期待多年的澳洲旅遊, 只限於期待, 從來冇搜集過資料, 到突然話去, 前後只得個半月時間, 呢晒Hea... 奉勸大家一句, 做人切忌「臨渴挖井」!!!
越睇Backpackers' Forum, 個心越亂, 睇睇吓仲發現... 大家都話唔可以帶食物進入澳洲!!! 唔係呀嘛?!! 我唔得o架喎, 我去親旅行都要帶一大袋零食先至有安全感o架喎, 同埋大家都話去大洋路架旅遊巴"浪"到嘔晒電, 我冇話梅跟身唔掂喎!!!
繼續深入調查, 可惜網上資訊超混亂, 加上問過係澳洲住嘅朋友都係話好麻煩, 最後我決定以身犯險, 每樣零食都帶1包, 入境申報時真係唔得的話, 最多掉落「隔離物品」垃圾桶!!!
好, 出發前, 同各位勇士影張大合照先... Cheers...
前往澳洲的航機上, 空姐會派入境表, 如果大家有帶食物而又唔Sure入唔入得境, 就要係6同7打交叉, 寵物食嘅都要係8打交叉... 種子呀, 植物呀, 茶葉呀, 牛奶呀, 乳酪呀, 芝士呀之類, 應該唔得!!! 如果有帶食物而唔申報, 好似要罸款+坐監...
原來除咗食物之外, 連爬行鞋, Golf用品, 釣魚用品, 仲有好多o野都要申報, 大家出發前都係去以下網址查吓好d: -
DAFF Biosecurity in Australia » Travel Informationhttp://daff.gov.au/aqis/travel
入境前, 排隊Show Passport時, 已經有職員問... 到蓋入境印時, 都會再問... 攞完行李, 出閘前排隊, 又再問, 如果有食物係身, 要分流到左邊再排隊... 右邊都好似要再排... 去到X光機前, 職員又再問你帶咗d咩食物, Show比佢睇吓... 咁我事前Plan好晒, 費事開喼, 一早將食物分類, 一袋藥物, 一袋零食, 全部都係原裝未開封, 有晒英文成份, 放定晒入手提行李...
職員檢查時, 先比袋藥物佢睇, 發燒肚痾暈浪喉糖, 同埋d中藥沖劑, 全Pass!!! 之後到零食, 逐包望, 到甘草薑時, 問了一句"Ginger?", 我答"Yes", 掂埋... 最後問我地行李入面仲有冇食物, 我地答"No", 都唔使再入X光機, 走得!!! Yeah!!!
都唔係d人講到咁麻煩啫... 不過都係因為我地到達悉尼後, 轉機去阿德萊德要相隔2小時, 大把時間, 先膽粗粗進行測試...
~~~ 到達後9日 ~~~
係墨爾本機場寄完行李閒逛時, 竟然見到實物Sample, 呵呵, 影低先...
嗱, 豆呀, 大部分肉制品呀果d, Prohibited~
牛奶呀, 乳酪呀, 芝士呀果d Prohibited~ 原來沙律醬都Prohibited~ 木制品又係Prohibited, 布制品又好似Prohibited, 仲有其他, 不能盡錄... 大家自己上網睇吓啦!!!
~~~ 回港後 ~~~
姪女話有朋友帶士多啤梨乾入境被拒... 我估可能係因為士多啤梨上面有好多種子(Seed)啩...
~~~ 檢疫的原因 ~~~ (資料來源 : DAFF)
大自然創造了澳洲的獨特環境, 檢疫讓這獨特環境得以保持, 檢疫協助保護澳洲的環境和農業﹐如果您攜帶食物﹑植物材料和動物產品進入澳洲, 包括許多常見的紀念品, 它們是可以引進危險的害蟲和疾病的。
抵達澳洲前﹐您會獲得一張入境旅客卡。這是一份法律文件﹐您必須親自填寫﹐如果您攜帶任何食物﹑植物材料或動物產品﹐ 您必須在‘是’ (Yes) 的一欄打鉤及進行申報。如果您有一些不想申報的物品﹐您可以將物品棄置在機場大樓的檢疫箱。
您必須出示申報的物品﹐讓檢疫工作人員進行檢查。違禁物品會被沒收及銷毀。許多時候﹐您申報的物品都在經檢查後交還給您﹐但任何會構成疾病風險或含有昆蟲或幼蟲的物品都會被沒收。
澳洲檢疫及檢查服務處(AQIS)隸屬澳洲政府農業、漁業暨林業部(Australian Government Department of Agriculture, Fisheries and Forestry)。AQIS在邊境進行檢疫控制，從而盡量減少外來蟲害和疾病進入澳洲。AQIS進行進出口檢疫和資格驗證，以幫助維持澳洲動物、植物及人類良好的健康狀況，並保持商品出口到海外市場的渠道暢通。
in fact, we have everything here. almost 90% of Hong Kong style snacks can be found in our grocery stores..we don't need to bring anything back here at all.. hahaha.. our government doesn't mind us to bring things in. they are very experienced after twenty odd years dealing with asian emigrate. but they don't like us lying about it. i think it is fair enough. wish you had a good time here.
回覆刪除[版主回覆04/06/2013 20:12:03]Carol, 我大鄉里出城嘛, 第一次到澳洲, 出發前亳無概念 :p
乜咁鬼煩架
回覆刪除[版主回覆04/06/2013 20:13:31]Dull, 煩又唔係好煩嘅, 係困擾d囉
帶鐵蛋？！
回覆刪除蝦條、餅干就去到先入貨啦！
[貓頭回覆04/06/2013 20:55:32]其實全世界得南亞區既野會感覺平啲…
不過澳洲都係貴少少啫！你歐元都照俾啦！
[版主回覆04/06/2013 20:18:58]貓兄, 我有考慮過完全唔帶零食, 但係我要帶藥, 一樣要申報, 所以索性帶埋零食... 我未去過澳洲, 驚佢好似歐洲咁入黑之後方圓百里都冇o野買, 又唔知會唔會超貴(1對8呀), 最後都係自己帶啦... 順便可以測試吓嘛...
P.S. 鐵蛋純為測試蛋類