[試食邀請] Arome Bakery Room 東海堂 : 莓力四射 心の恋人

9 February 2012, Saturday
數週前獲東海堂邀請出席試食活動「恋の盛宴」, 宴會完結時, 各Bloggers均收到店方送出的「心の恋人」換領信, 眾人難掩興奮之情, 一度起哄...

「恋の盛宴」活動詳情可瀏覽以下網誌...
情人節期間限定 白い草莓「初恋の香り」http://blog.yahoo.com/ken-merry/articles/1184378

獨食難肥, 雖然我想廋, 不過都想係年廿九食團年飯之夜同家人分享呢份愛「心」同美味... 佳節當前, 店內超多客人, 真係插針都插唔入...

原來德福廣場呢間東海堂已經升Lev為Arome Bakery Room, 好吸引嘅人手新鮮打造吉士忌廉泡芙條呀!!! 可惜今晚已經名"甜"有主, 暫時放過你地先啦...

DaDaDaDa... 有請今晚的主角出場... 心の恋人!!! 

格仔網紋的立體紅心造型, 仿如擺放鑽石介指的禮物盒, 簡約高貴, 家人看到後無不驚為天人, 連平時不會影食物相的家人都爭相拍照並第一時間分享到社交網站...

柔滑細膩的雜莓慕絲, 配以粒粒清甜草莓及香濃草莓夾心, 莓香醉人芳馥, 酸度與甜度非常平衡, 與鬆軟的海綿蛋糕, 無論口感同味道都非常之Match... 在場人士無不讚不絕口!!! 可憐同場加影的彩虹蛋糕, 雖然同心の恋人係同一個太公, 但無論外貌及味道均被比狠狠的比下去... 心の恋人清碟... 彩虹蛋糕食剩... 可能因為莓味將鮮忌廉的膩滯感抵銷咗, 令人感覺好開胃, 食到唔停得口... 呢個回合, 心の恋人勝!!!

雜莓慕絲蛋糕(Mixed Berries Mousse Cake)只售$138, 實在超值!!! 過2日就係情人節, 同愛侶慶祝又點少得佢呀!!!

是次每人消費約 N/A 元
味道： 4 環境： 4 服務： 4 衛生： 4 抵食： 5
###
地址 : 九龍灣偉業街33號德福廣場二期3樓308號舖
電話 : 2757 6602