玩完天浪淘園同埋Banyan Tree Macau住客專用泳池, 個人散晒, 手軟腳軟...
係梳化昏迷咗一陣, 食埋酒店送的蛋糕, 已經好夜, 接近9點...
唔食晚飯又唔得, 食又食唔落, 最後決定去銀河渡假城的美食廣場解決...
美食廣場有十數間食店, 只有1-2間係香港無, 全部都係熟悉的名字, 有點失落...
最唔暢快嘅係... 竟然要買「銀河」通儲值卡, 仲要只可以係呢十幾間食店用, 行出咗美食廣場係用唔到...儲完值, 買完食物, 又要拎去退現金, 超煩...
美食廣場範圍唔係好大, 但都易搵位的... 9PM後...
唔敢影環境相, 在場人士都兇巴巴的, 有殺氣, 完全搵唔到一家大細去渡假的笑面... 可能因為小朋友已食飽回酒店房瞓教...
香辣屋 原個菠蘿雞柳炒飯 $60
-- 唔包飲品, 都幾貴, 不過OK好食, 菠蘿好甜, 炒飯又夠乾身, 除咗提子乾, 仲有幾粒腰果, 算係幾有誠意... 準備食時有少少後悔, 應該叫佢用碟上, 我唔想食人地食過的菠蘿殼...
帕莎 羊肉配叉子燒餅 $55
-- 羊肉幾好味, 夠膻, 但太濕... 叉子燒餅一般... 無白飯撈的情況下, 都幾鹹...
飲品要到第3間食店買, 好麻煩...
不是太滿意的一餐, 但不難吃的...
坐得不自在, 總係好似被殺氣包圍... 最討厭的是, 執枱的職員, 總是將佈滿冷飯菜汁的車摌埋Honey的身旁, 前後2次, 附近都無人坐, 可以泊車的位多的是, 唯一解釋, 心地唔好, 好整污糟佢件恤衫, 否則, 我真係諗唔到其他理由...
飽餐後, 又要去退回增值卡的現金, 討厭...
回酒店房休息前, 入賭場玩老虎機, 因為入銀河會去葡軒有Discount, 同時送$50賭本... 老虎機好似有好多款, 其實得1款, 只係貼老虎機的膠紙唔同樣, 玩法是千篇一律... 好悶, 勁悶, 超級悶!!! 玩晒$50都好漫長, 後來倒錢落海, 1次過買幾十條線, 心願係盡快輸晒$50!!! 另一留多1分鐘都唔願意的原因, 係令人窒息的二手煙, 味道比一手煙濃烈千百倍...
玩埋就返房瞓啦, 好攰呀!!!
沒有留言:
張貼留言