早兄今日11點先吹雞約食Lunch, 好急吓啫... 趕住清理枱上文件, 搵咩食就要靠佢啦... 佢提議咗2間我都幾想試, 咁叫佢Check吓邊間有得Book位啦, 佢又話唔使, Walk-in就得...
去到一門, 一開Lift門, 嘩... 好暗呀... 乜咁好情調呀?!! 雖然佈置簡簡單單, 但係都幾有日本氣氛...
入到去, 職員問有冇訂枱, 我地話冇, 職員話唔好意思, Full晒... 非常失望, 轉身離開之際, 職員又問我地介唔介意坐吧台, 佢自言自語咁話Book咗12點9到而家1點都唔見人應該都唔會o黎... 好o野, 有得食!!!
比目魚田舍煮 ($80) -- 比目魚豐腴甜香, 濃郁魚香鮮味, 肉質細滑鮮嫩, 魚皮煎至酥香脆口, 配上蘿白蓉味醂汁, 清香甘甜, 整體很搭配... 日式蕃薯更是軟腍香甜, 只得1片實在係吊胃口...
午餐包括前菜, 面豉湯, 白飯, 及飲品...
飲品可選擇除了一般的咖啡/茶, 仲可以揀芒果汁, 芒果味略淡, 甜味適中, 不會過甜, 入口冰涼透心, 帶點熱帶風情...
早兄的魚生飯配野菜烏冬套餐賣相唔錯, 三文魚粒同吞拿魚粒睇落幾新鮮, 仲有一門最出名嘅燒玉子...
豆腐烏冬有好多新鮮蔬菜, 五顏六色, 未食入口眼睛已經食飽咗... 豆腐皮煎至焦香, 外脆內嫩, 烏冬煙韌彈牙, 湯底清甜...
餐飲的熱檸檬茶以熱壺盛上...
店內環境非常日式, 吧台掛上日式小燈籠, 在黑暗中散發光芒, 很有味道...
吧台旁有自成一角的半開放式房間...
這個角落有點中國味道... 始終, 日本的建築係唐朝時代由中國傳入, 有相似之處是必然的...
2時過後, 人潮散去, 餐廳內非常寧靜...
今天比較匆忙, 未有上網調查餐廳有咩招牌菜, 唯有下次再試...
是次每人消費約 $95 元
味道： 4 環境： 4 服務： 4 衛生： 4 抵食： 3
###
地址 : 銅鑼灣軒尼詩道502號黃金廣場4樓
電話 : 2504 331
沒有留言:
張貼留言