56蚊「澳門悅榕莊」2日1夜之旅 -- 葡軒

4 September 2013, Wednesday

食完Saffron自助早餐, 返酒店房Hea多陣就要Check-out了... 唔捨得呀...

其實仲好飽, 不過一場o黎到澳門, 無可能未食過葡國菜就返歸o架...

葡軒位於澳門銀河城內, 貪其不需日曬雨淋... 


牆上的七彩公雞裝飾很奪目...


店內的裝潢很有味道, 多彩的瓦磚, 含蓄的葡國風... 梳化位坐得好舒服呀... 時間尚早, 客人不多, 好寧靜呀, 我最Buy...


先來餐前麵包...免費送的... 牛油制作很認真, 刻上了澳門銀河的標誌, 味道卻是一點也不好吃, 只有油, 沒有香... 麵包外皮硬硬的, 內裡暖暖的, 味道淡淡的...


Guinness Stout $50
-- 吃乳豬時, 總會想飲凍飲, 味道濃烈的健力士啤酒是不錯的選擇...


葡式燒乳豬 $198
-- 餐牌內係搵唔到葡式燒乳豬的例牌價錢, 只看到$780預訂... 細問之下, 1份的價錢係$198, 就要1客吧... 碟是很大, 薯條卻鋪滿半碟, 乳豬只有6條, 份量略嫌少了點, 幸好皮脆肉嫩, 肉汁仍然保存到, 豬味濃而不至膻, 食得好滋味, Yummy!!!


焗鴨飯 $118
-- 網上食評推介的焗鴨飯, 表面的飯身脆脆的, 像煲仔飯的飯焦... 香味飯蓋著乾柴柴的鴨肉, 鴨味香濃, 略為鹹了點, 葡式腸一如傳統, 鹹得過火... 整體味道是不錯的...



後來的客人點了非洲雞, 賣相好吸引, 下次若然再來的話, 一定要試試...

申請了銀河卡, 埋單有9折, 等如免加一... 有點後悔... 諗深一層, 只是Discount了$36.6, 我的個人私隱呀, 不只值這個數吧!!! Honey話見到銀河卡櫃位的職員好似悄悄地用相機影了我地的身份證, 問都冇問過我地的同意, 太過份喇!!! 好後悔呀!!!