雪亮聖誕 @ 香港樂園迪士尼 Hong Kong Disneyland

19 November 2013, Tuesday

早前香港樂園迪士尼做Promotion「食買玩」優惠益香港人, HK$499可指定時間 (1/11-6/12/2013, 2/1-28/1/2014) 入園兩次, 兼享用樂園餐飲及購物折扣優惠...
夜晚係火箭餐廳買o野食時職員剩係問我有冇年票, 都無為意「食買玩」門票有9折, 蝕咗...
入園前Plan好買圍裙同八達通卡套, 但今年的產品唔多吸引, 仲要所有園區的產品都一模一樣無晒獨特個性, 打沉我的購物慾, 最後1件都無買, 享受唔到購物滿HK$350即享85折購物優惠...

對上一次o黎廸迪尼已經係2010年2月, 剛好3年零8個月無o黎過, 抗戰成功, 嘩咔咔咔...

原本想第一時間衝入去玩個夠本, 不過要就貓兄時間又要就天氣, 搞搞下就拖到貓兄生日正日去, 上演咗一幕「萬千花火賀友慶」!!! 今晚會睇埋煙花先返歸, 屋企個電視全日熄機都好正常吖, 嘿~


貓兄追2次車尾, 要遲10分鐘先到, 我都唔會呆等嘅, 順手熟習下我部「入得餐廳, 出得泳池」的新手機Sony Xperia™ Z1的拍照功能... 廸迪尼列車埋站, 用運動Mode影出來都Not Bad吖...


入到廸迪尼, 第一時間去動畫藝術教室學習繪畫卡通人物... 排咗幾分鐘隊就入得, 班房內得幾個同學仔, 好有空間感, 輕鬆舒暢...


今朝嘅主腳係... 來自MU的... 大眼仔... 米高!!!
記者 : 嗯... 點解米高你批晒肘起晒角咁嘅...
米高 : 反映畫果個人平時的生活態度...
拉姑 : wakakaka...


呢期主題係「雪亮聖誕」, 巨型聖誕樹又點少得呢...


左邊的美國大街都添上了聖誕裝潢... 右邊的美國大街封晒木板, 裝修中...


樂園入口的Mickey & Minnie已換上聖誕裝束, 要同佢地影相一點也不容易, 保守估計要排1小時或以上... 美國大街與睡公主城堡之間的廣場亦擺放了聖誕Mickey & Minnie裝飾, 要行埋去影相一樣要排隊, 排幾個都懶, Zoom埋去影張相就算... 


今日嘅目標係新園區sss -- 迷離莊園、灰熊山谷、反斗奇兵大本營!!! 吓?!! 仲新?!! 舊o野o黎喎... 嗯... 咁人地3年零8個月無來過, 對我來講真係好新o架呢... wakakaka...

先到灰熊山谷, 拉姑咁耐唔來廸迪尼, 即時收監...


貓兄1個人去咗玩灰熊山極速礦車... 我1個人就週圍影下相...








壽星出鏡啦~~~


壽星出來後勁Hard Sell極速礦車好慢, 話Space Mountain快好多, 呃呃騙騙捉咗我入去玩... 結果... 我信錯人喇!!! Chok到我吖, Mark大喉嚨勁叫, 我幾驚自己挨唔住, 心臟病發魂斷灰熊山!!! 玩完出來全日暈陀陀...


玩極速礦車前見過Chip & Dale企係度陪影, 佢地散水後只有2 Pairs人空等, 問一問經理人, 3分鐘內會出來, WoW... 我要排!!! Chip & Dale一出來, 我後面條隊即時變咗廿幾卅人...


來到迷離莊園, 貓兄1個人去咗坐電車廂車參觀迷離大宅, 我係出面影下相... 佢出返來時又再勁Hard Sell完全唔驚, 我頭先先比佢昆完, 唔會再信佢, 死都唔肯再玩...


嘩... 落雨... 我地無帶遮呀!!! 搵個地方避一避先...

最就近嘅係大冒險家餐廳, 太古之友上星期六剛食完, 讚不絕口, 搞到我好有信心咁拉咗貓兄入去食個Lunch...

用餐區分咗埃及、俄羅斯、摩洛哥、印度同中國... 中國區座無虛席, 印度區人少少啱我地...


大冒險家餐廳供應韓國與日本佳餚、東南亞與印尼特色美食... 我又比人呃喇!!! 好Q難食呀!!! 大拿拿HK$128!!! 印尼炒飯深色而無味最令人憂慮... 蝦肉鬆散... 蝦片腍嘅... 沙爹雞肉串燒都唔好味, 但沙爹醬好得... 雞腿較正常, 唔係好味喎, 只係唔難食... 好失望!!!


收拾心情, 繼續向前... 反斗奇兵大本營!!!


排隊玩轉轉彈弓狗... 排咗10分鐘左右...


對我來講都好離心, 但尚可接受...


沖天遙控車... 睇到都心寒...


壽星要玩, 我當然要送佢一程啦... 嘩咔咔咔...


嘩!!! 啱啱先食完Lunch, 你會唔會嘔o架?!!


玩具兵團跳降傘勁多人排隊, 放棄...

居然有人玩到連鞋都唔要, 落荒而逃?!!


跟住我地係探險世界玩咗森林河流之旅, 係幻想世界睇咗米奇幻想曲同玩咗灰姑娘旋轉木馬, 仲有汽球表演者送咗隻大狗比壽星, 我就有花花指環, 再去埋明日世界玩巴斯光年星際歷險, 全部都只係排咗10分鐘左右, 好爽呀...

壽星繼續1個人玩... 飛越太空山 !!! 我見攰, 坐係門口等佢...

教啱時間行返去動畫藝術教室時, 撞正飛天巡遊... 呢幾位印度人唔知點解可以企出去巡遊路線影相兼拍片, 唔知係咪印度電視台來拍旅遊節目呢?!!


巡遊表演者仲將彩帶交比印度人一齊玩...


下畫4點, 動畫藝術教室今堂教畫Daisy, Yeah!!!


差d唔記得去市鎮會堂拎返個生日襟章... 壽星居然對個生日襟章無興趣, 送咗比我... Thank you!!!


今朝入場時見到薑餅人好想搵佢影相, 但已截龍, 好彩而家比我見返佢地, 排咗10分鐘左右就得喇... Yeah!!! 喂)))))) 我係呢邊呀!!! 個薑餅人好朦, 成日唔知望咗去邊...


係星夢奇緣煙花表演前, 去火箭餐廳食個Dinner先... 芝士漢堡套餐 $80, 芒果布甸 $26, 職員剩係問我有冇年票, 唔記得「食買玩」門票有9折, 蝕呀!!!


食完仲有時間, 再行返入3個新園區果便行個圈...

灰熊山谷...


迷離莊園...


反斗奇兵大本營...


今晚來個「萬千花火賀友慶」, 無影相, 無拍片, 静心欣賞星夢奇緣煙花表演...

睇完煙花, 再行多一轉美國大街商店, 都係買唔到o野, 唯有1月再來睇睇...


呢張試手機... 無腳架, Not Bad...


小小的戰利品... 免費的... 嘻嘻...


I will be BACK!!!

[ 拍攝器材: Sony Xperia™ Z1, Sony Cybershot DSC-RX100 ]