金東大小廚 Kam Tung Kitchen : 點解會咁多人幫襯

3 January 2014, Friday

星期日就開學喇, 今晚放工要去筲箕灣報名, 坐巴士過去, 報完名, 再坐叮叮去東大街搵食...

之前次次路過金東大都見佢座無虛席, 想試佢的煲仔飯好耐, 但每次天氣都唔凍, 唯有打消念頭... 今日攝氏十幾度, 啱食啦~~~


你地睇, 幾多人...


煲仔飯係對面街的鋪位煮... 陣容嚇人... 煮好就搵人搬過來隔壁的金東大粉麵... 再通過小窗心遞入金東大小廚...






我地被安排坐係餐廳入口, 好驚Honey會被猛力開門的客人拍扁... 座位一眼睇晒, 好迫... 牆上貼了懷舊海報...


可透過窗口望到對面街煮煲仔飯...


腸胃本已不適, 不敢吃太多, 只叫了1個煲仔飯和1個小吃...

椒鹽豆腐粒 $78
-- 嘩!!! 咁大碟?!! 點食得晒... 仲要咁鹹... 熱辣辣, 表皮脆就幾脆, 奇怪係唔香嘅... 食咗3份1已經唔想再食...


車... 原來個底係炸米粉, 嚇死...


三拼煲仔飯 $78
-- 職員無問我地就狂倒咗1湯碗豉油入煲內, 圍住煲邊落, 無煙走出來, 亦無香味走出來... 職員叫我地焗一陣先開蓋, 蓋咗幾分鐘, 開...... 蓋......


材料有潤腸, 油鴨, 排骨... 潤腸得半條, 都幾香幾油潤, 排骨都有嚼頭, 油鴨好足料, 有3大片脾肉...


飯身顏色好恐怖... 鹹到暈, 豉油沒有半點鮮味或香味, 飯身太腍太濕, 有少少唔香口的飯焦...


又坐得唔舒服, 味道又唔係特別好, 應該唔會再來...

是次每人消費約$80元
味道： 2 環境： 2 服務： 3 衛生： 3 抵食： 3
###
地址 : 筲箕灣筲箕灣東大街59-99號5號舖
電話 : 2569 4361