免費「香港迪士尼」2日1夜之旅 -- 香港迪士尼樂園 (Hong Kong Disneyland)

14 May 2014, Wednesday

話說... 舊年12月Openrice聯同Hong Kong Disneyland搞咗個Game -- Open​Rice x 香港迪士尼樂園 - 分享奇妙「滋」旅 贏取奇妙旅程, 於OpenRice提交食評, 獲得最高食評分數的2位食家(金飯碗組及金筷子組各1名）, 可獲得香港迪士尼樂園1日門票兩張及迪士尼 好萊塢酒店園林景觀客房住宿一晚(價值港幣$3,540)... 我足足苦戰咗1個月, 充滿淚水與汗水與口水的一戰... 終於抱得美鼠歸!!! Yeah!!! 我得咗喇~~~

原本想去加拿大前LaLa聲去玩咗先, 點知酒店Full Booking, 結果拖到5月中... 貴人出門招風雨... 成個星期都雷暴呀!!! 激屎人...

昨天已享用了迪士尼好萊塢酒店園林景觀客房住宿, 亦自費享用了Chef Mickey Dinner Buffet, 因將香港迪士尼樂園1日門票兩張加錢Upgrade了做年票「奇妙處處通」銀卡, 食完Buffet入埋廸士尼樂園睇煙花... 今日係酒店check-out後又可以再入來香港迪士尼樂園再玩過... Yeah!!!

入到廸迪尼, 循例第一時間去動畫藝術教室學習繪畫卡通人物... 唔使排隊... 輕鬆舒暢...



今朝嘅主腳係... Donald得!!!


畫完畫就正式開始玩啦... 循例要拎返份時間表... 望一望... 嘩!!!!!! 迷離莊園、灰熊山谷、反斗奇兵大本營今日被人包咗場, 3:30PM就關門大吉?!! 唔係咁好彩呀我地, 咁都中?!! 嘿... 好彩我地Upgrade咗張香港迪士尼樂園1日門票做年票「奇妙處處通」銀卡啫, 唔係的話都幾嘔血... 有少少"鄧"d遊客慘囉, 可能人地成世人先來1次香港, 如果唔知訂無睇清楚時間表而Miss咗無得玩, 真係好唔抵囉...


Honey未玩過迷離莊園、灰熊山谷、反斗奇兵大本營... 事不疑遲, 第一時間衝去新(過吓)園區sss... 咦?!! 有刨冬瓜人拍緊旅遊節目...


推咗Honey入去灰熊山極速礦車, 我自己1個係出面等... 哈哈哈哈... 我無打算謀殺親夫呀!!!


遇到Chip & Dale, 來個熊抱!!!


來到迷離莊園, 陪Honey入迷離大宅參觀...



來到反斗奇兵大本營, 推咗Honey入去沖天遙控車, 我自己1個係出面等... 哈哈哈哈... 我再次重申, 我無打算謀殺親夫呀!!! Honey貴人出車招風雨, 一到佢玩果陣就落勁大雨, 無遮無掩, 淋到濕晒, 全車人都尖叫!!!


上次貓兄因為玩具兵團跳降傘勁多人排隊而放棄... 今日我地發現有單人隊, 排10分鐘就玩得, 我膽粗粗跟埋Honey入去... (我當時應該比雨淋到傻咗)


排隊期間比我近距離見到1位女乘客面容扭曲非常痛苦, 其實我真係比佢嚇到好驚, 不過已經排到, 加上我當時又比雨淋到傻咗, 我竟然無逃避, 死頂, 仲要單拖坐, 我真係痴咗線囉應該... 上到降傘升到上頂, 落果下真係幾驚, 一路玩一路驚, 係驚唔知之後仲有幾激, 玩完知道晒成個過程就唔覺得驚lu, 下次仲可以再玩...

全日排最耐隊係轉轉彈弓狗, 總算可以係3:30PM清場前玩晒3個新(過吓)園區sss 迷離莊園、灰熊山谷、反斗奇兵大本營... 


之後更發現幻想世界的皇室宴會廳今日都被人包場, 好過份呀!!!


香港迪士尼樂園鐵路又因Iron Man新園區工程進行中而封閉1年... Oh No!!!!!!


2:00PM 剛才經過美國大街時已昅到實的...


呢期熱爆的... 你厚多士!!! 我呢個係改良版 -- 你米多士!!!


之後循例去明日世界玩巴斯光年星際歷險, Honey今日好勁呀, 打爆機呀!!!


無打算睇巡遊, 只係主要通道被封, 剛巧有位坐, 就坐低休息吓...


之後循例去幻想世界玩瘋帽子旋轉杯, 玩灰姑娘旋轉木馬, 睇米奇幻想曲... 坐我後面呢位公主真係好可愛呀, 笑容有令人內心溶化的魔力呀~~~


小飛象旋轉世界...


睇米奇幻想曲時一度出現藍天白雲...


一瞬間... 落9C... 全身濕透走入探險世界的獅子王慶典涼冷氣, 結果招致大病一場... 右腳跟被鞋刮腳損了, 之後就算日日消毒都痛了10日, 發燒時睇醫生順便睇埋, 原來發炎, 塗了2-3星期消炎藥才可完全康復...


4:00PM 剛才的厚多士午餐又點會填得飽我個肚吖... 繼續食食食...


計啱鐘數, 再去動畫藝術教室學習繪畫卡通人物... 今堂係跳跳苦, Yeah!!!


6:30PM 入夜開始越來越多西裝友湧入來迪士尼樂園, 好驚, 唔制呀, 我要即刻返屋企呀!!!