[試食邀請] 深井咖喱寶 The Clay Oven : 夜闖西環

28 May 2013, Tuesday

今晚天公造美, 終於可以去西環試食, 整個5月幾乎日日都落大雨, 一直未能前往... 餐廳非常接近電車總站, 印象中只去過附近一次... 基本上我唔係好識分上環同西環, 咁陌生的地方, 緊要搵上環區地膽--老友食家一齊去...

放工後在香港站會合, 轉乘叮叮至吉席街電車站, 一落車便會見到深井咖喱寶, 非常易搵...


推門進入, 看到開放式水吧, 燈光昏暗, 配合各式吊燈, 印度掛畫, 頗有情調...


我地坐近入口的梳化位, 初時並不覺得冷氣不足, 但吃下火辣辣的咖哩後, 血氣運行, 不禁開始冒汗...


晚市二人餐有2款, $214 及 $236, 有1-2個前菜有2-3個主菜有烤餅有餐飲, 睇落幾抵...

常見於印度餐廳的餐前小吃--胡椒餅, 不知是否影相影得太耐, 腍了... 香草醬香口, 在舌上並不感到辣, 但去到喉嚨開始辣起來, 有點招架不住... 酸甜醬酸微微的, 味道也可以... 另有2件炸物, 有點像炸免冶肉碎雜菜, 咬下軟腍腍的, 油份偏高, 如表面脆一點口感會更佳...


椰青 $36
-- 店員推介Mango Lassi, 可惜我的腸胃不靈光, 無緣一試... 椰青清甜, 椰肉香軟, 100%純天然, 不太冰凍, 腸胃應該不會投訴吧...


雜菜咖哩角 $42
-- 肥嘟嘟的咖哩角, 好可愛... 不油不膩, 熱騰騰的, 餡料主要是雜菜, 微辣...


鑊仔羊肉 $95
-- 羊肉份量不少, 富彈性, 羊味較淡, 不腥不膻, 配菜的洋蔥及燈籠椒香口, 咖哩汁乾身, 少辣...


牛油雞 $75
-- 雞肉先烤過, 帶少許焦香... 醬汁不辣, 少少甜, 味道特別, 難以形容...


特色燴免治茄子 $68
-- 免治多於茄子, 混合了雜菜, 加入印度香料, 中辣...


蒜蓉烤餅 $19
-- 因為2人枱不太夠位, 原本放在長方形滕藍內的蒜蓉烤餅, 上菜時店員二話不說, 夾到千層餅上... 我還未拍照呢... 烤餅 完全不油, 很乾身, 蒜粒灑在烤餅上, 老友食家說她能嗅到蒜味, 可惜我不知是否鼻敏感, 什麼味也嗅不到... 入口蒜味亦不太出...


千層餅 $26
-- 千層餅較厚身, 一點也不酥, 不怕油膩...


印度皇飯
-- 進餐期間, 餐廳方面加送比我地試吓的印度米, 嗅到很重的米味, 身形幼長, 顏色奪目, 味道甜甜的...


埋單(補差額)後, 店員端上一盤以中式全盒盛載的印度糖果, 讓客人享用... 我選了中間深啡色的咖啡糖, 味道香濃, 很重咖啡味...


餐廳只收現金...

離開時, 剛走了2班電車, 到對面馬路的日本城逛了一會, 空手而回... 正想折返電車站, 聽到彩逸軒有女子叫救命, 原來佢被困陽台, 我即時幫忙通知保安員, 希望佢最後能夠順利脫險...

坐著叮叮回到上環地鐵站, 轉地鐵回家去... 

 

是次每人消費約 $220 元
味道： 3 環境： 3 服務： 3 衛生： 3 抵食： 3
###
地址 : 西環堅尼地城吉席街27-31號A錦興大廈地下
電話 : 2872 6900