澳洲「野生探索」2013の出發鳥

16 March 2013, Saturday
 
20^oC, Cloudy

前文提要, 我地今次突然暴走澳洲, 前後只得個半月時間Planning, 由於對澳洲亳無認知, 導致計劃一改再改, 所有事都勁「臨渴挖井」, 其中一樣係出發前幾日先Book機場Limousine, 結果... Full晒!!! 要坐Taxi去轉機鐵, 有少少冇癮, 因為夜晚7點幾機, A380要早90分鐘Close Check-in Counter, 正值Taxi交更時間, 好驚搵唔到Taxi, 好煩!!!

黑仔事件又何止1件, 出發前眼鏡無端端爛咗, 配Parts都配唔切... 帶Con都被個盒割到手指, 傷口勁深, 黑仔到爆...

咁黑仔, 都係早d出發穩陣d, 反正成朝係屋企都冇o野做, 得閒到上網玩Candy, 又敷Mask, 見個喼仲有位剩, 仲要再塞多幾件衫入去, 仲可以沖埋涼, 出街食埋Lunch, 再返屋企先拎行李, Weekend坐夜晚機就有呢樣好... 和民牛小排熱鍋飯真係超好味...

好彩出發時冇落雨, 順利搵到Taxi, 起飛前3個半小時去到機場, 都已經有人排緊隊寄行李, 排隊時見到指示牌話所有電子產品Spare Lithium Ion電都要Hand Carry, 唯有當眾開喼... 到我地Check-in完, 人龍完全消失... 過X光機時, 排我後面嘅外藉少女除埋對鞋放入膠盤度, 我睇到眼都突埋, 好快佢已經發現佢唔需要除鞋...

順利出境... 咁多時間剩, 去Gate 1隔離嘅Travelers' Lounge八卦吓先...


場內有Free WiFi, 對旅客o黎講比較緊要d...

環境都幾舒適, 暗暗地, 静静地, 梳化幾好坐, 仲有o野食有o野飲, 有得沖涼, 又有電視睇... 呢個Bar區有Brownies同椰撻, 又有咖哩角同薯角...


行入d有Soft Drinks同Sandwiches任攞...


又有咖啡、茶、果汁、麵包、生果任攞...


仲有沙律、熱葷、同埋湯粉...


Brownies冇朱古力味, 椰撻都OK嘅, 咖哩角冇可能出事, 薯角又凍又腍, 無需Encore... 


湯河冇味, 你冇可能會Encore... 


估唔到, 曲奇同合桃酥冇味得o黎都算正常, 墨西哥粟米片幾冶味, 最場唯一叫做唔錯的食物... 

食物冇咩味都好嘅, 上到機唔使咁口乾... 食物真係麻麻地, 但地方一流, 好寧靜, 好舒服... 

澳洲「野生探索」2013 の 總匯 http://www.kenmerry.com/2014/07/2013.html