浙江軒 Zhe Jiang Heen : [星の午餐] 鍋巴與火肪的表表者

21 March 2014, Friday

好耐無去灣仔喇... Actually, 經常藏匿於東區, 18區好多區都係"好耐無去", 哈哈...

今日去灣仔完成了一項重要任務, 又可以安逸一段日子, 懶懶熊決定要吃好一點, 慰勞一下自己...

有時候, 對飲食Bloggers的推介自己也半信半疑, 反而其他界別Bloggers的飲食推介來得更可信, 今次就試下寫開股評的Blogger所推介心水餐廳浙江軒試試看, 坐低上開餐網睇吓有咩好食, 先知原來佢係2013年同2014年的米芝蓮一星餐廳... 唔小心摘咗星, 呵呵...



間餐廳都幾難搵, 街上無招牌, 處於商業大廈內, 由灣仔行到差不多鵝頸橋就會搵到, 一定要順著街道號碼搵...

乘坐餐廳專用電梯到2樓... 店面的裝潢十分古色古香... 喜慶的大紅色系, 古典木櫃, 小木魚椅子, 百分百中國味道...


店內的裝潢更具特色, 灰色的磚牆,紅色的木柱與剪紙, 古裝服飾形狀的山水畫, 散發著含蓄的中國美... (未看餐牌, 已明白了一半為何餐廳會取得米芝蓮一星, 始終老外想要的就是這些)



打開餐牌睇睇先... 我想食呢樣果樣同埋呢樣仲要果樣...


松子雞米鍋巴卷 $84
-- 人人讚好的松子雞米鍋巴卷, 以雪糕桶的造型現身, 超級可愛, 鍋巴鬆化, 包著惹味的松子雞米, 好好味呀!!! 有驚喜!!!


蜜汁烤雙肪配蝴蝶餅 $280
-- 大堆頭大制作的蜜汁烤雙肪, 排場嚇人, 第一次見蜜汁火肪會連埋南瓜, 之前已見識過加脆腐皮一切食口感有幾特別, 蜜汁滲出淡淡的桂花味, 芬芳馥香, 火腿鹹鮮, 加上脆腐皮及南瓜一起夾在軟綿綿的蝴蝶餅內吃, 一軟一脆, 一濃一淡, 多重口感, 非常美味, Honey話係成世人食過最好味的蜜汁火肪...



八珍年糕 $108
-- 非常之...... 辣!!! 辣到我無晒味覺, 要狂灌茶... 年糕柔韌軟糯, 上海粗炒的醬汁, Honey吃得好滋味, 佢自己1個食咗8成...


椰棗拉糕 $36
-- 見到棗字同糕字就瞎傻, 竟看漏了椰字, 如果走椰的話, 會是相當美味的棗泥糕, 口感柔韌軟糯, 沒有走椰都可秒殺2件... 鐘意椰子味的朋友可試試...


食物份量不細, 1前菜1主菜1飯麵1甜品已飽到反肚, 價錢確是貴了一點, 是摘星的代價吧...

初時服務很好, 會不停為我地斟茶... 初時環境很寧靜, 合上眼靜默一下也是一種享受... 一切皆因為未到午飯時間, 現場只有1枱客, 午飯的鬧鐘一響, 是時候忘記剛才的美好吧, 嘿嘿...

是次每人消費約 $300 元
味道： 4 環境： 4 服務： 4 衛生： 4 抵食： 3
###
地址 : 灣仔駱克道300至306號僑阜商業大廈2至3樓
電話 : 2877 9011