, 一篇Blog過唔使分上中下冊啦~
~ 洛磯山脈 Day 1 ~
5:00am 起身
6:40am Check-out完坐係Lobby等導遊來Radisson酒店接我地... 係, 導遊Thomas好好人, "又"主動來Radisson酒店接我地...
等候期間, 發現有對夫婦(潘生潘太)都在等待中, 對方先生問Honey係咪Thomas... 嘿... 原來係團友!!! 詳談之下, 原來佢地剛玩完專業旅運的黃刀鎮極光團(嗚嗚... 我都好想去), 又再跟翠明假期的洛磯山脈團, 對方太太仲笑住話人人都係來加拿大探親順便觀光, 邊有人好似佢地咁純粹觀光... 翠明假期話Sheraton酒店Full House, 所以幫佢地Book咗Radisson酒店...
從導遊口中得知今日有3車翠明假期都係去洛磯山脈, 車上1個座位都無剩, 包括導遊身邊個座位, 超級誇張!!! 我地呢車全團都會入住露易斯湖堡壘酒店 (Fairmont Chateau Lake Louise), 真係唔講得笑...
9:00am Cole Road Rest Area (哈哈, 景點是... Toilet)
10:00am 旅遊巴進入山區不久, 隨即刮起大雪, 張speakout7eleven寬頻及話音儲值咭居然接收唔到Signal, 噢, 我的錢呀!!!
最慘係我對耳仔, 輪流發出吱吱聲, 估唔到坐巴士都會有氣壓, 天呀!!! 我無食到醫生開比我的平安藥呀!!! (夜晚打開行李, 發現好多Liquid樽爆漿)
原來山區時間同溫哥華的太平洋時間又唔同, 要+1小時... (今天的時間僅供參考, 我都唔記得自己有無調教啱返相機的時間)
山區天氣更是變幻莫測, 導遊Thomas話山區係無天氣預報, 因為Anytime都可以好大變化, 我地今日就經歷咗大雨同大雪同陽光!!!
山區的氣場亦很靈異, 我部相機放係相機袋內, 再放係手袋入面, 無故開住, 叉足晒都得返1格電...
11:00am 午餐於Golden Chopsticks Chinese Restaurant (用餐時間得45分鐘)
同團友食的第1餐飯, 無人拎相機出來影相, 我只好用手提電話Sony Xperia™ Z1極速離遠影...
6餸1湯, 白飯任裝... 貴妃雞味道OK, 豆豉肉餅味道OK, 蝦肉霉腍唔敢食, 白菜有部份是苦的, 堅怕芫茜的我竟然覺得芫茜皮蛋湯味道OK... 今餐團餐比想像中好, 食得落...
餐廳好似好靚咁, 但係我地要穿越餐廳坐入神秘房仔, 零裝修, 大學飯堂的裝修都好過佢...
服務都係零, BaBa聲上完菜之後唔好再期望服務員出現, 茶壺無晒熱茶要自己行去廚房門口添...
8個人1張枱, 我地打後好多餐都同潘生潘太坐... 另外有2位美國來的疑似台灣女士, 點解咁講, 因為佢地講國語睇繁體書... 仲有廣州來探留學兒子的兩母子, 廣州媽媽強調廣州人緊係講廣州話, 嘿, 比個讚你!!! 不同國籍的人一起用餐, 用上3種語言溝通, 沒有太大問題, 皆因大家都有修養...
非常慶幸打後幾日都唔使同某部分團友一齊坐, 佢地所作所為真係好羞家, 大聲喧嘩係常識吧, 橫越多線高速公路係自殺吧, 在別人演講的時候大聲講電話簡直丟盡黑頭髮黃皮膚的臉... 稍後會有詳細分享...
有在Richmond住的地膽舅婆一行6人, 唔跟團餐, 導遊推介佢地去牡丹樓, 嘩, 聽個名都覺得好味, 咁鬼優雅... 點知... 原來是爛Gag!!! 牡丹樓=McDonald's... 抺冷汗 (=_=")
12:45pm 花旗參場 (甘露市 Kamloops)
上落車時都勁大雨, 影唔到店舖外觀... 咩花旗參場, 咩一睹花旗參種植過程, 原來只係一間入到去即時分隔廣東話客同普通話客的硬銷店... 入場即任飲茶花旗參, 仲可以斟入自己的熱水壺, 不過好難飲, 無甘味的, 我地夜晚係酒店倒了... 店內銷售的花旗參片細粒到幾乎睇唔到, 直徑都唔知有無0.3cm, 加上剛才的無甘味難飲Welcome Drink, 想係我荷包仔攞錢, 嘿, Mission Impossible~ 最多人幫襯的... 是Toilet!!!
3:20 太平洋鐵路最後一根釘 (飛鷹坳)
呢個景點真係... 好過無!!! 全日唯一可以影幾張相的地方... 其實停呢度, 都係幫襯Toilet~
太平洋鐵路東西橫貫之接駁點, 鐵路注下最後一口釘, 就係相中央果舊爛木的位置, 粒釘, 經已拔起咗收入博物館...
落緊勁大雨, 只有數名瘋狂團友不要命繼續影相, 其他團友都躲在左邊的建築物... Toilet... 避雨...
在途中見到雪崩的痕跡... 注意, 現在是4月尾哦~
全日馬不停蹄, 用了12小時, 1個景點都未睇過, 終於來到酒店, 破歷年來跟團記錄, 成個人散晒, 真係人都癲!!!
7:00pm Prestige Inn Golden (黃金鎮)
非常差的酒店, 食物難吃不在講, WiFi連接唔到都算喇, 最差係妄顧客人的人生安全!!! 會另發Blog文詳細報導...
在酒店食了令人想反胃的團餐, 酒店的WiFi無團友能夠成功接駁到, 8:15pm 大家都跑到酒店附近的牡丹樓(McDonald's)...
亮點 : Free Unlimited Wi-Fi!!! 味道、環境、服務、衛生、抵食通通都顯得唔重要, 嘩咔咔咔))))
Bacon McDouble CA$1.99 + 5%GST (約HK$15)
Deluxe Hot Chocolate CA$2.89 + 5%GST (約HK$21)
Maple Cream Pie CA$0.695 + 5%GST (約HK$5)
難得一場來到加拿大, 當然要試試楓樹糖漿批!!! 味道像蜜糖, 甜甜的, 都幾好味~
Urbanspoon的Link :-
http://www.urbanspoon.com/r/85/1774806/restaurant/British-Columbia/McDonalds-Golden
是次每人消費約 HK$ 23 元
味道： 3 環境： 3 服務： 3 衛生： 3 抵食： 3
###
地址 : #1301 Trans Canada Hwy Golden, BC V0A1H0
電話 : (250) 344-4515
加國「喜行大溫」2014 の 總匯 http://www.kenmerry.com/2015/01/Vancouver-Canada.html
沒有留言:
張貼留言