[8-11°C, Light Rain] ~ Day 2 ~去龍景軒飲完早茶, 返酒店重整一下行裝就出發去Down Town尋找Hop-On Hop-Off Sightseeing Tour Bus喇~ Yo~
可能你會問 : "唔係話探親戚朋友嘅咩?!! 唔係佢地車你週圍去嘅咩?!! 點解仲要搵觀光巴士?!!"
係咁嘅... 我同Honey都係非常獨立自主嘅, 過慣自由自在(自閉)的生活, 真係唔好意思麻煩親友日日管接管送囉, 你見我地過到去要住酒店就明啦... (其實親戚同朋友都有1間吉房, 我諗我地厚住面皮求佢地比我地宿9宵都應該得嘅, 不過我地真係唔想囉)
首先, 我地要坐SkyTrain從Aberdeen Station坐10個站到Canada Line的總站Waterfront Station... SkyTrain詳情可瀏覽http://www.kenmerry.com/2014/05/skytrain.html~
12:00PM出發, 12:30PM到達Waterfront Station, 仍然落緊雨, 唉...
出到站外, 有大大個地圖豎立路邊, 走埋去八吓, 有點猶豫不知向左走還是向右走好... (果時, 我仲未為意自己個iPhone可以用Google Map導航功能, 其實之前同Honey去西環蕩失路時有用過佢的iPhone開Google Map導航)
此時, 突然有位美少女飛身撲出, 走埋來搭訕... 難度係Scam City Live Show?!! 巧驚驚呀!!! 傾多2句, 噓... 原來佢係旅遊大使, 專門幫助遊客解決疑難... (抺汗)
美少女指示我地向左行, 沿路一直行就會到達Gas Town... 真的嗎?!! So Easy?!!
臨別秋波, 塞咗一大疊好重的旅遊推介小冊子, 大部份係餐廳廣告, 仲有The Vancouver Trolley Company的Coupon, 不過我地唔係準備幫襯Vancouver Trolley, 此決定絕對大錯特錯!!!
係網上搵到的溫哥華觀光巴士表面上有3間, 實際上得2間, Pink Bus同Big Bus係同1間, 另1間係 Vancouver Trolley, 大家同樣都係CA$40玩1日(約HK$280), CA$45玩2日(約HK$315), 路線都差不多, 只係地圖第1站唔同, Big Bus第1站係Gastown Steam Clock, 我錯覺覺得Waterfront Station一行出來附近就係, 好易搵, 所以揀咗Big Bus... 其實第1站係邊根本唔重要, Vancouver Trolley係Gastown Steam Clock一樣可以上車買飛, 最重要係Vancouver Trolley班次密過Big Bus好多, 架車亦Vintage好多!!!
揀Big Bus只會讓你後悔+懊惱+自責!!!
又或者到咗5月-9月會好一點嘅, 阿小冊子話5月-9月係每15分鐘1班車, 而4月/10月/11月就要打Hotline電話問下一班車幾時到, Oh My God!!! 咁無Local電話卡的遊客點算呀?!!
以下3個Web Sites可以比大家參考吓...
www.bigbus.ca
www.vancouvertrolley.com
www.vancouverpinkbustours.com (註: Pink Bus即係Big Bus)
好, 講完!!! 可以入返正題...
12:40PM 跟著指示, 行幾分鐘就搵到Gastown Steam Clock... 蒸氣源源不絕噴出, 遊客源源不絕留倩影, 等咗好耐(車)先影到呢個真空檔期...
由於今日全日落雨, Honey的新歡小三Olympus OM-D E-M10全日躲在背囊內, 怕淋濕了會感染風寒... 相機如女人, 舊不如新, Sony Cyber-shot DSC-RX100都出III喇, 曾經在雨中受人呵護備至, 經歷過無數跌打損傷的第1代RX100(我的小三), 只可以係佢被人送入冷宮之前, 盡最後努力, 肩負起雨淋中的戰地拍攝... 不禁要哼一句...
♫ 由來只有新人笑 有誰聽到舊人哭 愛情兩個字 好辛苦 ♫
Big Bus個網址Contact Us果度, 到今日2014年5月尾為止, 仍然顯示: -
Customer Service
WESTCOAST Welcome Desk
321 Water Street, Vancouver, BC
V6B 1B8
我地由街頭行到街尾, 再由街尾行到街頭, 前前後後行咗幾次, 搵咗好耐都搵唔到, 就係呢個時候, 一架Big Bus擦身而過, OMG... 加拿大吉祥物馬鹿先生請你顯靈指點一下謎津...
1:00PM 終於搵到, 321 Water Street其實係Hudson House, 我地係佢前面行咗無數次, 同蒸氣鐘只係幾個舖位距離...
Closed?!! 唔係化?!!
仲要舊年秋天已經關門大吉?!! 你個Website唔早講?!! 唔使等我搵得咁辛苦吖, 仲要Miss咗1班車!!!
依通告的指示去到蒸汽鐘對面的Starbucks門外等候, 個燈柱上其實只掛著Vancouver Trolley的招牌, 根本搵唔到Big Bus的招牌, 我都唔明自己當時點解仲對Big Bus咁有信心, 自己白痴活受罪就好啦, 可憐Honey要一齊受苦, 唉, 罪過罪過...
打電話去通告上的Hotline問吓下一班車幾時到... 對方答1:35PM... 嘿, 走咗1班車, 竟然要等半個鐘先有第2班車!!!
等車期間Vancouver Trolley不斷係我地面前出現完又出現, Honey有提議不如有車就上啦, 都係差不多嘅啫... 但我呢個超現實外星死硬派死都要等到自己事前Research好的功課出現, 而家諗返轉頭都想開自己個腦驗吓係咪裝滿草...
11:50PM 最後誤班15分鐘, 浪費了1小時, 終於等到Big Bus!!! (惡夢未完)
上車向Super Bass超級重低音喃嘸司機買了2日票, 巴士爆到七彩, 幸好亦有小量孖位...
砵砵))) 觀光巴士以老爺車的速度向前緩緩進發... 可能緩步跑都快過佢... 第2站, Waterfront Station!!! 係呢1站終於可以見到Vancouver Trolley同Big Bus的招牌同場交鋒, 不過Vancouver Trolley打孖上以量取勝...
2:10PM 第3站, Canada Place!!!全體旅客下車!!! 司機要午餐30分鐘!!!
真的嗎?!! 期間唔會有其他Big Bus路過, OMG!!! 其實Waterfront Station其中1個出口係Canada Place, 我地12:30PM到達Waterfront Station, 係地下通道唔使淋雨行都行到過來, 我地浪費咗超過2個小時仍然離不開Waterfront Station的範圍, 一想到如果之後十幾日的行程都好似今日咁有效率, 呢刻真係想"屎"!!!
Think Positive!!! 週圍冒住雨影吓相先!!!
必到景點之一, Vancouver Convention Centre West旁的Olympic Cauidron!!!
Float Plane Terminal... 對面是Stanley Park, 沿海濱長廊可以行到入去...
Vancouver Convention Centre East包含Pan Pacific Hotel, 末段則是著名的Canada Place (Cruise Ship Terminal)...
Vancouver Convention Centre... 沒有店舖只有Starbucks, 買了1杯Hot Chocolate Venti CA$3.94 (約HK$28), 解一解渴, 給身體補給一下水份及糖分... 我地飲完早茶之後到而家咩都無落過肚啦...
可於此站轉車往超級景點Capilano Suspenrion Bridge Park... 不過對我來講實在太太太恐怖喇... Honey的手一定會被我尖叫失常的情況下扭斷, 不去為妙!!!
再回到車上的時候已不早, Hop-off的話都唔知幾時再有車可以Hop-on, 而且雨勢並無停止跡象, 我地決定坐在觀光巴士上繞一圈重回到第1站蒸氣鐘便打道回府, 算是完成了今日的運大桔探路任務!!!
Honey在車上還開始JetLag昏迷, 拍極都唔醒, 我仲用2隻手指打開佢隻眼, 都係合返埋, 坐係旁邊的白人Aunt見狀都忍唔住笑... 我只好尷尬回笑...
其實司機講o野一舊舊咁, 喃嘸喃嘸咁, 聽完想唔悶暈都難...
車上似乎得我地2個華人...
4:30PM 我地返回Waterfront Station, 乘SkyTrain回酒店... 但上錯去機場的列車, 要係Bridgeport落車等下一班車... 其實同Aberdeen Station只差1個站, 我地飲完早茶後只Share了1杯Hot Chocolate Venti, 呢度係河邊勁大雨, 又餓又凍, 好辛苦呀, 快D有車啦, 救命呀!!!
5:05PM 返到酒店, 明天繼續Big Bus市內觀光...
加國「喜行大溫」2014 の 總匯 http://www.kenmerry.com/2015/01/Vancouver-Canada.html
沒有留言:
張貼留言