Ruby Tuesday : 邪惡的食物特別美味

11 January 2014, Saturday

失望地行完宜家家C, 失望地食完Maza Crepe, 打道回府, 時間有點尷尬, 吃晚飯好像早了一點呢... 但買了的東西實在太重, 不便到處逛, 最後決定到Ruby Tuesday吃些少東西...



5:30pm入座, 接待員說7:30pm要交枱... 2個小時對我地來講已很足夠... 唔好睇佢而家咁吉以為無生意, 6:30pm已Full House, 我地離開時已經有人等緊位...

餐廳內的環境異常昏暗...



在店員帶領下, 穿過自助Salad Bar... 幫襯1個Main Course可加$108自取1次...


到達2人卡位專區, 2人卡位枱面異常狹窄, 幸好梳化都幾好坐...


未坐暖張梳化, 店員已開始推銷會籍, 成為會員可於720日內以半價享用食物, 會費竟高達$1500!!! 嘩嘩嘩!!! 我係度咁多年先第2次來食(第1次隨時係10年前, 當時朋友就係有呢張卡), $1500夠我用正價食3-4餐啦... 再加上申請咗就一定會怕蝕底密密來狂食, 到時我肯定增高不少(高血壓、高血糖、高血脂), 唉, 免喇...

燒排骨雞翼拼盤 Ribs & Wings $278
-- 燒雞翼有2款醬汁揀 (Teriyaki or Buffalo), 我地揀咗Teriyaki照燒汁, 要辣的... 燒排骨就有3款醬汁揀(經典燒烤汁、蜜糖燒烤汁、香辣汁), 我地揀咗蜜糖燒烤汁... 落單時都無為意有Side Dish跟, 初時驚唔飽夜晚要搵食, 而家唔使囉...


燒排骨
-- 可以切到6件, 我一向嗜甜, 必選蜜糖燒烤汁, 甜甜的, 加上燒排骨的焦香, 好惹味... 難道燒排骨也學忌廉貓一齊跳鄭多燕?!! 好像Join了廋身療程呢, 廋得有點接近皮包骨... 慶幸清減了不少後風彩依然...


雞翼
-- 雞皮頗厚的, 醬汁也非常厚身, 醬汁味道有點酸辣, 頗惹味的...


薯蓉
-- 好重牛油味, 仲有香草味, 好好味呀!!! 入口順滑, 吃一球已足以飽到午夜...


Honey笑說邪惡的食物總是特別美味...

要將邪惡指數再推高一個層次, 必定要有邪惡的拍擋... 啤酒!!!

Guinness Draught Surger (Pint) $62
-- 濃郁順滑的Guinness, 味道像烤過的咖啡&黑麥芽&黑巧克力的混合體, 帶一點點苦, 與Ribs & Wings 是絕配...


邪惡拍擋2號... 凍檸茶!!!

Iced Tea $48
-- 我忍住好耐都唔飲凍檸茶嘅啦, 因為好多糖, 加上凍飲對胃部無益, 但一見到"免費添飲"4隻字, 不用考慮, 哈哈... 意外收穫係... 好香濃好有茶味, 相比起OutBa的無味茶, 簡直天堂與地獄...


咕嚕咕嚕... 飲晒, 唔該Refill吖... 大家見唔見到舊檸檬仲幾飽滿吓, 因為我驚第1杯已經插到溶晒, 第2杯會無晒檸檬味, 慳住用... 點知... 懶醒咗...


原來呢度Refill係收走隻杯, 比過1杯全新, 連檸檬都有... WoW... 太驚喜喇!!! 第2杯同第1杯一樣咁茶味香濃, 好好飲呀, 好幸福呀...

我今餐聽咗好多次"邪惡的食物總是特別美味"... 我同Honey講"我地要2-3年先好食1次", 我唔想再增高呀, 嘩咔咔咔... 

是次每人消費約 $215 元
味道： 3 環境： 4 服務： 3 衛生： 3 抵食： 2
###
地址 : 太古太古城道18號太古城中心一期5樓505號舖
電話 : 2907 1133