又到星期日, 再次展開鯉景灣搵食之旅...除了搵食, 今日再加多一個鬼祟任務... 回收玻璃瓶!!! 在家中儲了大大小小的玻璃瓶接近30個, 年近歳晚, 在家居大掃除日來臨之前務必要清理一下... 太古地產旗下的多個屋苑均設有玻璃回收桶, 可惜只供住戶使用, 每次我到達鯉景灣見到回收桶時就會想起家中堆積如山的玻璃瓶, 今日出門前鼓起勇氣, 帶埋2大袋玻璃瓶出發, 終於成功(鬼鬼祟祟)地放入回收桶, 萬歲!!!
上星期日下過江南(吃了令人回味的上海菜), 今日就再來一個憶江南吧...
其實呢間餐廳門面都幾細, 離遠完全睇唔到入面咩環境(多唔多人幫襯呀, 座位迫唔迫呀), 唔係因為要為幻想世界而努力作出新嘗試, 真係未必會入去...
餐牌底部有幅中國地圖, 指出那些區域為之江南...
點內的裝潢很古色古香, 天花掛著的鳥籠吊燈及水桶型牙簽桶皆玩味十足, 雕花的懷舊木座椅已很少見...
店內只有2位服務員, 需要協助時未免要耐心等候一下... 今天不趕時間, 問題不大...
本想一試頗多網民推介的麻辣羊鍋 $99, 但女服務員說很辣的, 擔心我吃不下, 雖然我地堅持無問題, 太辣的話最多我只吃一口, 我地有我地的堅持, 女服務員也有她的堅持, 女服務員推介我地先試極辣羊鍋麵, 因為極辣羊鍋麵同麻辣羊鍋其實是同一鍋羊肉, 羊的份量較少, 如果我地接受到它的辣度, 下次再試麻辣羊鍋都未遲... (麻辣羊鍋會多一些木耳&青瓜作配菜)
咁好啦, 我地屈服喇... 咁女服務員的出發點都係為我好啫, 無理由咁絕情唔領受, 就乖乖地聽佢話喇... (女服務員係一位外表頗慈祥的長輩媽媽級)
餐前奉上的小吃是花生, 味道沒特別, 可吃得清光...
極辣羊鍋麵 $42
-- 嘩... 個樣真係幾辣... 先夾起2-3條麵, 已經走埋湯汁, 放入口, 咳咳咳... 嘩... 超勁辣呀!!! 飲水飲水飲水... 但係辣得好好味, 又帶點麻, 忍不住來一件羊肉試試, 嘩... 好膻呀!!! 如果唔食得羊膻味的朋友食咗, 肯定即嘔呀, 哈哈哈, 正呀!!! 又再夾幾條麵食, 今次加少少湯汁, 嘩, 辣到救命... 又唔食得辣, 但太好味, 又要繼續食, 簡直自虐... 不過只係講緊我咋喎, 食得辣的Honey不知食得幾滋味...
黃金蝦球 $149
-- 蝦球體型較細小, 炸漿頗厚, 上桌時熱氣騰騰, 以鹹蛋黃制成的黃金醬汁隱隱約約吃到一點點腥味, 吃第1-2件時覺得頗好吃的, 吃到第3-4件時已有點膩, 已經拌了1大碗白飯來吃, 再吃下去真的感到吃力... 建議約多幾個朋友一齊分享, 2人食用未必適合...
由於極辣羊鍋麵實在太美味, Honey意猶未盡, 竟然提出叫多一碟羊來吃!!! 難得佢咁食得, 好, 就捨命陪君子... 女服務員推介京燒羊肉, 好, 就聽妳的...
京燒羊肉 $108
-- 羊腩的表面加了一層薄薄的粉漿, 炸得甘香脆口, 羊腩肉質柔軟而有彈性, 羊膻味澎湃, 好好味呀!!! 不過我地太貪心啦, 眼闊肚窄, 吃了2件就飽到反白眼, 唯有打包回家後上再叮熱來吃... 用微波爐翻熱後肉質難免會硬一點, 味道打了個8折, 但仍然可口...
下次一定要來試試麻辣羊鍋!!!
吃飽飽, 散步到附近的愛秩序灣公園, 行下船...
是次每人消費約 $150 元
味道： 4 環境： 4 服務： 3 衛生： 3 抵食： 3
###
地址 : 西灣河鯉景灣太康街55號GA11-12A號舖
電話 : 2136 0886
沒有留言:
張貼留言