[試食邀請] 美心西餅 Maxim's Cake Shop : 「紫」醉「甘」迷立體蛋糕 美貌與美味並重

12 October 2013, Saturday

若你收到咁可愛的栗子氫氣球, 反應會否同我一樣, 開心到飛起?!! 漫畫人物往往能夠以單手抓住氫氣球飛翔萬里, 呢一刻, 我的肉體仍留在公司內, 靈魂已跟住這粒栗子飄到Creamy的白雲上...

禮物包內有份栗子報, 同埋超萌的1:1栗子磁石, 相當有驚喜!!! 我相信所有收到呢份禮物的人, 應該都會同我一樣, 感受到送禮者果份心思...


等我打開份栗子報, 睇睇呢期栗指走勢, 然後再向大家分析, 如何部署飲食作戰計劃... 其實... 有冇讀者唔知道山東板栗同其他栗子一樣, 都係怕凍o架?!! 所以佢地粒粒都會有件草皮咁嘅戰衣, 睇落都幾似箭豬, 好可愛...


栗指走勢於凌厲, 秋天期間市場需求大增, 建議大家增持... (主持) 請問你有冇持有以上產品? (Kenmerry) 咳咳, 我持有3股品味山東板栗...


無聊節目「飲食現場」告一段落... 3款蛋糕我地會係之後幾集逐一同大家分析...

昨晚趕係最後10分鐘, 去到美心西餅訂「紫」醉「甘」迷, 好彩趕得切, 今日下午茶有著落...

一於先試「紫」醉「甘」!!! 因為我被佢的美貌深深所吸引, 最重要係我係紫薯同栗子的忠實粉絲, 真係好想第一時間試下2種最愛的食物--栗子同紫薯Crossover後會擦出點樣嘅火花...

Honey, 你今日睇咗報紙未?!! (睇緊...)

美艷不可方物的「紫」醉「甘」迷立體花形蛋糕, 靈感來自法國夏末秋至的花園, 需以全人手唧Cream, 形態優美, 鮮磨純栗蓉Crossover紫薯及甘薯勢必掀起秋栗潮!


不忍心將它切開, 但亦要切開...


哈哈, 我切得不太好, 請見諒... Floral Cake內層層交疊, 色彩豐富... 上層是來自板栗之鄉莒南縣的鮮磨栗子蓉, 栗香突出, 口感軟糯, 味帶微甜... 中層是來自沖繩的紫薯蓉, 甘香濃厚, 口感綿密, 味道甜美, 與栗子蓉各有千秋... 下層是來自鹿兒島的甘薯, 香味沉著, 甜度輕微, 口感綿密, 乃扶持牡丹之綠葉一族...


一句講晒, 好睇又好食!!! 美貌與美味並重!!! 打後幾個月必吹強烈秋栗風, 生日會肯定同佢撞口撞面...

是次每人消費約 N/A 元
味道： 4 環境： 3 服務： 3 衛生： 3 抵食： 4
###
地址 : 九龍灣港鐵九龍灣站 KOB 3 號舖
電話 : 2755 2096