[試食邀請] 美心西餅 Maxim's Cake Shop : 雲上吃板栗

23 October 2013, Wednesday

每日放工的動作都係非常刻板, 先吃晚飯, 然後就去買生果同麵包... 今晚食完壽司多咗1件事要做, 就係去取回之前買落的運動衫...

途經地鐵站, 突然牙痕想試試美心西餅新推出的棉花糖栗子撻, 諗都無諗就即刻換咗1件... 結果因為驚個栗子撻舟車勞頓會變花面貓, 搞到我要第一時間衝返屋企, 無去買生果同取衫... 麵包就當然係美心西餅買埋啦...



好彩無驚無險順利返到屋企... 嘻嘻... 少少花面在所難免, 我已經盡力保護...

棉花糖栗子撻 $18
-- 將板栗蓉與忌廉混為一體, 以花嘴唧出栗蓉山, 近睇可以睇一點點的栗蓉, 再加上原粒板栗, 是否外型認為外型太簡單呢?!!

將棉花糖栗子撻切開... 嘩... 好大粒綿花糖呀, 令我聯想到BBQ, 哈哈... 牛油撻底甘香鬆化, 咬開時可以聽得到薄脆朱古力裂開的聲音... 綿花糖白得像天上的一片雲, 又輕又軟... 與綿花糖為伴的是富彈性的粒粒栗子肉, 主角板粟蓉香軟柔滑, 甜度適中, 得自己1個人時又想吃栗子蛋糕, 絕對可以止口痕...
 

數天前趁永安百貨大減價時入手的意大利制托盤, 用來做食物的背景真的不錯... 我的眼光不錯吧~

是次每人消費約 N/A 元
味道： 3 環境： 3 服務： 3 衛生： 3 抵食： 4
###
地址 : 太古港鐵太古站TAK 10號舖
電話 : 2565 7167