Ken & Merry 為食男女，遊走世界!!!: 加國「喜行」の《陽光充沛》Big Bus 市內觀光巴士

18 April 2014, Friday

[7-12°C, Mainly Sunny Partly Cloudy] ~ Day 3 ~

一早醒來, 打開窗廉, WoW... 今天天氣呵呵呵!!! 14天的行程內, 唯一一天展現完美的藍天白雲, 美極!!!

經歷咗尋日的《運桔探路》Big Bus Hop-On Hop-Off Sightseeing市內觀光巴士一日遊之後, 我地今日有晒對策, 要向運桔說不~

8:15AM 從Aberdeen Station出發~

上車坐下後, 見到有SkyTrain職員上車查飛, 我拎咗出來佢又無查就走了... 原來真係會有人查飛嘅...

9:00AM 準時到達Gastown Steam Clock... 不過架Big Bus就唔係咁準時啦~ 遲咗幾分鐘先到...

尋日全日落雨, 難得今日藍天白雲, Honey緊係要同佢新歡小三Olympus OM-D E-M10拍吓拖玩吓遊戲啦~ 補影蒸氣鐘, 嘩, Art Filter會唔會重口味咗少少呀?!!

上車時, 剛巧又係尋日個喃嘸司機, 佢竟然一眼就認得我, 仲唔查我張車飛就叫我地上車坐低, 我都感到有點意外, 唔通佢根本就唔會查飛嘅?!! 不過後尾見其他人上車佢又查飛查好耐喎...

9:10AM 車上得我地2個客, 包車咁, 爽爆!!! 去到第3站Canada Place, 司機又話要落車幾分鐘, 我心諗"喂, 你今日啱啱開車開咗幾分鐘咋喎, 咁快又要休息?!!"... 司機伯伯唔知點解對我地咁信得過, 居然叫我地幫佢睇住架車, 門都無鎖就走咗去... 咁我地見機不可失, 緊係趁無人狂影低B相嘅呢~

今日架巴士係半開蓬的, 超正!!! 不過尋日落雨坐的話就唔多正啦~

有圖有真相, 個司機堅行開咗...

小虎背後呢對男女想坐Big Bus, 但見我地跳上跳落好奇怪唔敢上車, 我見佢咁猶豫咪好心同佢講司機去咗Toilet, 5分鐘內會返來, 叫我地幫佢看住架車... 個男人居然唔啋我, Thank you都無句, 真係好心著雷劈, 都費事理佢, 繼續爭取時間包車影相...

9:20AM 司機返來了, 開車!!! 坐開蓬巴士的好處係, 影風景相一流, 唔使隔住玻璃朦查查... 壞處係吹到你頭都赤~ Olympic Cauidron可以係車上輕鬆補影返真係太好喇~

相中呢棵Oak係Vancouver好出名, 座Highrise叫Eugenia Place, 頂樓種咗棵250英尺高的橡樹令佢成為Vancouver的景點之一...

進入Stanley Park範圍, 海濱長廊放置了好多大型藝術品...

Stanley Park我地今日只會停1站, Big Bus要到5月中先會環繞整個Stanley Park運行, 一想到呢點, 好想哭...

10:00AM 到達Stanley Park Pavilion!!! 繼續藍天白雲, Yeah!!!

我見司機伯伯好辛苦咁望住份時間表講比我地聽幾點有車, 我就問佢可唔可以影低, 佢話OK, 咁佢又舒服時我又可以更輕鬆掌握時間...

好, 事不宜遲, 即刻出發去搵小火車 (Junction Miniature Railway), 砵砵)))
詳情請瀏覽http://www.kenmerry.com/2014/05/stanley-park-junction-miniature-railway.html

玩完小火車, 就展開我地喪行Stanley Park之旅, 足足21個維園咁大, 任你行幾耐都行唔完!!!
詳情請瀏覽http://www.kenmerry.com/2014/05/stanley-park.html

2:00PM 趕回來Big Bus車站, 繼續踏上征途, 收服第2個重要景點--Grandville Island!!!

在車上看到JapaDog小賣車, 好想試呀!!! 14日都無機會試, 好想喊呀!!! 我一定要再去加拿大, 一定要!!!

3:00PM 過橋好塞車, 呆在車內足足1小時才到達Grandville Island...
詳情請瀏覽 http://www.kenmerry.com/2014/06/granville-island.html

4:00PM 逗留Granville Island不足1小時被迫離開, 憤怒鳥附體... 離開時在Big Bus車站對面的便利店買到了AA膠... 車到了... 遇上第3款Big Bus... 呢一架車係無窗的, 如果昨天下雨時要坐佢就慘喇...

車上得我地2個乘客, 司機非常Funny及Hyper... 講咗好多Big Bus Tour以外關於溫哥華的事比我地知, 重點係佢的英文字正腔圓, 非常清晰, 落車仲同我地講"在正", 我地同佢解釋香港人的Good Bye唔係咁發音, 估唔到佢好有Heart咁叫我地教佢講"再見"... 如果可以早點遇到你就好了!!!

Funny司機送比我的Easter Egg禮物... 打開後係一件救命雨衣, XXXL...

Honey利用在車上的時間暫時收復了那個害我要匆忙離開Grandville Island的東西... 我地可以繼續係Downtown逛多一陣...

Vancouver Public Library...

Canada Post...

Vancouver Art Gallery...

我地唔敢去China Town, 因為你問10個當地人, 10個都會叫你唔好去... 因為附近有政府福利大樓, 美沙酮中心都係埋入面, 吸毒的Homeless的人都流連在唐人街, 果度就好似聯合國咁, 各色人種都有, 數目非常驚人, 坐在Big Bus上看得心寒, 教我如何敢Hop-off?!!

今日影到Honey 2粒相機電都無晒電, 遊覽完畢, 係Vancouver City Centre Station旁邊的London Drugs逛了一會, 算有少少收穫...

Centrum Select 50+ 250粒 CA$34.99 (約HK$245), 呢個價錢香港只可以買到100粒...
Webber Naturals Omega 3.6.9 150粒 CA$16.99 (約HK$120)...
Sunkist Vitamin C 咀嚼熱帶果味 90粒 CA$7.49 (約HK$50)... 出發前說好送給KaKa的手信, 可惜搵唔到士多啤梨味...
Webber Naturals Resveratrol 90粒 CA$10.99 (約HK$80)... 出發前太古之友推介的白藜蘆醇, 之前聽都未聽過, 非常嶄新的抗氧化物...
* 需另加約5%GST...

過2日比朋友的太太話我有咩理係呢度買小丸子, 呢度價錢係中環金鐘一帶的水位, 要平一定要去Richmond的SuperStore咁話... T_T

London Drugs門外會有疑似Homeless人伸手問人攞錢... 我唔敢拎相機同電話出來影相... 尋日係Vancouver Convention Centre外等Big Bus司機食Lunch時都見到有疑似Homeless人伸手問同樣坐Big Bus的遊人攞錢..

5:00PM 乘SkyTrain打道回府... 係Vancouver City Centre Station買車票時, 有疑似Homeless人伸手隊張車飛埋來叫我買, 我估係佢係地上執的, 好驚呀!!! 即跑!!! 去第2處買車票, 叫Honey睇實有無人行埋來, 確定無人係附近我先拎個銀包仔出來...

5:30PM 回酒店前急於去Yaohan八佰伴搵吓我地極需要的工具... 好彩係樓上的家品店搵到... 今晚可以安枕喇...