澳洲「野生探索」のAdelaide Botanic Garden (阿德萊德10大景點之1)

20 March 2013, WednesdayMin 19^oC, Max 32^oC, Morning Clouds, Warm, Dry

朋友一家下午要坐飛機去悉尼了... 昨夜與小朋友來個抱抱式道別後, 就要返香港後先再見了...

今日係10天澳洲之旅入面最熱的1日, 係阿德萊德市中心內, 最適合去的地方, 莫過於有綠洲之稱的阿德萊德植物園 (Adelaide Botanic Garden)!!! 重點係... 免費入場!!! 話晒都係阿德萊德的10大必到景點之1, 點都要比少少面, 獨立成Blog...

係Adelaide Railway Station外面坐免費巴士99C, 坐2個站就會到達Adelaide Botanic Garden的Main Gate... 阿德萊德人好友善, 有位女士明明一早就排隊等緊車, 但佢反而讓我地上車先... 巴士司機都好好人, 落車時熱情地指示我應該點行, 雖然只係幾步路, 而且我冇問過, 係佢自己主動講解, 比10個讚你地...

甫由Main Gate開始, 已經充分體驗到園內的維多利亞式花園景觀...

進入阿德萊德植物園後, 第一件要做的事... 影低植物園的地圖!!! 因為植物園佔地125英畝, 足足有6.5個維園咁大 (香港最大的公園--維多利亞公園只有19英畝, 請註意, 維園有1半以上都唔係綠色)... 最最最羨慕嘅係, 阿德萊德唔止得1個植物園, 而係有3個!!! 阿德萊德的3大植物園仲包括Mount Lofty Botanic Garden(約180英畝)同埋Wittunga Botanic Garden(約35英畝), 好果香港有1個似樣d嘅公園, 咁你話幾好呢... 阿德萊德人真係好好好幸福呀!!!


於棕櫚樹叢中漫步, 在了無邊際的平坦的草坪上, 看到孩子提鵝的可愛雕塑, 那裡是出於污泥而不染的淨土... 蓮潭(Nelumbo Pond)!!!



步過小木橋, 又見到另1座美麗的雕塑, 如果放在維園, 恐怕會落得要以膠袋密封的下場...

公園內的樹木異常巨大, 偌大的草坪, 加上藍天白雲及清新的草味, 不禁有點神傷, 點解... 點解大家都係維多利亞式公園, 人地呢個靚咁多正咁多, 如果呢幾棵大樹流落到香港, 恐怕只會步柏麗大道古樹的後麈...


影多幾張靚相之後, 我發現自己身體某一樣東西正在Burn緊... 唔係我的脂肪, 而係我的腳板面!!! Oh No!!! 救命呀!!! Anyone can help?!! 我全身都塗了防曬, 偏偏就唔為意要塗腳板面, 我Feel到d水泡開始爆發緊出o黎喇!!! 好痛呀!!! 澳洲的陽光果然比傳聞中更利害!!! (係澳洲之後果幾日, 果幾粒水泡仲玩5合1, 返到來香港冇耐就爆了, 各位, 呢個故事教訓大家, 出門口前, 睇清楚自己對鞋)

拿拿聲搵個瓦遮頭避一避先...

桑托斯經濟植物學博物館 (Santos Museum of Economic Botany)... 於1879年建立, 1881年首次向公眾開放, 採用希臘復興風格...

WoW... 好靚呀!!! 嘻嘻... 最重要嘅係... 入面有冷氣!!! 好舒服呀...


館內有好多係不同國家生長的植物標本, 係一個認識植物的好地方... 山竹都有呀, 好親切...


嘆完冷氣, 又要開始繼續上路... 倒下的千年古樹, 也是園內的展覽品之一...


園內有一個好靚的玻璃雕塑, 我覺得好似田螺囉, wakakaka, 滿腦子都係食... 背後的跨世紀溫室 (Bicentennial conservatory) 係南半球最大的溫室, 長100米, 寬47米, 高27米, 為慶祝澳洲在1988年建國兩百週年而誕生, 由當地建築師Guy Maron 操刀並贏得了獎項... 館內原本照顧了從澳洲北部、巴布亞新幾內亞、印尼及南太平洋群島的瀕危熱帶雨林植物...


館內陽光充沛, 溫暖而潮濕... 穿過綠油油的樹木, 走過小橋流水, 看到一些很特別從未見過的植物, 聽到園內的鳥鳴聲所打造的雨林, 絕對是一個不錯的體驗...



繼續往前走... 見到很美麗的屋子, 它的美在於與大自然融為一體, 成長於石屎森林的我, 同大家數香港人一樣, 多渴望可以擁有一間House, 小小的亦不成問題, 可惜只要仍留守在香港的話, 相信有生之年也難以圓夢...


轉眼來到了莫頓徑 (Moreton avenue) -- 看到嗎? 澳洲最古老的無花果樹!!! 縱使太陽伯伯正在發功, 受到古樹的庇蔭, 微風輕佛, Feel到涼浸浸... 爽呀!!! 真係唔想離開...

一群鴨子正在橫過莫頓徑, 佢地係主場, 我地都係等佢行完我地先繼續行啦...

園內的餐廳也很Green, 有很多當地人在內用餐, So Relaxing...

Botanic Garden內另一美麗的建築物 -- 亞馬遜睡蓮館 (Amazon Waterlily Pavilion)!!!


睡蓮館內長滿了迷人的蓮花... 


搵咗好耐都搵唔到酒店房內的大壁畫內的Palm House, 原來... 錯誤定位地圖內的Gate!!! Oh No...

又渴又倦, 就暈得低, 終於支撐到棕櫚房子 (Palm House)!!! 好美!!! 真的好美!!! 難怪酒店房也以此為Highlight...


Palm House週圍被各式各樣的仙人掌包圍著, 棕櫚反而比較少... 陽光透入溫室內, 有點焗... 圓點地磚, 流水水池, 型格十足, 洋溢著靜態的美...


Palm House外的噴水池獨自樹立一旁, 感覺有點孤單, 但仍難掩其美態...


帶去Botanic Garden的水一早已飲完, 在身體嚴重缺水的情況下, 不捨也得離開...

回到Main Gate, 有好多澳洲白鹮(Australian White Ibis)呀!!! 好享受呢一剎那的平靜...


很棒的公園, 慶幸自己有來...

~~~ 相關網址 ~~~

阿德萊德植物園 (Adelaide Botanic Garden)
http://www.environment.sa.gov.au/botanicgardens/Visit/Adelaide_Botanic_Garden

Adelaide Metro -- Route 99C (FREE City Loop Bus Service)
http://www.adelaidemetro.com.au/routes/99C

澳洲「野生探索」2013 の 總匯 http://www.kenmerry.com/2014/07/2013.html